Param Marikanka 15:8 - DAWAN BÎLA AISKA

⁸ Bara Dawan wal aisaia watla ba kiasma pali baman banhwan, Gâd tara pali ba karnika ba mita, bara upla kumi sin sip tempel ra dimras kan, pât tara 7 insal 7 bri kan ba sut tnata alkbia ba kat.

Param Marikanka 15:8 ပူးပေါင်းရင်းမြစ်များ

Lawana Nani 29:9

Dawan bîla baikra ba usupum dusa ba yahbisa, bara anira dus pâwi nani ba sin âpu daukisa. Bara witin ai tempelka ra diara sut lika mayunra bîla baman kulkisa.

Impakan Sturka 19:18

Sainai ilka pura aiska ba kiasma baman saki kan, Dawan baha purara bal iwan bamna. Kiasmika ba pauta mukaika watla tarka tara kum wina taki uli ba baku taki kan, bara il aiska ba sin nikbi kan.

Aiseya 6:4

Dur playka nani ba, baha bîla baikra wini ba mita tatatban, utla bîla ba sin kiasma ni banhwan.

Jirimaya 15:1

Dawan bui ai win: “Moses, Samuil wal nâra maiwanra bubia kra sin sakuna, yang naha uplika nani ra luki kupi kriwan takbia apia. Witin nani maiwan wina taki, mahka wabia wis.

Inanka Nani 3:44

Man kasbrika tilara aiblakram, yang nani puri sunra ba walaia apia dukiara.

Libait Lâka 16:2

Gâd bui Moses ra win: “Muihkam Eran ra wis, holi pliska ra ani taim dimbia ba ra, kwala paman ba ninara, lâ auhbaika watla pura prakaika ba lamara wabia apia, bara witin lika prubia apia; kan baha kat yang kasbrika kum ra param takamna bamna.

Roman 11:33

¡Nahki Gâd yuyaka lâka ba, ai sinska lâka ba, bara diara tânka kaikaia lâka bri ba tihu pali sa! Witin ai lâka ba tânka yawan mita sip tânka briras, bara ai yabalka nani tânka ba sin sip kaikras sa.

2 Tesalonaika 1:9

Naha nani ba, ban kaia ra sauhki tikan pâtka wal klala yan kabia; bara Dawan mawan wina, ai prana wina bara ai karnika wina sin, laihura saki lulkan kabia,

Param Marikanka 15:1

Kasbrika purara sain tara aihkakira pali wala kaikri: insal 7 pât tara 7 lâs nani ba bri kan kaikri. Baha pâtka tara nani ba wal, Gâd kupia baiwanka ba tnata alki kan.

Param Marikanka 21:11

Baha tawanka ba Gâd ingnika ni ingwi kan, bara ai ingnika ba walpa painkira pali baku kan, jasper walpaya baku, glas klin pali baku.