Param Marikanka 14:13 - DAWAN BÎLA AISKA

¹³ Bara bîla baikra kum kasbrika pura ba wina yang ra ai aisi kan walri: “Naha na uls: ‘Nanara wina pruan nani ba yamni pali sa, witinka nani Dawan ra lalukra nani taki si prubia ba.’ ” “Âu —Spirit ba baku wisa—, kan witin nani ai warkka karna nani wina ris brin sa, bara ai warkka nani mita ai yula kahbi kabia.”

Param Marikanka 14:13 ပူးပေါင်းရင်းမြစ်များ

Lawana Nani 19:11

Baha lâka nani ba mita, naha nampakan sna na kupia kraukuya; baha lâka bîla nani wali dauki ba wina, nampakan ra diara yamni uya takisa.

Lawana Nani 85:13

Kasak lâka ba witin kainara wabia bara ai yabalka ba wapni dauki yabia.

Aiseya 35:10

Dawan mita atki sakan nani ba kli tawi balbia, liliakira witin nani Saion ra kli balbia; lilia baman witin nani iwi kabia. Bara witin nani lilia tara bribia, sari lâka bara mamna lulkanka nani ba âpu tiwbia.

Daniel 12:13

Sakuna man, Daniel, tâm kat ban wapi bas bara ris bris, kan tnata yua nani ra buma mamna ba briaia dukiara.’ ”

Matiu 3:17

Bara kasbrika purara ba wina bîla baikra kum walan, naku aisata: “Naha sika Luhpi laitwankira; witin sika bâk saki briri ba.”

Luk 16:25

Sakuna Ebraham bila: ‘Luhpi, luki kaiks raya katma piua nani ra diara sut ba man pain baman briram, sakuna Lasarus lika diara sut ra saura baman kan. Nanara lika witin ba maisa nihkan sa, sakuna man lika pât wahwisma.

Luk 16:9

“Yang mai wisna, upla wal uplikam kaia dukiara man nani naha tasba yuya saura nani ba yus muns, baku mika yuyakam nani ba sut âpu takbia, upla kra sip kabia ban kaia ra ai watla ra mai bri kaia.

Roman 14:8

Baku bamna, yawan raya sa kaka, Dawan dukiara raya sa; bara pruisa kaka, baha sin Dawan dukiara pruisa. Baha mita yawan raya kabia kra bara prubia kra, Dawan dukia sika.

1 Korint 15:18

Bara baku sa kaka, Kraist ra kasak luki pruan nani ba sin tanis tiwan sa.

1 Korint 15:20

Sakuna kasak pali sa Kraist ba pruan nani tila wina kli bukan kata; pruan nani kli buaia daknika tila wina witin sika mâ tawahkia ba.

1 Korint 15:58

Baku bamna, muihki laitwankira nani, ban bapi bara pirwras kira banhwi bas, piua bani Dawan warkka ba kau ban dauki bas; kan man nani kaikisma Dawan wal asla wark daukisma ba lika, bahki apia sa.

2 Korint 5:8

Wan kupia ra aitani kat mangki luki banhwisa, bara kau ni brin wan daukisa, naha wîna tara lâka ra iwisna na mahka swi si, Dawan lamara wih iwaia.

Pilipai 2:17

Man nani kasakkam lâka mita Gâd ra prisant yabisma ba tnata alkaia dukiara, rayaki pali na sin sakripais dauki yabia kaka, yang lilia sni bara baha liliaka ba man nani sut aikuki brisni.

1 Tesalonaika 4:14

Yawan kasak lukisa Jisas ba prui kli buan; baku bamna, yawan kasak lukisa sim natka ra Gâd mita, witin ra kasak luki pruan nani ba, Jisas wal kli bukbia.

1 Tesalonaika 4:16

Kan Dawan pali ba sika bîla baikra karnakira ba wal kasbrika pura ba wina bal iwbia arkinsal bîla baikra wal bara Gâd trumpitka wal sin. Bâra mika, Kraist ra kasak luki pruan nani ba, pas tâura bubia;

1 Tesalonaika 5:10

Jisas Kraist yawan dukiara pruan, bara baku mika yawan raya kabia, pruan kabia kra, witin wal asla raya iwi banhbia dukiara.

1 Timoti 5:24

Upla tila nani saurka ba, witin nani kau lâka daukras ba ra, pat latan kaikaia sip sa; sakuna wala nani saurka ba lika, lâka daukan ningkara kaikaia sip sa.

1 Timoti 5:25

Baku sin, wark yamni nani ba latan kaikaia sip sa; bara kaikras kabia sakuna, sip ban pali warkka yamni nani ba yukukan kabia apia.

Param Marikanka 1:11

bara yang ra ai win: “Dîa dîa kaikma ba sut wauhtaya kum ra uls, bara 7 serts Asia ra ba ra blîks, baha ba naha nani sa: Epesus, Esmirna, Pergamum, Tiatira, Sardes, Filadelfia, bara Leodisia.”

Param Marikanka 10:4

Alwani 7 ba aisi kan ningkara, yang mahka ulbaia kapri; sakuna kasbrika purara ba wina bîla baikra kum ai aisan walri: “Alwani 7 diara nani aisan ba, pain yukuki bris; baha nani ba ulpara.”

Param Marikanka 11:15

Insal matlalkahbi pura kumika ba ai trumpitka puhban, bara kasbrika pura ba wina bîla baikra tara nani wali banhwan. Baha nani naku aisi kan: “Naha tasba kingka lâka ba nanara wan Dawan dukia sa, ai Kraistka dukia sin, bara witin ban kaia ra king aimaki kabia.”

Param Marikanka 11:19

Bamna Gâd tempelka kasbrika purara ba kwawan, bara lâ auhbaia watla ba tempel ra kaikan kata. Bara imyula nani, bin nani, alwani nani, tasba nikban sin kum takan, lî mâ tarka tara nani sin auhan.

Param Marikanka 16:17

Insal 7 ba ai kapka pâsa ra laikan, bara Dawan wal aisaia watla ra king iwaika ba wina bîla baikra tara kum takan, bara naku wisata: “¡Pat daukan sa!”

Param Marikanka 19:9

Bara insal ba mita ai wisata: “Naha na uls: ‘Lilia pali sa Sîp Luhpia marit takan lilia ra paiwan nani ba.’ ” Insal ba mita kau ai win: “Naha nani lika Gâd bîla kasak lâka sa.”

Param Marikanka 2:1

“Bamna Epesus sertska insalka ra naku ulbi wis: ‘Witinka ai mihta aihkika ra slilma 7 bri ba bara kiandil mina silbar ni paskan 7 tilara tauki ba mita naku wisa:

Param Marikanka 2:7

¡Ya ai kiama bri kaka, Spirit mita serts nani ra wi ba pain walaia sa! Ya ya sip muni pura lubia ba, raya kaia dusa Gâd paradaiska ra ba wina, yang mita yârika pibia.’

Param Marikanka 20:6

Yamni pali bara holikira sa, baha nani naha pruan wina pas buanka tilara bubia nani ba. Prura wala ba witin nani purara karnika kumi sin âpu sa; ban sakuna, witin nani Gâd bara Kraist wal baku nani kabia, bara witin wal mani 1,000 king aimaki kabia.

Param Marikanka 21:5

Bara king iwaika ra iwi kan ba naku aisin: “Kaiks, nanara yang diara nani ba sut raya daukisni.” Naku sin win: “Naha na uls, kan bîla nani na kasak sa bara baha nani kat kasak kulkaia aitani sa.”

Param Marikanka 22:17

Spirit Holikira ba bara Sîp Luhpia maya mairin ba naku wisa: “¡Bal!” Bara wali uplika ba wiaia sa: “¡Bal!” Ya din dauki ba, balaia sa; ya brin dauki ba, raya kaia laya ba mana luha dibia.

Param Marikanka 6:11

Bara witin nani bani ra kwala pihni kum yan kan; witin nani ra sin win kata piu wiria ris bribia, ai muihni nani Gâd warkka dauki ba sut daukbia ba kat, bara baha nani ba sin witin nani ra ikan ba baku ikaia kan.