Param Marikanka 11:19 - DAWAN BÎLA AISKA

¹⁹ Bamna Gâd tempelka kasbrika purara ba kwawan, bara lâ auhbaia watla ba tempel ra kaikan kata. Bara imyula nani, bin nani, alwani nani, tasba nikban sin kum takan, lî mâ tarka tara nani sin auhan.

Param Marikanka 11:19 ပူးပေါင်းရင်းမြစ်များ

Lawana Nani 105:32

Lî auhaia watlika ra ais ni blikan, bara pauta aswan kuntri ba purara balan.

Lawana Nani 18:12

Imyula lakni kum baku, witin mawan ba wina taki bal luan; bara kasbrika nani wina ais bara masku aswan sin auhan.

Aiseya 28:2

Kaiks Dawan nâra brisa, waitna kum karna pali, pâsa baku karnika brisa, lî diara sauhkaia auhi ba baku, kauhla pâsa krawi ba baku karna sa, lisamra dingkaia laya auhi ba baku sa, lisamra tara aubrika karna platukbi ba baku sa karnika ba wal tasba ba sauhkisa.

Aiseya 30:30

Bara Dawan ai kulkanka tara bri ba yaka upla nani walbia, ai klahkla karnika ba marikbia ai kupia baiwanka ra dauki ba mita, pauta buki klauhanka âpu wan tiki ba baku, alhkablakat, pâsa karna lî auhi ba, ais kauhi ba baku.

Aiseya 32:19

âu, unta tara pâwan nani ba sut klakbia, tawan ba sin sauhkan kabia sakuna,

Isikiel 13:11

Wis kal wal pihni yuki nani ra, baha kauhbia; lî karna prari baku auhbia, bara lî klaswan yuyaka walpa baku yabrika auhbia, bara pâsa karnakira sin balbia.

Isikiel 13:13

Baha mita, yang Dawan sna ba, aisisni: Kupi aisawanka ba pâsa karna prari baku blikamni; kupi baiwanka ba lî wal kau purkara yarka auhbia, bara lî klaswan yuyaka walpa baku yakabamna, kupi sauhkanka ba wal sauhki tikaia dukiara.

Kulki Kaikanka 10:33

Witin nani baku Dawan ilka ba wina mahka yabal ra impakan yu yumhpa. Bara Dawan lâka auhban watla ba witin nani ai tâura bri impakan, anira takaskaia pliki banhwi kan ba kat.

Kulki Kaikanka 4:15

Eran ai luhpia nani aikuki, holi pliska ra naha dukia nani sut ba pura prakbia. Bara utla ba mahka saki brih impakaia bubia ba ra, Quehat kiamka nani ba balbia baha twilki brih waia, sakuna diara holi ba kangbia apia, pruaia apia dukiara.

Kulki Kaikanka 4:5

Upla nani ba mahka yabal ra impakaia bûi banhbia ba ra, Eran ai luhpia nani wal bal, tint watla durka ra kwalka paman ba lanhki sâkbia, bara baha kwalka bani lâ nani auhban watla ba pura prakbia.

Jasua 10:11

Amorreo nani ba Bet-horón ra plapi auya kan taim, Israel luhpia nani sîa plapi kan ba ra, Dawan ba witin nani purara ais klaswan baku yakaban, bara amorreo nani kau ailal pruan Israel luhpia nani sordka ra pruan ba wal.

Param Marikanka 11:13

Baha sim piua tasba nikban tara kum takan, bara tawan ba mânka matawalsip daukan wina kumi ba kauhan, bara tasbaya nikbanka ba mita upla 7,000 pruan. Uplika nani pruras swakwan ba sibrin tara alkan, bara kasbrika purara Gâdka ra mayunra yabi kan.

Param Marikanka 11:15

Insal matlalkahbi pura kumika ba ai trumpitka puhban, bara kasbrika pura ba wina bîla baikra tara nani wali banhwan. Baha nani naku aisi kan: “Naha tasba kingka lâka ba nanara wan Dawan dukia sa, ai Kraistka dukia sin, bara witin ban kaia ra king aimaki kabia.”

Param Marikanka 12:1

Bara kasbrika purara sain tara kum takan: mairin kumi wan yu lapta ba ni kwala baku dingkan kan, bara kati ba ai mina nani munhtara bri kan, ai lal purara sin kraun kum slilma 12 ni daukan.

Param Marikanka 16:1

Bara yang bîla baikra tara kum, Dawan wal aisaia watla ba wina insal 7 ba aisi kan walri: “Man nani wih Gâd klalka saura tara kapka 7 ba tasba purara laiks.”

Param Marikanka 16:18

Bara imyula nani, bin nani, alwani nani, tasba nikbanka tara kum sin takan. Baha tasba nikbanka karna ba sât upla nani paskan ba wina kau âpu kan; naha sika sut purkara kau saura kan ba.

Param Marikanka 16:21

Walpa tara nani sin kasbrika pura ba wina upla nani purara bal kauhan, bara walpaya bani ba 100 paun prais bri kata. Bara upla nani Gâd mapara diara saura nani aisan, walpa tara bal kauhan ba dukiara, baha ba pât saura kan bamna.

Param Marikanka 19:11

Bara kasbrika pura ba kwawan kan kaikri, bara bahara aras pihni kum kan. Purara uli kan ba nina Kasak bara Kasakkira pali kata, witinka ba wapni lâka ra lâ dauki bara war aiklabi bamna.

Param Marikanka 4:1

Naha diara nani ningkara, diara aihka wala kum kaikri: kasbrika purara dur kum kwâkan kan; bara baha bîla baikra trumpit baku pas pali yang ra aisan kata ba ai win: “Nâra uli bal, bara naha ningkara diara nani takaia ba mamrikamni.”

Param Marikanka 4:5

King iwaika ba wina imyula nani, bin nani bara alwani nani sin taki kan; bara king iwaika mawanra pauta lakni lampka 7 klauhi kan, baha nani lika Gâd spiritka 7 ba.

Param Marikanka 7:15

Baha mita Gâd king iwaika mawanra buisa, bara ai tempelka ra kakna bara tihmia ai dukia daukisa. Witinka king iwaika ra iwi ba witin nani tilara ban takaski ai kaina kahbia.

Param Marikanka 8:5

Bara insal ba dus nani mâka kîa angkaika watla ba brih, masku ami altar kan ba ni banhki muni, wan tasbaya purara lulkan; bara alwani nani takan, bin nani, imyula nani, tasba nikbanka sin.

Param Marikanka 8:7

Insal pas ba ai trumpitka puhban, bara lî mâ tara nani, pauta lakni tala wal miks auhan, bara baha ba wan tasba purara lulkan kan. Wan tasba na mânka yumhpa wina kumi ba ami tiwan, dus nani mânka yumhpa wina kumi ba prui kan, bara twi kura mânka yumhpa wina kumi ba sin.