Param Marikanka 13:16 - DAWAN BÎLA AISKA

¹⁶ Kau baha purkara, witin mita upla sut ra munan, tuktan nani bara almuk nani, lalahkira nani bara umpira nani, pri uplika nani bara alba nani ra sin, ai mihta aihkika nani ra, apia kaka ai mawan nani purara mark kum mangkbia.

Param Marikanka 13:16 ပူးပေါင်းရင်းမြစ်များ

2 Kronikas 15:13

Bara pramis taki banhwan, ani uplika, ya kabia Dawan plikras ba, Israel Gâdka ra, almuk, tuktan, waitna, mairin kabia, prura mihta ra mangkan kabia.

Job 34:19

Witin mita naha tasba wihtka nani mawan kulkras sa, yuyakira ba kau kulkras sa, umpira ba wal, kan witin mita sika sut ra paskan ba.

Lawana Nani 115:13

Dawan ra sibrin luki uplika nani ra yamni munamni, sirpi nani ra bara tara nani ra sin.

Lawana Nani 49:2

upla umpira nani bara yuyakira nani ba, karnakira nani bara bawikira nani ba sin.

Impakan Sturka 13:9

Dawan ai karnika tara wal Idsip tasbaya wina bri sal mai sakan, bahamna baha yua ba yarka sain kum klamhkla ra wilkan baku, lamla purara sin mark kum mangkan baku prais damra wali baku, man nani kupiam krauki kama. Dawan lâ daukan ba dukiara sin piua bani ra ban aisi kama, kan witin ai karnika tara wal man nani Idsip tasbaya wina mai sakan bamna.

Isikiel 9:4

Bara win: “Jerusalem lila bâk lui was, bara sain kum mangks upla nani lal purara, baha nani sari bri nani ra, baha saurka nani witin nani ai tilara dauki ba dukiara.”

Sakaraya 13:6

Bara upla kum witin ra naku makabi walbia kaka: ‘¿Ban kaka, dîa muni wînam insauhkan na?’, witin pana wibia: ‘Upliki nani watla ra naku ai daukan.’ ”

Apastil Nani Sturka 26:22

Sakuna Dawan hilpka ba mita, ban nanara kat bapi buisna, bara sip sna upla sut ra Dawan sturka yamni ba wiaia. Moses bara prapit nani mita dîa takbia aisin ba, diara sât wala kumi sin yang aisaras.

1 Korint 12:13

Baku ba mita yawan sut na, Ju nani kabia, apia kaka Grik nani kabia kra, alba nani, alba apia nani, tahbi wan daukan ba ra, asla wîna tara kumi paskan sa, Spirit kumi baman bâk; bara sut ra sin Spiritka kumi bâk wankan din sa.

Galesha 3:28

Bamna nanara lika, Ju kaia, apia kaka Grik kaia, alba kaia, apia kaka pri kaia, apia kaka waitna kaia, mairin kaia tânka ba âpu sa; kan Kraist Jisas wal asla kaia lâka ba mita, man nani sut asla kumi sma.

Galesha 6:17

Bara nanara wina brin ai daukras upla trabil ai munaia; mark nani wîni ra brisna ba mita marikisa, yang na Dawan Jisas napakanka sna.

Epesus 6:8

Bamna man nani lika pat kaiki banhwisma kumi bani, alba apia ba sut, Dawan wina ai mana yabia dîa yamni daukan ba kat.

Kli Smalkanka 11:18

“Naha bîla nani na kupiam ra bara sinskam ra alki bris; mihtam ra bara lamla purara sin sain baku mangks.

Kli Smalkanka 6:8

Naha lâka na sain kum baku, mihtam ra wilki brih was bara lamla purara sin,

Kolosi 3:11

Bara nanara kli Grik kaia, apia kaka Ju kaia ba tânka apia sa, Aisa sainka brin, Aisa sainka briras kaia, tringsar kaia, wail baku kaia, pri, apia kaka alba kaia, sakuna Kraist sika diara sut ba, bara witin lika diara sut ra bâra sa.

2 Timoti 3:8

Bara Janes, Jambrés wal, witinka nani sukia nani kan ba, Moses mapara buan ba baku, baha uplika nani sin kasak tânka mapara bûi banhwisa. Baha uplika nani sinska ba aihka saura takan sa, bara kasak lukan lâka mapa ra witin nani pain aihwa apia sa.

Param Marikanka 11:18

Nisan nani ba kupia baiwisa, sakuna man lawankam yua ba balan sa, pruan nani lâka daukaia piua ba sin, bara dukiam dadaukra nani man damhra aisi kan ba ra ai prisantka ba yama, holikira nani ra, bara ninam kulki nani ra sin, tara nani, apia kaka, sirpi nani kabia sin. Naha tasba sauhki uplika nani ra, sauhki tikaia katma piua ba balan sa.”

Param Marikanka 15:2

Glas kabuka baku kum sin kaikri, pauta klauhan abalki daukan; bara witinka nani daiwan saura ba wina, ai lilka wina bara ai nina numbika ra sin sip muni pura luan nani ba, baha glas kabuka lamara kan, Gâd arp nani yaban kan ba brih.

Param Marikanka 19:18

¡Bal, king nani wîna piaia, suldiar nani wihtka wîna piaia, waitna tahplu nani wîna, aras uli nani ba wîna piaia, upla sut wîna, pri nani bara alba nani, sirpi nani bara tara nani wîna sin!”

Param Marikanka 19:20

Bara daiwan saura ba alkan kan, bara witin ba wal prapit kuninkira ai mawanra sain aihka nani daukan kan ba sin. Baha sainka nani bâk, prapit kuninkira ba baha nani dragun markka bri nani kan ba ra kunin munan kan, bara dragun lilka ra ai pura suni mayuni kan ba ra sin. Daiwan saura bara prapit kuninkira ba wâlsut raya pali pauta lakunka sulpa wal ami kan kat lulkan.

Param Marikanka 19:5

Bara king iwaika ba wina bîla baikra kum aisi kan wali kata: “¡Wan Gâdka ra mayuni bas, man nani sut ai warkka daukisma ba, bara witin ra sibrin lukisma ba, sirpi nani bara tara nani sin!”

Param Marikanka 20:12

Bara pruan nani ba kaikri, tara nani bara sirpi nani, Gâd mawanra ai mina ra bûi kan. Wauhkataya nani ba kwâkan kan, bara wauhkataya wala sin kum, baha sika raya kaia wauhkataya ba. Pruan nani ba dîa dauki kan ba kat lâka daukan kata, dîa baha wauhkataya nani ra ulban ba kat.

Param Marikanka 20:4

Bara yang lika king iwaika nani kaikri, baha nani purara iwi nani kan ba sin; witin nani ba lâ daukaia karnika brin kan. Bara yang kaikri baha nani Jisas witniska taki kan bara Gâd sturka yamni ba tâwan, lal dakban sulka nani ba sin. Witin nani lika daiwan saura nani lilka ra sin ai pura suni mayunras kan, baha markka sin ai lal purara bara ai mihta ra yan mangkras kata. Yang kaikri naha nani kli raya takan, bara Kraist wal mani 1,000 king aimakan.

Param Marikanka 6:15

Bara tasba kingka nani ba, upla tara nani ba kira, lalahkira nani ba, suldiar wihtka tara nani ba, karnakira nani ba, alba nani ba bara pri uplika nani sut sin, kipla unta nani ra bara il walpakira nani ra sin wih yukuwan;

Param Marikanka 7:3

“¡Man nani tasba ra saura munpara, kabu ra, dus nani ra sin watawi munpara, yang nani wan Gâdka dukia dadaukra nani ba lal purara sîl kum ni sain mangkamna ba kat!”