Param Marikanka 11:13 - DAWAN BÎLA AISKA

¹³ Baha sim piua tasba nikban tara kum takan, bara tawan ba mânka matawalsip daukan wina kumi ba kauhan, bara tasbaya nikbanka ba mita upla 7,000 pruan. Uplika nani pruras swakwan ba sibrin tara alkan, bara kasbrika purara Gâdka ra mayunra yabi kan.

Param Marikanka 11:13 ပူးပေါင်းရင်းမြစ်များ

Blasi Sturka 6:4

Baha yua nani ra, upla tara yakura nani tasba ra bâra kan. Gâd luhpia waitna nani bara upla luhpia mairin nani wal prawan ba ningkara, witin nani ai luhpia baikan ba, baku tara yakura baman takan. Baha nani sika, blasi tasba almukka yua ba wina, waitna karnakira nani bal takata ba, waitna karnakira nani, ai nina tara kulkan ba.

Jirimaya 13:16

Man nani bui Dawan Gâdkam ba pain kulki bas, witin bui man nani ra tihmia tara ba kau bri balras bara kiasma ilka nani ra kau minam prukras sma ba ra; baha ingnika bîla kaikisma witin mita kau tihmia tara ba bri balras dista tara ba kau daukras ba ra.

Malaquía 2:2

Man nani sika yang bîli wali dauki, pulan lâka luha tara ai kulki kaia kapram. Sakuna baku daukras sma kaka, lahtubamna. Baku daukras sma bamna prîs warkka wina yamnika nani briaia katma ba, lamhtubanka ra lakamna.” Karnika sut alki bri Dawanka ba, naha aisisa.

Jan 9:24

Bara Ju nani mita kan piua ra blain kan waitnika ba kli paiwi, win: —Diara kasak ba wan wis Gâd mawanra; kan yang nani kaikisna baha waitnika ba lika saura dadaukra sa.

Apastil Nani Sturka 1:15

Baha yua nani kum ra, Pita lika wan muihni nani lilapas kat buan. Upla nani asla bâra kan ba lika 120 baku kan. Witin bila baha nani ra:

Jasua 7:19

Bara Jasua bui Acán ra makabi walan: —Luhpi, pain kulkan mayunan lâka ba Dawan Israel Gâdka ra yas, man dîa daukram ba damra ba yukukpara, ai wis.

Param Marikanka 11:11

Sakuna yu yumhpa pura bakriki ba ningkara, Gâd mita kli rayaka yaban ba ra kli buan, bara witin nani ra kaikan uplika nani ba sut sibrin tara alkan.

Param Marikanka 11:19

Bamna Gâd tempelka kasbrika purara ba kwawan, bara lâ auhbaia watla ba tempel ra kaikan kata. Bara imyula nani, bin nani, alwani nani, tasba nikban sin kum takan, lî mâ tarka tara nani sin auhan.

Param Marikanka 14:7

Bara witin ai bîla baikra tara ni aisi kan: “Man nani bui Gâd ra sibrin luks bara mayunra sin yas, witin ba lâ daukaia awarka ba pat aimakan sa bamna. Gâd ra puram suni mayuni bas, witinka ba kasbrika purara, tasba, kabu, bara lî kârma nani sin paskan ba.”

Param Marikanka 15:4

Dawan, ¿ya man ra sîam briras kabia? ¿Ya sin man ra mamyunras kabia? Kan man baman sika holikira, bara nisan nani sut bal man ra ai pura suni mamyunbia, daukankam kasak nani ba upla sut mita kaikan bamna.”

Param Marikanka 19:7

Yawan liliakira kap, wan kupia lilia ni aibanhwi, yawan bui witin ra prana yap, Sîp Luhpia marit takaia piua ba aimakan sa bamna, ai maya mairin ba sin ridi takan sa:

Param Marikanka 3:4

Ban sakuna, Sardes nani tilara brisma, baha nani lika kau ai kwalka nani tâski daukras; witin nani lika yang wal kwala pihni dimi tauki kabia, baha nani ba baku kaia aitani sa bamna.

Param Marikanka 6:12

Sîp Luhpia ba sîl matlalkahbika ba krikan ba ra, yang kaikri bara tasba nikban tara takan. Lapta ba siksa takan sim sari kwalka siksa baku, bara kati ba pauni pali takan tala baku;

Param Marikanka 8:5

Bara insal ba dus nani mâka kîa angkaika watla ba brih, masku ami altar kan ba ni banhki muni, wan tasbaya purara lulkan; bara alwani nani takan, bin nani, imyula nani, tasba nikbanka sin.

1 Samuil 6:5

Baku bamna, yukri nani bara matis nani lilka ba sin dauks baha nani wan tasbaya sauhki tiki ba wal, bara Israel Gâdka ra mayunra yas; ban kra witin bui gâdkam nani pura wina, tasbayam, bara man nani puram wina sin ai lawanka ba sâkbia.