Param Marikanka 14:11 - DAWAN BÎLA AISKA

¹¹ Witin nani ra rausauhki kiasmika ba ban kaia ban kaia ra uli wisa. Bara baha nani daiwan saura ba bara ai lilka ra ai pura suni mayuni ba, ai nina markka ba sin bri ba, kakna bara tihmia bribia apia.”

Param Marikanka 14:11 ပူးပေါင်းရင်းမြစ်များ

Blasi Sturka 19:28

Baha wina witin Sodoma bara Gomora tani ra tawi kaikan, baha twi langnika tasbaya aiska ba sin. Bamna kaikan Sodoma bara Gomora wal tawanka ba wina kiasma baman taki kan, pauta klauhan watla kum baku kan.

Lawana Nani 10:16

Dawan lika ban kaia Kingka sa; ¡idan nani ba, ai tasbaya wina saki lulkan kabia!

Lawana Nani 145:1

Yang lika man karnikam dukiara aisamni, yang Gâdki bara yang Kingki; ninam ba mayunamni ban kaia ra ban.

Impakan Sturka 15:18

¡Dawan ba king aimaki ban kaia ra ban kabia!”

Aiseya 33:14

Saion ra saura dadaukra nani ba sirang iwi tatatwisa, upla saura nani ba sirang iwi bal aisisa: “¿Ya yawan wan tila wina pauta klauhan wan sasauhkra bâra iwi ban kaia sip sa, pauta klauhan ban kaia ba?”

Aiseya 34:10

Tihmia ra, kakna ra sin baha dasbia apia. Ban kaia ra ai kiasmika ba uli kabia. Kiamka kum wina ban kiamka wala nani sut piua ra baku lulki swin kabia, upla kumi sin kli bahak lui wabia apia ban kaia ra.

Aiseya 34:8

Baha Dawan mita pana munaia yua ba aimakbia, Saion tâwan aisaia manka alkan.

Aiseya 57:20

Sakuna saurakira nani ba sin, kabu praut taki ba baku sa, sip sâp takras, buhutni drapapa laya manis saki ba baku kabia.”

Daniel 3:6

Baha lilka ra ai lula kriki mayunras ba sut, prak alki kubus kum pauta klauhan tara ba ra lulkan kabia.”

Joel 2:30

diara tara aihkakira nani kasbrika purara tasba ra kaikaia sip ba marikamna; tala, pauta klauhan, kasbrika, mukus tasba wina taki ba.

Matiu 11:28

Warkkam bara karbankam mita mai swapkan nani ba, sut yang ra bal bara yang mita maikamna ris briaia.

Matiu 25:41

“Bamna king ba mita ai smihka ra nani ba ra wibia: ‘Yang wina taki was, mai lahtuban nani sma ba; ban kaia ra pauta lakni dibil ai insalka nani wal dukia wisi ridi daukan ba ra man nani was.

Matiu 25:46

Bamna naha nani na ban kaia ra pât wahwanka ra wabia, sakuna kasakkira nani ba lika raya ban kaia ra wabia.”

Kli Smalkanka 28:65

Bara baha nisanka nani tilara man nani iwi kama piua ra, âmyapah ris bri kama apia, kan Dawan mita sirang mai iki kabia ba mita, kupiam wirha sarkam brima bara namkra laya wal kama.

Hibru Nani 1:8

Sakuna Luhpia ba dukiara lika naku wisa: “Gâd, man king iwaikam ba lika ban kaia ra ban kabia. Man lika kingkam lâka purara, wapni lâka kat king aimakisma.

Param Marikanka 11:15

Insal matlalkahbi pura kumika ba ai trumpitka puhban, bara kasbrika pura ba wina bîla baikra tara nani wali banhwan. Baha nani naku aisi kan: “Naha tasba kingka lâka ba nanara wan Dawan dukia sa, ai Kraistka dukia sin, bara witin ban kaia ra king aimaki kabia.”

Param Marikanka 13:12

Bara daiwra saura pas kata ba karnika aiska bri kan ai mawan kat. Witin mita muni kan tasba ba bara bahara iwi nani ba sin daiwan saura pas kata ba ra ai pura suni mayunbia wisi, witinka pruaia insauhkanka bri kan wina rawan kan ba.

Param Marikanka 13:15

Bara daiwra saura wala ba ra karnika yan daiwan saura pas ba lilka ra rayaka yabaia dukiara, bara baku baha lilka ba aisaia sip kabia, ban sin baha nani witin ra ai pura suni mayunras kan nani ba ikaia.

Param Marikanka 13:17

Bara upla kumi sin markka ba, daiwan saura nina ba, ai nina numbika ba âpu kan kaka, sip apia kan diara atki briaia, diara atki yaia sin.

Param Marikanka 14:9

Insal yumhpika ba tâura wâl wata ba nina blikan, bara ai bîla baikra karna aisi kan: “Upla kum baha daiwan saura ba lilka ra ai pura sunisa kaka, bara markka ba sin ai lal purara ai mihta ra swika mangkbia kaka,

Param Marikanka 18:18

bara tawanka ami ba kiasmika kaiki, ai pura wini banhwan: “¿Ani tawanka wala naha tawanka tara na wal praki kaikbia?”

Param Marikanka 18:9

Tasba kingka nani witin wal tâski lâka daukan ba, ai yuyaka sin tanis tiki kan ba, baha tawanka ba pura mata ini yahwi kabia, witin ami ba kiasmika kaikbia ba ra.

Param Marikanka 19:3

Witin nani kli ai pura winan: “¡Dawan nina ba mayunan kabia! Ai kiasma ba ban kaia ban kaia ra purara uli kabia.”

Param Marikanka 20:10

Bara dibil ba, witin nani ra kunin munan kan ba, pauta klauhan sulpa wal klauhi kan lakunka ba ra lulkan kata; bahara sika daiwan saura ba prapit kuninkira ba wal lulkan kan ba. Bahara witin nani rausauhkan kabia kakna bara tihmia, ban kaia ra ban.

Param Marikanka 22:5

Bahara tihmia âpu kabia, bara bahara iwi nani ba lamp ingnika, yu lapta ingnika sin luha kabia apia, kan Dawan Gâd mita witin nani ra ingni yabia, bara witin nani king aimaki kabia ban kaia ra ban.

Param Marikanka 7:12

naku aisi kan: “¡Baku kabia! Mayunra ba, prana ba, sins lâka ba, tingki lâka ba, kulkan lâka ba, karnika ba, bara karna kaia lâka ba sut sin, wan Gâdka ra yan kabia, ban kaia ban kaia ra. ¡Baku kabia!”