Oseas 9:8 - DAWAN BÎLA AISKA

⁸ Gâd mita ai prapitka ba, Efraín aihwaki kaiki kaia mangkan, sakuna man nani bui witin ai yabalka ra mina alkaika nani kahbisma; ¡Gâd tempelka bîla kat sin man nani bui witin ra misbara kaikisma!

Oseas 9:8 ပူးပေါင်းရင်းမြစ်များ

1 King Nani 17:1

Prapit Ilayas Tisbé tawanka wina, Galaad tasbaya pîska ba wina kan ba, Ahab ra win: “¡Israel Dawan Gâdka raya iwi ba nina ra swer takisna, witinka dukia daukisna ba, lî auhbia apia, diwas laya sin âpu kabia naha manka nani ra, yang bui wimna ba kat!”

1 King Nani 18:1

Piua ba luan muni yumhpa luan ba ningkara, Dawan Ilayas ra balan bara witin ra win: “Man Ahab ra was, kan yang tasba purara lî blikaisna.”

1 King Nani 18:19

Bamna nanara blîks, Israel luhpia nani sut Carmelo ilka ra asla takaia, Baal prapitka nani 450 ba bara Aserá gâdka prapitka 400 ba sin, baha nani ra Jezabel main kaiki plun dakaki ba.

1 King Nani 22:11

Bara Sedequías, Quenaaná luhpia ba, ayan ni bîp aringka nani daukan bri kan, bara naku winan: “¡Dawan naku wisa: ‘Naha aringka nani wal Siria uplika nani sut ba mangki âpu pali daukamna!’ ”

1 King Nani 22:22

bara spiritka ba mita win spirit kuninkira kum king prapitka nani ra yarka aisabia. Bamna Dawan win, baha pain sa bara witin wabia kunin munaia, bara baku wih daukbia.

1 King Nani 22:28

Kau ban Micaías aisin: “Man raya kli balma kaka, Dawan ba yang bâk aisaras kan.”

1 King Nani 22:6

Bara Israel kingka mita prapit nani 400 asla dauki, baha nani ra makabi walan: —¿Ramot Galaad tasbaya ba mapara war aiklabaia wamna, apia kaka wamna apia ki? Bara prapit nani ba win: —Aiklas, Dawan bui king lâka man mihtam ra mangkaia sa bamna.

2 King Nani 13:21

piua kum ra waitna kumi pruan kan ba Israel luhpia nani tasba ra biki kan ba ra, baha âimplikra nani daknika kum aula kan ba kaiki, uplika pruan ba Ilaidsa raitika bilara lulki bataki si plapi banhwan. Bara waitnika pruan ba Ilaidsa dusa nani ra kangban ba ra, kli rawi ai mina ra buan.

2 King Nani 2:14

Bara Ilaidsa prâka kauhan kan brin ba wal, lî ra wipan, bara winan: “¿Anira sa ki Dawan, Ilayas Gâdka ba?” Liura wipan wal baku, tnaya kum ra bara tnaya wala ra baiwi takan, ara Ilaidsa ba bâk lui wan.

2 King Nani 2:21

Ilaidsa lî kârma nani ra bara tingni nani ra sin wih sâl yakaban, bara win: —Naku Dawan wisa: ‘Yang mita naha laya nani ba klin daukri, bara kli nahara upla prubia apia, bara tasba ba saumuk luha daukbia apia.’

2 King Nani 4:41

Bara Ilaidsa win: —Plawar wiria bri sal aik. Bara plawar sal yaban taim dakawa ra mangkan, bara win: —¡Nanara upla nani ra yas pibia! Bamna upla nani ba pin, bara baha dakawa ra diara saura âpu kan.

2 King Nani 4:43

Sakuna ai albika ba win: —¿Nahki naha lupia na upla nani 100 na ra yabamna? Sakuna Ilaidsa win: —Upla nani ra yas pibia, kan Dawan baku wisa pih banhbia, bara kau sin pura takbia.

2 King Nani 5:14

Baku ba ra Naamán wan bara aima 7 Jordan awala ra buswi takan, baha kat Gâd prapitka win ba baku takan, sikniska ba rawan wahma lupia baku takan bara klin sin takan.

2 King Nani 5:27

Baha tâwan, Naamán liparka ba man ra mai alkbia, ba purkara sin man kiamkam nani sut ra ban kaia ra. Bara Guehazí ba Ilaidsa mawan wina taki wan ba ra, liparkira taki wan, pihni pali wahmuk pinhka baku.

2 King Nani 7:19

Baha wihtka tara prapit ra win kata, Dawan ba kasbrika pura pali ba windarka sâkbia sin, baha nani sip baku takbia apia. Ilaidsa bui lika wisata witin ai nakra pali ni kaikbia, sakuna baha wina pibia apia.

2 King Nani 7:2

King hilpika ba bui prapit ra win: —Ban sakuna, Dawan kasbrika pura windarka nani ba kwâkbia sin, baku takbia apia man wiram ba baku. Sakuna Ilaidsa pana win: —Bamna man pali namkra ni kaikma ba ra, man baha wina sip pima apia.

Lawana Nani 124:7

Yang nani ra wan alkaia daukan ba wina swak takri, tnawira kum unta dadimra mihta wina swakwi ba baku; wan alkaia daukan ba kalwan bara yang nani swak takri.

Smasmalkra 9:12

Tani wala ra, upla kumi sin ai dahra walras, ahkia pali ba ai piua kabia; baku sin inska nani ba ilis ra aimaki sip takras, bara piawira nani ba sin ai dara walras daiwan alkaika ra diman sip takras ba, baku sin upla ba bîla kaikras kan pat pât ra dimisa.

Yamni Kulki Lawana 3:3

Aihwawakra nani tawan kir tauki ba, aikuki prawri bara makabi walri: “¿Man nani, yang sulki latwan kaiki uplika ba kaikras katma ki?”

Aiseya 62:6

Jerusalem, kutbankam nani purara, aihwawakra nani yang swiri kakna ra tihmia ra sin witin nani aisi ban kabia: “Man nani bui Dawan ra puram sunisma ba takaskpara,

Jirimaya 11:19

Yang sika daira walras katna, sîp kum daiwan ikaia watla ra bri auya ba baku, yang maipara diara daukaia witin nani aikuki aisi kan ba. Witin nani aisi kan: “Baha dusa ai karnika aiska bri pâwi ba kaisa yawan klakaia; naha tasba wina daiki sâkpi rayaka bri nani ba tila wina, bara upla kumi sin witin ra kli ai kupia kraukbia apia.”

Jirimaya 14:13

Sakuna pana yang Dawan ra wîri: “Dawan, prapit nani ba aisisa, upla nani ra wisa war âpu, sanglang sin âpu kabia, man mita naha tasbaya na kupia kumi lamni baman kaia daukma.”

Jirimaya 23:13

“Sameria ra prapit nani bâra ba yang kaikri yang maipara diara saura daukisa: Baal dahra yamni aisisa bara upliki nani Israel ba munisa witin nani yaka aimawahkaia.

Jirimaya 31:6

Bamna balbia yua kum aihwawakra nani ba Efraín ilka wina wini kabia: ‘Man nani bal, kaisa Saion ra, wan Dawanka Gâd ra.’ ”

Jirimaya 6:14

Upliki nani insauhkanka nani ba taya purara ba baman kaikisa; aisisa diara sut ba pain baman sa, kuna kasakka ba sut saura man sa.

Jirimaya 6:17

Dawan mita tawan ra aihwawakra nani ba swin, bara upla nani ra win: “Winanka daukuya binka ba man nani wals.” Sakuna upla nani ba win: “Apia, yang nani baha daukamna apia.”

Inanka Nani 2:14

Dahra aisasarikam nani diara kaikan, dahra kunin man ra aisi mai win ba, kau diara wala apia kata, kunin baman saki mai win sa. Witin nani saurkam ba param ra saki mai wiras kan, man lukkam ba lakaia dukiara; ban sakuna, diara kunin baman kaikan dahra aisi, bara baha ra kasak lukaia mai daukan.

Inanka Nani 4:13

¡Naha sut na ai prapitka nani saurka, bara ai prîska nani watawanka nani tâka mita sa, kan witin nani tawan bîla pali kat, upla kasak nani tâlia laikan bamna!

Isikiel 3:17

“Upla luhpia, yang aihwawakra baku mai mangkisni Israel watla ra, bara dîa mai wimna ba baha man wima witin nani pat ai dara wali banhwi kaia mata.

Isikiel 33:7

“Kan man ra, upla luhpia, yang aihwawakra baku mai mangkri, Israel tawanka dukiara. Man sturi mai wisna ba walaia sma, bara maisa pakaia kupia kraukanka ba.

Oseas 5:1

“Prîs nani, naha wals; Israel luhpia nani, naha wals; king watla uplika nani, man nani sin naha wals: Man nani mampara lâ aisi daukaisa, man nani upla mina alkaika, Mispá ra mangkram, Tabor ilka purara ilis kahbram,

Oseas 9:7

¡Klala yabaia yua nani ba pat bal aimakan! ¡Witin nani mana pali aibapaia yua pat balan! ¡Israel ai dahra walbia baha yua pat balan ba! Man nani aisisma: “Prapit ba sinskas kum sa. Diara takuya ba tânka bri, aisi uplika ba grisi kum sa.” Witin nani baku aisisa, kan watawika ni banhwan mita, prapit misbara pali kaiki mita.

Oseas 9:9

Man nani aisawan pali takram, Guibeá yua nani ra takan kan ba baku. Sakuna witin nani watawi daukan ba dukiara Dawan lukbia, bara saurka nani mana klala yabia.

Miqueas 7:4

Witin nani tilara upla kanra yamni nani kan ba lika, kiaya dusa baku takan sa, upla kau wapnikira nani kan ba sin, rahra pali man baku takan sa. Sakuna witin nani klala briaia yua aula; baha aihwawakra aisin yua ba, baha taim sika, tanis turban kaia lâka witin nani tilara takbia.

Jan 15:24

Naha tasba uplika nani ba pâtkas kaia kan, upla wala nani mita sip daukras dukia nani ba witin nani tilara daukras katna kaka; sakuna naha diara sut pali kaiki banhwan sakuna, ban misbara ai kaikisa bara Aisiki ra sin misbara kaikisa.

Roman 3:7

Sakuna yang kuninki ba mita Gâd kasakka lâka ba kau pranakira sakisa kaka, ¿dîa muni upla mita lâika aisi daukisa ki, sim yang na kau upla saura kapri kan baku?

Hibru Nani 13:17

Man nani tâm bri uplika nani ba bîla wals, bara ai adarka nani kat dauki bas. Witin nani sika ris âpu pali sulkam nani main kaiki ba, kan kaikisa ai warkka daukan ba tânka Gâd ra saki aisaia sa. Witin nani bîla walma kaka, ai warkka nani ba liliakira daukbia, sarikira lika apia; kan baku daukma kaka, baha ba man nani mampara hilp kumi sin apia kabia.