Param Marikanka 14:10 - DAWAN BÎLA AISKA

¹⁰ Gâd kupia baiwanka wainka ba diaia kabia, baha ba uya karna pali ai lawanka ba ra witin laikan sa. Ani uplika naha daukbia ba, pauta klauhan ni bara sulpa ni sin rausauhkan kabia Gâd insalka nani mawanra, Sîp Luhpia ba mawanra sin.

Param Marikanka 14:10 ပူးပေါင်းရင်းမြစ်များ

Blasi Sturka 19:24

Bara Dawan mita Sodoma bara Gomora wal purara kasbrika pura wina sulpa pauta klauhan wal yakaban;

Job 18:15

Ai watla ba pauta mukan sa, sulpa ni ai dukia kukan ba purara yakaban sa.

Job 21:20

Witin klala briaia sa, baha Gâd, karnira sut bri ba lawanka tara ra.

Lawana Nani 11:6

Upla watawikira nani purara Dawan mita yaka masku aswi ba, pauta klauhan, sulpa lî auhi baku blîkbia, yaka pâsa krawi diara sut angkbia. ¡Witin nani briaia aitani ba, Dawan bui witin nani ra yabia!

Lawana Nani 37:34

Man Dawan kat luki bîla wali bas, witin mita purara mai bukbia, bara tasbaya ba man dukiam pihni bri iwaia maikbia. ¡Namkra nani ni kaikma watawikira nani sauhki tikanka ba!

Lawana Nani 52:6

Dawan ra bîla wali nani ba, naha kaikbia bara sibrin daukbia; sakuna lawaska kiki wibia, baha uplika ba dukiara naku aisi:

Lawana Nani 60:3

Man uplikam nani ra pât saura yaram sa, baku sin wain diaia yaram, wan sinska aihka takan sa.

Lawana Nani 73:10

Baha mita upla nani bui witin nani ra mayunisa, bara witin nani ra diara saura sakras sa.

Lawana Nani 75:8

Dawan ai lawanka tara kapka ba ai mihta ra brisa, wain miks munan piawi ba. Baha wainka ba tasba ra laikbia ba ra, watawi dadaukra nani sut tasba ra iwi ba baha laya tahwi ba sut pali dibia.

Lawana Nani 91:8

Man namkra ni kaikma: nahki watawi dadaukra nani ai mana ba bribia ba.

Aiseya 29:9

¡Man nani lamla karna bas, diara walras! ¡Man nani blain ban bas, diara kumi sin kaikras! ¡Wain di bla takram ba baku pirwi bas, ban kra wain piawi takan ba diras kama sin!

Aiseya 30:33

Kan piua wihka wina pat pliskam ridi daukan sa, Asiria kingka ba ai uplika nani dukiara sin, pliska ba tara pakni pali sa, upla angki ikaika pauta manis kir mukan klauhisa. Dawan wingka puhbra ba mita, pauta buki klauhbia sulpa lî aubi baku.

Aiseya 34:9

Tingnika nani laya ba târ klaswan baku takbia, ai tasbaya yuyaka ba sulpa baku, bara ai tasbaya ba târ lapta slilwi baku kabia.

Aiseya 51:17

¡Rawi bus! ¡Rawi bus! ¡Jerusalem, rawi bus! Dawan klalka ba wauhram, kupia baiwanka kapka ba diram, man ban bla takram ba kat.

Jirimaya 25:27

Baha ningkara Dawan kli ai win: “Witin nani ra wis yang, Dawan karnika sut brisna, Israel Gâdka ba, adar yabisna dih bla takbia ba kat bâra aikabia bara tasba ra kauhbia bara baha wina kli bubia apia, war man nani ra blikamna ba tâka mita baku takbia.

Jirimaya 49:12

Dawan aisisa: “Baha wala nani ba, pât wauhbia kapka ba diara ai dukia apia kan, sakuna ban din kaka, yabal wala âpu sa, bamna man klala briaia sma, man sin baha wina diaia sma.

Jirimaya 51:57

King, Dawan karnika sut bri ba, kasak aisisa: “Babilon wihta nani ba yarka bla takbia, sinskira nani bâra ba, wihta tara nani ba, suldiar wihtka nani ba, suldiarka nani ba sin. Baku witin nani yapbia ba kli bubia apia bara kli sin kupia krawbia apia.

Inanka Nani 4:21

¡Edom nisanka nani, kiki bas; Us tasbaya ra man king aimakisma ba! ¡Dîa tahpla diaia ba man ra sin balbia, bara man bla taki kwala luha takma!

Isikiel 20:48

Bara tasba aiska kaikbia yang, Dawan sna ba, yang pautika angkri, baha pata klauhan daskbia apia.’ ”

Abakuk 2:16

Baha daukram ba tâka mita, yamni mai kulkan kan lâka ba swiram mai daukaia lâka ra tawbia, bamna Dawan ai kupia baiwanka kapka ba maikka dima; bara mamrikbia man kupiam ra Dawan lâka âpu sma ba, pramna maikan kan ba mai kulkanka âpu lâka ra tawbia.

Matiu 20:22

Jisas bila: —Man nani kaikras sma dîa makabisma ba. ¿Man nani sip sma ki yang dimna kapka ba wina diaia? Witin nani win: —Sip sna.

Matiu 25:41

“Bamna king ba mita ai smihka ra nani ba ra wibia: ‘Yang wina taki was, mai lahtuban nani sma ba; ban kaia ra pauta lakni dibil ai insalka nani wal dukia wisi ridi daukan ba ra man nani was.

Matiu 26:39

Bara Jisas kan mapara kau wiria wih, ai mawan ra tasba kat kauhi, Gâd ra ai pura suni, win: “Aisiki, sip kaka, yarka yang naha pâtka wahwamnara; sakuna yang want sna ba baku lika apia, man kupiam lâka kat lika.”

Mark 8:38

Ya ya yang dukira, smalkanki yamni ba dukiara sin, naha piua uplika lukras bara saura nani na mawanra ai swira lukbia kaka, Upla Luhpia Waitna sna na sin, witin nani dukiara swiri lukamna, Aisiki prana ra insal holikira nani aikuki balamna piua ra.

Mark 9:44

[Bahara sika liwa nani ba pruras sa, pauta ami ba sin ban kaia ra sip dasras.]

Apastil Nani Sturka 10:22

Witin nani bila: —Kiaptin Cornelio mita ai blikan. Witin waitna kasakkira, Gâd ra sin sibrin lukisa, Ju nani sut mita sin witin ra latwan kaikisa. Bamna Dawan insalka kumi mita witin ra win, man mai paiwbia ai watla ra wama, bara dîa dîa aisama ba witin walbia.

Kli Smalkanka 29:23

kuntri aiska ba kaikbia tasbayam ba sulpa, sâl, tasba baman ami tiwbia. Baha tasbaya ra diara mangkaia sip apia kabia, diara ai mâ sin sâkbia apia; twi sin pâwbia apia, Sodoma, Gomora, Adma bâra Seboím ra Dawan ai kupia baiwanka prautka ra sauhki tikan ba baku kabia.

2 Tesalonaika 1:7

bara man nani pât wahwisma ba ra ris maikbia, yang nani ra sin. Naha ba takan kabia, Dawan Jisas kasbrika pura ba wina, pauta klauhi tilara bara ai insalka karnakira nani aikuki latan bal takbia piua ra.

Judas 1:7

Baku sin Sodoma, Gomora bara baha lamara tawan nani kan ba, baha insalka nani kauhan ba baku witin wîna nani sîn tara brinka mita munan saurka ra diman; saurka uba dauki ba mita, paskanka ban bâra ba mapara takan. Baha mita pauta ami ban kaia pâtka ba wahwan bara upla sut ra kupia kraukanka kum baku takaskan sa.

Param Marikanka 15:7

Bara diara rayakira walhwal ba wina kumi mita insal 7 ba ra gul kapka 7 yan, Gâd kupia baiwanka ni banhki, witinka ban kaia ban kaia ra raya ban ba.

Param Marikanka 16:19

Tawan tara ba baikanka yumhpa ra kriwan, bara tasba aiska tawanka nani ba sut kauhan. Babilon tawanka tara ba dukiara Gâd ai kupia kraukan, ai kupia baiwanka tara wainka laya blikan ba yaka lanhkaia dukiara.

Param Marikanka 18:3

Kan upla sut ai rugka lâka saura wainka karna ba dih bla taki banhwan. Naha tasba kingka nani sut witin wal tâski lâka daukan, bara tasba ra diara âiatkra nani ba lika, witin ai yuyaka ailal tanis tiki kan ba wina lalahkira nani takan.”

Param Marikanka 18:6

Upla wala nani ra dîa yaban ba baku, witin ra sin yas, bara dîa daukan ba mana wâl prais aibaps. Ai kapka upla wala nani ra diaia dukia abalki yan ba, witin ra aima wâl prais kau karna abalki yas.

Param Marikanka 19:15

Ai bîla wina sord mala kum taki kan, baha ni upla sât sât pura luaia dukiara. Witin baha nani purara wihta aimakbia ayan klalka ni, bara witin nani lâka daukbia upla kum ai mina ni wain mâ taibi laya saki ba baku, bara Gâd witinka karnika sut bri ba kupia baiwanka tara wainka ba, baha nani ra yaka dibia.

Param Marikanka 19:20

Bara daiwan saura ba alkan kan, bara witin ba wal prapit kuninkira ai mawanra sain aihka nani daukan kan ba sin. Baha sainka nani bâk, prapit kuninkira ba baha nani dragun markka bri nani kan ba ra kunin munan kan, bara dragun lilka ra ai pura suni mayuni kan ba ra sin. Daiwan saura bara prapit kuninkira ba wâlsut raya pali pauta lakunka sulpa wal ami kan kat lulkan.

Param Marikanka 20:10

Bara dibil ba, witin nani ra kunin munan kan ba, pauta klauhan sulpa wal klauhi kan lakunka ba ra lulkan kata; bahara sika daiwan saura ba prapit kuninkira ba wal lulkan kan ba. Bahara witin nani rausauhkan kabia kakna bara tihmia, ban kaia ra ban.

Param Marikanka 20:14

Baha ningkara, prura ba bara pruan nani pliska ba wâlsut pauta lakni lakunka ra lulkan kan. (Pauta lakni lakunka na sika prura wala ba.)

Param Marikanka 21:8

Sakuna sasibrira nani ba, kasak lukras nani ba, uya saura takan nani ba, upla âikra nani ba, tâski lâka baman dauki nani ba, sukia warkka dauki nani ba, aidul nani ra ai pura suni mayuni nani ba, bara kuninkira nani ba sut sin, witin nani lika pauta lakni sulpa ni klauhi ba ra waia kabia; baha sika prura wala ba.”