Oseas 9:4 - DAWAN BÎLA AISKA

⁴ bahara Dawan yamni kulki wainka dibia apia, sakripais nani sin, bahara Dawan ra daukbia apia. Ai pata pi ba sin sari pata pi kabia, bara upla wala nani baha pata pibia uplika ba sin, tâski kulkan kabia. Witin nani lika ai pata ba pibia, sakuna Dawan tempelka ra brih waia sip apia kabia.

Oseas 9:4 ပူးပေါင်းရင်းမြစ်များ

Impakan Sturka 29:40

Baha titan angkaia sîpka ba dukiara, plawar kau pain ba wina paun wâl brima, oliv batanka sin kâp wâl brima plawar ba alkaia, bara baha purara wain kâp kum laikma prisantka kum dauki ba baku.

Impakan Sturka 40:23

Baha purara brit nani kahban, ai watlika kat. Dawan mawanra, Dawan mita Moses ra dîa daukaia win ba kat daukan.

Aiseya 57:6

“Israel, walpa lalalni painkira nani ba ra puram sunaia wilin sma, bahara man hilpkam kulkisma. Baha nani ra wain diaia sakripaiska ba laikram, bara prisantkam nani sin yaram. ¿Baha sut daukram bara man wal âiyapah kamna ki?

Aiseya 66:3

Sakuna upla bâra sa bîp wainhka iki sakripais dauki ba, bara waitna kum iki ba sin; sîp mairin kum nana klaki dakbi ba, yul kum nana dusa kriki ba, plun laya prisantka yabi ba sin, bara kwirku tâlia prisantka yabi ba sin; kîa pain angki sakripaiska dauki ba sin, aidul kum ra mayuni ba sin. Bahara misbara kaikaia pura sunra nani ba witin nani dauki ba, witin nani baha dukia nani sut daukaia ba lihkisa.

Jirimaya 16:7

Taika nani ba maisa nihkaia wisi upla kumi sin plun piaia bri balbia apia, bikaia yula kahbi sin wabia apia, aisika bara yaptika pruan kabia maisa nihkbia apia.

Jirimaya 6:20

¿Dîa muni man nani Sabá wina kîa pain angkaia dukia nani ba bri sal aikisma, laih tasba wala wina dus wahia kîa pain nani bri balisma? Daiwan aiska angkisma ba yang yamni kaikras, sakripais wala nani daukisma ba sin.”

Isikiel 24:17

Yukuwan ra sari taks, kwala siksa dimpara. Upla pruan nani pura mata dauki ba baku daukpara. Lamla srukras bara sûs sin âpu taukpara; mamwan sin bikpara sari sma wisi, plun sin pipara baha piua ra pi pata ba.”

Isikiel 24:22

Bara wis: Man nani sin, yang daukri ba baku daukma: lamla srungkpara sari wisi, bara baha piua ra pi ba pata sin pima apia.

Daniel 1:8

Sakuna Daniel lukan king pata dauki ba wina pi, wainka dauki ba sin di tâski takaia apia, bara Aspenaz makaban witin ra taibi munaia apia, king pata bara wainka ba wina piaia bara diaia.

Oseas 3:4

Kan Israel luhpia nani ba, piua wihka pali king âpu, wihta sin briras kabia, sakripais daukaia âpu, angkaika pliska nani sin âpu kabia; prîs prâka nani âpu kabia, baha gâdka talika nani sin âpu kabia.

Oseas 7:16

Witin nani aidul nani ra tawi wan; witin nani trisba warha kum baku sa, mark ra sabaia lulki ba kat sabras. Upla ra swira dauki bîla nani aisin tâka, wihta tara nani ba sut sord ra prubia, bara Idsip uplika nani ai lawaska kikbia.

Oseas 8:13

Witin nani sika sakripais nani ba lihkisa, bara sakripais daukisa, bara wîna nani sakripais dauki ba wina pîsa; sakuna yang, Dawan, witin nani wal âiyapah apia sna: watawika lâka nani daukan ba luki ban kamna. Witin nani ba klala yabamna bara kli Idsip ra tawi waia daukamni.

Joel 1:13

Prîs nani, Dawan altarka ra dukia dadaukra nani, man nani kwala siksa dims, bara sari tara brih, altar lamara wih ini banhs. Nanara man nani Dawankam tempelka ra piaia bara diaia prisantka nani brih waia âpu takan bamna.

Joel 1:9

prîs nani ba baku inbia; kan pura sunaia watla ra plun mâ prisantka bara wain laya sin Dawan ra brih waia nanara âpu sa.

Joel 2:14

Ban kra witin, man nani ra kli lukbia ba ra, kau ban klala maiki kabia apia, sakuna ai yamnika ni, puramra blîkbia: plun mâ nani, wain sin blîkbia, Dawan Gâdkam ra prisant nani dauki yabaia dukiara.

Libait Lâka 17:11

Ai rayaka bri nani ba sut, tala bri ba mita raya sa. Baha mita yang bui man nani ra mai wîri, tala ba ni baman altarki purara laiki upla saurka nani dauki ba pura mana aibapaia, kan tala ba sika upla rayaka mana aibapi ba.

Libait Lâka 21:17

“Eran ra wis nanara wina ai kainara kaiki kabia, kiamkam nani tilara prîs kum skahwa sa kaka, witin brit prisantka nani ba Dawan ra bri balbia apia.

Libait Lâka 21:21

Eran kiamka kum, apia kaka Eran luhpia kra kabia ai wîna ra watawan kum brisa kaka, plun angki prisantka yabaia Dawan mawanra bri balbia apia; baha mita brit prisantka ba sin bri balbia apia.

Libait Lâka 21:6

sakuna sunu pali Gâd lâka aiska ra sunu takaia sa, ai nina ba saura kulkaia apia, witin nani sika prisant nani ba, sakripais nani ba angki brit ba sin Gâd ra yabisa, bahamna witin nani sunu kaia sa.

Libait Lâka 21:8

Prîs ba bahmuna saura ba wina tnaya ra kabia, witin nani sika Gâd kaiki ba mawanra bal brit prisantka ba yabisa. Bamna sunu kaia sa, Gâd ba sunu sa bamna. Kan yang, Dawankam sunu sna, bara sunu mai daukisna.

Emus 5:22

Man nani daiwan iki wîna aiska angki, prisantkam nani dauki aikisma ba, kupia kumi lâka ai daukaia dukiara. Yang baha brin ai daukras. Daiwan batanira batanka nani saki angki, kli wal kupia kumi takaia prisantka nani dauki aikisma ba sin brin ai daukras.

Malaquía 2:13

Man nani kau diara wala sin daukisma: man nani ini yahwi Dawan altarka ba namkra laya ni banhkisma, prisantkam Dawan ra yabisma witin liliakira briras bamna.

Kulki Kaikanka 19:11

“Ani uplika upla pruan kum ra alkbia kaka, yu matlalkahbi pura kumi tâski kulkan kabia.

Kulki Kaikanka 28:2

“Israel luhpia nani ra wis, ai âuya tikbiara witin nani yu bani naku dauki kaia lilia daukaia piua ra, diara aikaia ba piua kat aiki kabia, brit aikaia ba ai kupia aiska wina aikbia, kîa pain, yang aitani kulkisna ba kat angki aikbia.

Kulki Kaikanka 4:7

Brit tibil ra kahban ba, Dawan lamara ba sin, kwala blu ni purara palkbia; bara baha purara plit nani ba swibia, ispan tara nani ba, kapka nani ba, kâp tara nani ba, wain laiki prisantka yabaia watla ba bara brit nani ba sin bâra ban kabia.

Jan 6:51

Bara yang pali na sika, baha rayaka britka kasbrika purara ba wina bal iwan ba; ya naha britka na pibia kaka, ban kaia ra raya kabia. Baha britka yang mita yabamna ba lika, yang pali wîni tara ba sika. Yang baha yabamna, upla nani sut raya kabia ba dukiara.

Kli Smalkanka 26:14

Yang sari bri kapri piua ra, tâski takri ai kulkan piua ra baha wina yang piras kapri, pruan nani purara sin sakripais daukras. Dawan Gâdki, bîlam wali man dîa ai wiram ba sut daukri.