Param Marikanka 12:9 - DAWAN BÎLA AISKA

⁹ Baku bamna, dragun tara ba latara lulkan kan. Witin sika piuta almuk ba, nina dibil bara Sitan mâki ba, witinka mita sika tasba aiska ra kunin aisi ba. Witin ai insalka nani kira tasba ra lulkan kata.

Param Marikanka 12:9 ပူးပေါင်းရင်းမြစ်များ

Blasi Sturka 3:1

Bara piuta ba kau âuya mâira kan, Dawan Gâd tasba ra daiwan nani sut paskan ba tilara. Bara baha mita mairin ra makabi walan: —¿Baku bamna, Gâd bui man nani ra mai win, dus nani giadin ra bâra ba wina mâ nani kumi sin pima apia?

Blasi Sturka 3:13

Bara Dawan Gâd mairin ra win: —¿Baha dîa man daukram? Bara mairin ba win: —Piuta ba kunin ai munan, ba mita yang dusa mâ ba piri.

1 Kronikas 21:1

Upla dahra kwakwahkra insalka ba Israel luhpia nani mapara taibi munan bara Debit ra munan upla nina ulbi kulkaia warkka kum daukan.

2 Kronikas 18:21

bara witin mita win spirit kunin kum king prapitka nani ra yarka aisabia. Bara Dawan win baha pain sa, bara witin wih ki kunin munbia, bara baku daukbia.

Lawana Nani 109:6

Ai wihtka baku upla watawikira kum mangki yas, bara ai lâka dadaukra ba bui ai lâka dauki pât ra lakbia;

Aiseya 14:12

‘‘¡Nahki muni kasbrika purara wina kauhram, titan lakika tara! Tasba pali kat mai batakan, man sika kuntri nani ra pura lui katma ba.

Aiseya 27:1

Baha yua ra Dawan mita klala karna yabia ai sordka tara, karnakira ba ni, Leviatán ra, piuta plaplapra ba, Leviatán piuta âuya mâira ba, bara dragun ba ikbia kabu ra bâra ba.

Aiseya 65:25

Yul wail ba sîp luhpia ba wal aikuki twi pi kabia, bara layan ba bîp wainhka ba wal asla twi pi kabia; piuta ba tasba yuya ba ai pata kabia. Yang ilki holikira ba, witin nani mita sarka paskbia apia, saura sin munbia apia.” Dawan baku aisin.

Isikiel 28:16

Atkaia dukia ailal brisatma ba wal, aibanhwan takram sa, saura lâka bara taiban lâka nani ni. Bara yang maiwan wina mai kangbri; Gâd ilka ba wina kangbi mai sakri, bara kirubin main mai kaiki kata mita, slilma nani tila wina mai sakan.

Matiu 13:39

bara waihla inma saura mangkan ba lika dibil pali. Dâkaia piua ba lika tasba tnata, bara dâki uplika nani ba lika insal nani.

Matiu 24:24

Kan misaya kuninkira nani bara prapit kuninkira balbia; witin nani sain tara nani bara diara aihka nani daukbia upla ra kunin munaia dukiara, bara sip kaka, Gâd mita bâk sakan nani ba ra sin kunin munaia.

Matiu 25:41

“Bamna king ba mita ai smihka ra nani ba ra wibia: ‘Yang wina taki was, mai lahtuban nani sma ba; ban kaia ra pauta lakni dibil ai insalka nani wal dukia wisi ridi daukan ba ra man nani was.

Matiu 4:1

Naha ningkara, Spirit ba mita Jisas ba upla iwras tasbaya ra brih wan, dibil mita traika kaikbia dukiara.

Matiu 4:10

Bara Jisas bila: —Sitan, na wina taki was, kan Ulbanka ra wisa: ‘Man Dawan Gâdkam ra lulam kriki puram suni mayunma, bara witin dukia baman sin daukma.’

Matiu 4:5

Ningkara, dibil Jerusalem tawanka holikira ra brih wan, bara tempel bahna ra suni,

Matiu 4:8

Kli dibil mita il kum purara pali suni, naha tasbaya kuntrika nani sut marikan, ai prana nani sin.

Luk 10:18

Jisas pana win: —Âu, yang kaikri Sitan kasbrika pura ba wina kauhan, sim imyula baku.

Luk 13:16

Bara naha mairka na lika Ebraham kiamka, kuna Sitan mita naha sikniska wal priski bri kan 18 mani; ¿bara ris yua ra ai sikniska ba wina lanhkaia sip apia kan ki?

Luk 22:3

Bamna Sitan ba Judas kupia ra diman, witinka ba apastil 12 ba wina kumi kata, ai nina ba Iskariot mâki banhwi kata.

Luk 22:31

Bara Dawan naha sin aisin: —Saiman, Saiman, kaiks Sitan man nani ba makaban sa sim plawar mâ baku mai singbaia dukiara.

Luk 8:12

saumuk kum kum yabal tnaya ra kauhan ba lika upla nani bîla ba wali ba, sakuna dibil bal naha smalkanka ai kupia ra kata ba sakuya, witin nani kra kasak lukbia bara swaki sin sâkbia apia dukiara.

Jan 12:31

Bamna nanara sika naha tasba na lâka aisi daukan kaia piua ba, bara naha tasba wihtka tara aimaki ba sin latara lulkan kabia.

Jan 14:30

“Nanara diara kau manis man nani wal aisaia apia sna, naha tasbaya ra wihta ba aula bamna. Karnika kumi sin yang purira âpu sa sakuna,

Jan 16:11

¿ya ba Gâd lâ dauki ba klalka bribia?: baha lika naha tasbaya wihtka, witinka sika pât ra pat lulkan ba.

Jan 8:44

Man nani aisikam ba lika dibil; man nani ba witin wina atia sma, bamna dîa witin brin dauki ba kat daukisma. Dibil ba tâ pali piua wina upla âikra sa. Aima kumi sin kasakka lâka ra aibapi buras sa. Witin kunin aisi ba ra, ai tânka ba kat aisisa, kan witin lika kuninkira pali sa bara sin kunin aisika sa.

Apastil Nani Sturka 26:18

Man baha uplika nani nakra nani ba ilingkma, bara witin nani tihmia ra kau wapbia apia, sakuna ingni ra yarka wapbia. Bara sin Sitan mihta ra ban kabia apia, sakuna Gâd nina blîkbia; yang ra sin kasak lukbia, bara ai saurka nani sut ba swih tikan kabia, bara naika piua ra ai pliska bri kabia Gâd mita holikira sakan nani ba aikuki.’

Apastil Nani Sturka 5:3

Bara Pita bui Ananías ra win: —¿Dîa muni swiram Sitan mita man kupiam alkan Spirit Holikira ra kunin munaia, bara tasba atkram lalahka ba wina bakriki briaia?

Roman 16:18

kan bahmuna sât uplika nani ba wan Dawan Jisas Kraist dukia daukras sa, sakuna ai biara warkka daukisa, bara witin nani ai bîla damnika bara ai bîla ni pain aisi ba mita upla sins aitani briras nani ra kunin munisa.

Roman 16:20

Bara naika pali kupia kumi Gâdka mita man nani minam mununhtara Sitan ba taibia. Bamna wan Dawan Jisas Kraist mita yamni mai munbia.

2 Korint 11:14

Naha na lika diara aihkakira apia sa, kan Sitan pali sin ingni insal baku takisa,

2 Korint 11:3

Kuna si brisna piuta ai kuninka ba ni Iv ra kunin munan ba baku, swirka man nani ra sin kunin mai munbia, bara kupiam lukanka kumi ba bara sunu kaia lâka Kraist tani brisma ba sin swima.

2 Korint 12:7

Diara nani param kaikri ba lika diara aihka pali kan, baha mita yang sip maiyunamna apia, wîni ra latwan kum aikan kata sin wîni tara ra kiaya kum ai diman ba baku, bara baha lika Sitan warkka baku balan kan wîni tara ra rausauhkaia.

2 Korint 2:11

bara baku mika Sitan yawan wina diara sâkbia apia; kan witin ai daukanka saura ba yawan kaikisa bamna.

2 Korint 4:4

Witin nani sip kasak lukras sa, kan naha tasba gâdka ba mita sinska nakra ba blain daukan; Kraist pranakira smalkanka ingnika ba kaikbia sîa, witinka lika Gâd talia pali ba.

Epesus 4:14

Bara yawan na tuktan ban kaia apia sa, witin nani ai natka isi sât wala takisa, ya ya smalkanka raya smalki nani ba payaska ba mita raski brih auya, âuya mâira nani aimawahkan yabalka ra tauki nani ba mita sin kunin munisa.

2 Tesalonaika 2:3

Upla kumi mita sin yarka kunin mai munbiara. Kan baha yua kainara, Gâd mapara buaia lâka ba pas balaia sa, upla saurakira ba bal takbia, witinka tanis tiwaia pâtka ra lulkan ba.

1 Timoti 2:14

Bara Adam ra lika kunin munras kata; mairin ba ra sika kunin munan kata ba, bara witin ba Gâd lâka krikan.

2 Timoti 3:13

sakuna upla saura nani bara upla ra kunin mamunra nani ba, ban kau saura taki kabia, bara upla ra kunin muni nani kabia, bara panaura sin upla nani mita kunin muni kabia.

Hibru Nani 2:14

Utla uplika kum luhpia nani ba, sim wîna bara sim tâlia brisa; baku sin, Jisas ba upla wîna bara tâlia sin bri kan, bara baku lika witin sip kaia kan ai pruanka ba ni dibil upla ikaia karnika bri kata ba, sauhki tikaia.

1 Pita 5:8

Tânkira watauki bara aihwaki bas; kan waihlam dibil ba ya ya piaia wisi, layan ihbi baku pliki taukisa.

1 Jan 5:19

Yawan pain kaikisa Gâd uplika nani sa, bara tasba aiska na lika Sitan karnika mununhtara sa.

Judas 1:9

Bamna arkinsal Maikel, Moses wîna tara briaia ba dukiara dibil wal aiklabi blahwi kan ba ra, witin dibil ra swira dauki kira pât ra lakras kan; sakuna naku baman win: “Dawan mita klala maikbia.”

Param Marikanka 12:12

¡Bamna, kasbrika purara nani sma ba, liliam taki bas, man nani bahara iwisma ba! Sakuna tasba ra bara kabu ra iwi nani ba mapara lika alai pali kabia, kan dibil ba man nani ra iwan sa, ai kupia sin baikan sa, kan witin kaikisa kau piua wiria baman brisa bamna.”

Param Marikanka 12:3

Baha ningkara kasbrika purara sain wala kum takan: Baha ba dragun pauni kum kan, ai lal 7 bri kan, aringka matawalsip bara ai lal bani purara sin kraun kum.

Param Marikanka 12:7

Bara kasbrika purara war tara kum takan: Maikel ai insalka nani aikuki dragun ba mapara aiklaban. Dragunka ai insalka nani sut kira sin mapara bûi aiklaban;

Param Marikanka 12:8

sakuna witin nani aiklabanka ba sip pura luras kan, bara dragun ai insalka nani wal kasbrika purara pliska âpu takan.

Param Marikanka 13:14

Bara baha sainka nani daiwan saura pas kata ba mawanra yan dauki kan bâk, tasba ra iwi uplika nani ra kunin munan, bara witin nani ra adar yan baha daiwra saura ba sord ni klakan sakuna ban raya kaia sip kan ba, lilka kum daukaia.

Param Marikanka 16:14

Naha nani sika dibil nani piritka sain tara nani dauki kan ba. Piritka yumhpa ba mita tasba aiska kingka nani asla daukaia taki auya kan, Gâd witinka karnika sut bri ba yua tara warkka ba dukiara.

Param Marikanka 18:2

Bara ai bîla baikra tara ni wini kan: “¡Pat kauhan, pat kauhan Babilon tara ba! Nanara witin na dibil nani bara pirit saura nani watla takan sa; pirit saura tâski nani watla daiwan wail tâski misbarkira nani watla takan.

Param Marikanka 18:23

Lamp kumi ingnika sin man ra kli angkan kabia apia, marit takan lilia binka nani sin kli walan kabia apia. Dukiam âiatkra nani ba tasba aiska ra kau karnika bri kan, bara sukikam lâka ni nisan sât sât nani ra kunin munram ba.”

Param Marikanka 19:20

Bara daiwan saura ba alkan kan, bara witin ba wal prapit kuninkira ai mawanra sain aihka nani daukan kan ba sin. Baha sainka nani bâk, prapit kuninkira ba baha nani dragun markka bri nani kan ba ra kunin munan kan, bara dragun lilka ra ai pura suni mayuni kan ba ra sin. Daiwan saura bara prapit kuninkira ba wâlsut raya pali pauta lakunka sulpa wal ami kan kat lulkan.

Param Marikanka 2:13

Yang kaikisna, man ba Sitan king aimaki pliska ra iwisma, sakuna man lika yang tâiwan kasak pali ban sma. Antipas mita, yang witniski kasakkira ba, man nani tilamra Sitan iwi pliska ra ikan piua ra, man lika yang ra ban kasak luki kapram.

Param Marikanka 2:24

Sakuna man nani Tiatira ra sma ba, baha nani smalkanka nina blikras sma ba, Sitan tânka tihu nani witin nani wi ba baku, man nani lika lan takras. Yang mai wisna man nani puramra lika wirhika wala mangkras sna.

Param Marikanka 2:9

Man pât nani wahwisma bara umpira sma ba sut yang kaikisna, man lika yuyakira sma sakuna. Witinka nani ai nina Ju mâki ba bara mampara saura aisi ba sin kaikisna, sakuna baha nani lika Ju apia sa; baha nani lika Sitan daknika uplika nani sa.

Param Marikanka 20:10

Bara dibil ba, witin nani ra kunin munan kan ba, pauta klauhan sulpa wal klauhi kan lakunka ba ra lulkan kata; bahara sika daiwan saura ba prapit kuninkira ba wal lulkan kan ba. Bahara witin nani rausauhkan kabia kakna bara tihmia, ban kaia ra ban.

Param Marikanka 20:8

bara tasba aiska nisanka nani ra kunin munaia taki wabia. Witin mita Gog bara Magog kunin munaia wabia, bara baha wal suldiarka daknika nani ba asla daukbia war aiklabaia dukiara; baha daknika nani ba lika ailal pali sa, sim kabu auhika baku.

Param Marikanka 3:9

Baku bamna, Sitan daknika wina nani ba, witinka nani kuninkira Ju wisa sakuna baku apia ba, yang munrika wih minam ra ai lula krikbia, bara kaikbia yang bui man ra latwan mai kaikisna.

Param Marikanka 9:1

Insal matsipka ba ai trumpitka puhban, bara slilma kum kasbrika pura wina tasba ra kauhan kan kaikri; baha tihuka tara kîka ba yan kata.

Param Marikanka 9:20

Bara upla wala nani baha pâtka saura nani mita ikras kan ba, ai kupia lakras, diara saura nani dauki kan ba sin swiras, lasa nani ra ai pura suni mayuni kan ba gul ni, silbar ni, gul ni, walpa ni, dus ni paskan nani ra ai pura suni mayuni kan ba sin swiras, baha nani sip aisaras bara sip kaikras, sip walras, sip sin wapras ba.