Param Marikanka 13:13 - DAWAN BÎLA AISKA

¹³ Sain tara nani sin dauki kan. Witin lika upla nani sut mawanra kasbrika purara ba wina tasba ra pauta klauhan yan kauhisa.

Param Marikanka 13:13 ပူးပေါင်းရင်းမြစ်များ

1 King Nani 18:38

Bara Dawan Gâd wina pauta klauhan bal iwan, bara aiska angkaia wînka ba aman, pauta ba, walpa nani ba, bara tasba yamhpuska nani, bara lî plapaika ra lî kan ba sut âpu lâwan.

Impakan Sturka 7:22

Ban sakuna, Idsip sukika nani sin baku daukan, witin nani diara aihka daukaia sinska bri ba wal. Bahamna, king fero ai kupia ban kau karna dauki kan: Moses bara Eran wal aisi ba bahki pali kulki kan, Dawan mita witin nani ra win ba baku.

Impakan Sturka 8:7

Ban sakuna, Idsip sukika nani mita sin Eran daukata baku daukan, witin nani diara aihka daukaia sinska bri ba wal. Bara witin nani mita sin pikpik nani Idsip tasbaya purara bri balan.

Impakan Sturka 9:11

Nanara sukia nani kata ba sip Moses bara Eran wal mapara buras kan, witin nani sin Idsip uplika wala nani wal baku yukri nani mita ai taya sukwi kan bamna.

Kulki Kaikanka 16:35

Baha purkara Dawan pauta klauhan blikan bara 250 upla kan ba sin angki ikan.

Matiu 16:1

Parisi nani bara sadiusi nani sin Jisas ra kaikaia wan; bara traika kaiki muni, witin ra makaban kasbrika purara ba wina sain aihka kum witin nani ra marikbia.

Matiu 24:24

Kan misaya kuninkira nani bara prapit kuninkira balbia; witin nani sain tara nani bara diara aihka nani daukbia upla ra kunin munaia dukiara, bara sip kaka, Gâd mita bâk sakan nani ba ra sin kunin munaia.

Mark 13:22

Bamna kuninkira nani ba Misaya baku balbia, prapit baku sin, bara sain tara nani, diara aihka nani sin upla nani ra kunin munaia wisi, daukbia; bara sip kabia kaka, Gâd pali pliki sakan nani ra ban kunin munbia.

2 Timoti 3:8

Bara Janes, Jambrés wal, witinka nani sukia nani kan ba, Moses mapara buan ba baku, baha uplika nani sin kasak tânka mapara bûi banhwisa. Baha uplika nani sinska ba aihka saura takan sa, bara kasak lukan lâka mapa ra witin nani pain aihwa apia sa.

Param Marikanka 11:5

Upla kum mita baha nani ra saura munaia lukbia kaka, witin nani ai bîlak pauta aswan saki ai waihla nani ba angki âpu pali daukisa; bara baku ya ya mita witin nani ra saura munaia lukbia ba, sut prubia.

Param Marikanka 16:14

Naha nani sika dibil nani piritka sain tara nani dauki kan ba. Piritka yumhpa ba mita tasba aiska kingka nani asla daukaia taki auya kan, Gâd witinka karnika sut bri ba yua tara warkka ba dukiara.

Param Marikanka 19:20

Bara daiwan saura ba alkan kan, bara witin ba wal prapit kuninkira ai mawanra sain aihka nani daukan kan ba sin. Baha sainka nani bâk, prapit kuninkira ba baha nani dragun markka bri nani kan ba ra kunin munan kan, bara dragun lilka ra ai pura suni mayuni kan ba ra sin. Daiwan saura bara prapit kuninkira ba wâlsut raya pali pauta lakunka sulpa wal ami kan kat lulkan.

Param Marikanka 20:9

Witin nani tasba bîla yahpika ra bal ulan, bara Gâd uplika nani kiampka ba, bara witin latwan kaiki tawanka ba sin kir kutbi brin. Sakuna Gâd mita kasbrika purara ba wina pauta klauhan blikan, bara baha nani sut angki âpu daukan.