Oseas 9:15 - DAWAN BÎLA AISKA

¹⁵ Dawan aisisa: “Witin nani Guilgal ra wan ba wina mahka saura nani sut ba daukisa, bara baha wina, yang bui witin nani ra misbara kaikisna. Diara watawi nani witin nani dauki ba tâwan yang waitla bîla wina kangbi sakaisna; ban latwan kaiki kamna apia, kan wihta nani ba sut maipara babura nani taki ba mita.

Oseas 9:15 ပူးပေါင်းရင်းမြစ်များ

Lawana Nani 78:60

Dawan wal aisaia watla, Siló ra kata ba bahki daukan, baha sika upla nani tilara, ai watla bri kata ba.

Aiseya 1:23

Wihta nani brisma ba, mapara babura nani sa, bara âimplikra nani pânika banhwisa. Witin nani sut ba lalah mana ai wîna atkisa, witin nani prisant pliki taukisa. Rau nani lâka kasak ba sin yaras. piarka mairin nani lâka sin daukras.

Jirimaya 11:15

“Israel, yang upliki, ¿man kasak diara saura ailal dauki si ba ra lika, nanara yang tempelki ra dîa plikisma? ¿Man nani lukisma daiwan batanka wîna nani sakripais dauki aikisma ba mita pât tara balras takaskbia, baku ba ra witin plapi swak takbia wisma?”

Jirimaya 12:8

Naha tasbaya, yang upliki nani kata ba, nanara yang maipara layan kum unta ra bâra ba baku takan; yang maipara uhbisa, baha tâwan misbara kaikisna.

Jirimaya 15:1

Dawan bui ai win: “Moses, Samuil wal nâra maiwanra bubia kra sin sakuna, yang naha uplika nani ra luki kupi kriwan takbia apia. Witin nani maiwan wina taki, mahka wabia wis.

Jirimaya 3:8

baku sin witin kaikan Israel maipara babura takan lâika sauhkan bara lulki swisatna ba, yang wal mayi lâika ba krikan tâwan dakwi takri. Sakuna Juda, Israel muihnika mairin rugkira ba, sibrin daukras kan, witin sin wan bara ur takan.

Jirimaya 5:5

Bara yang wîri upla diara tânka bri nani ba wal aisamni. Witin nani lika, namhpa namhpa lukras kira, Dawan dîa brin dauki ba Gâd adarka nani ba tânka bribia. Sakuna witin nani sut sin Gâd mapara buan, bîla wali daukaia apia win.

Isikiel 22:27

Naha tawanka tâ brabrira nani ba yul wail baku sa; diara alkan ba bisbi tikisa, ridi pali sa upla ikaia, ai dukia kukan ba ailal dauki kaia baman lukisa.

Isikiel 23:18

Baha ningkara upla mawanra ur takan; ai wîna aiska ba kwala luha taki, upla nani ra marikan; yang aikaban ai daukan ba kat, kainara muihnika dukiara aikaban ai daukan ba baku.

Oseas 1:6

Bara Gómer kli kwihra tiwan, ai luhpia mairin baikan. Dawan kli Oseas ra win: “Luhpiam mairin nina Lo-ruhama mâks, Israel kingka lâka ba, ban umpira kaiki kamna apia, witin nani pâtka ba swih tikamna apia bamna.

Oseas 1:9

Bara Dawan Oseas ra win: “Baha tuktika nina ba Lo-amí mâks, kan man nani ba nanara yang upliki apia sma, yang sin man Dawankam apia sna.”

Oseas 12:11

Galaad ra idan gâdka nani bâra sa, sakuna baha nani sut ba kuninkira baman. Guilgal ra bîp wainhka nani sakripaiska daukisa; walpa ailalka baku altar nani ba ai lainka ra paski brisa.”

Oseas 12:2

Dawan bui Israel ra blahwanka kum ra dingkan sa. Jekob kiamka ba klala yabaisa, witin nani ai lâka bri ba tâwan; witin dîa daukan ba kat mana aibapaisa.

Oseas 3:4

Kan Israel luhpia nani ba, piua wihka pali king âpu, wihta sin briras kabia, sakripais daukaia âpu, angkaika pliska nani sin âpu kabia; prîs prâka nani âpu kabia, baha gâdka talika nani sin âpu kabia.

Oseas 4:15

“Israel, man rug lâka daukisma kaka, Juda pan saura daukbiara. Man nani Guilgal ra wapara, Bet-avén ra sin uli wapara. ¡Dawan nina ra, diara daukaia swer takpara, Dawan raya sa bamna!

Oseas 4:9

Bahamna upliki nani ba, prîs nani ba sut kumi ra baku, klala yabamna, witin nani ai daukanka saura ba mita.

Oseas 7:2

Witin nani luki kaikras sa watawika lâka nani dauki ba, yang kupi ra brisna. Nanara witin nani ai daukanka nani daukan ba mita, ai tnaya kir kutbisa, daukanka nani ba naikra ra ban bâra sa.

Oseas 9:17

Naha uplika nani na, Gâdki aisi ba walan daukras sa; baha mita Dawanki mita witin nani ba lulki swiaisa, bara ai tasbaya âpu nisan nani tilara ban watauki kabia.

Oseas 9:3

Efraín kli Idsip ra wabia, bara Asiria ra wih tâski kulkan pata nani ba pibia. Witin nani lika Dawan tasbaya ra ban iwi kabia apia:

Libait Lâka 26:30

Lukras nani tempelka ba sauhki tikamni, lilka nani ba slingbamni, altarka nani wâl ba sin baiki pura paski swimna; upla pruan nani ba paski swimna, bahki ai kulkaia lâka bri ba yang tâinka marikamni;

Emus 4:4

“Man nani, Betel bara Guilgal ra was, saura dauki kapram ba, nanara kau saura dauki banhs, lâ krikanka nani kau ailal dauki bas Guilgal ra; titan bani daiwan iki angki puram suni bas, bara diara matawalsip wina mânka kum Dawan dukia ba sin, yu yumhpa bani bri bal.

Emus 5:27

Baha tâwan, yang daukamna man nani mai priski mai alki, Damaskus kainara kau laihura mai brih wabia alba mai briaia.” Baku aisisa karnika sut pali bri ba Dawanka, baha sika witin ai nina ba.

Emus 5:5

Man nani Betel ra wapara, Guilgal ra sin apia, Beerseba bâk sin lui wapara, kan Guilgal uplika nani ba priski tasba wala ra brih wabia, bara Betel tawanka ba slingban kabia.’’

Miqueas 3:11

Lâ wihtka nani ra, lalah aibapi ai lâka pliki ba baman ra raitka yabisa, tawan wihtka nani ba, prîs nani ba sin, ai mana briaia dukiara baman smalkisa, bara prapit nani ba lalah mana baman dahra aisisa, ai raitka briaia dukiara blahwi aisisa, Dawan bui witin ra ai tâ baikisa, bara naku wisa: “Diara saura yawan ra balbia apia, kan Dawan yawan wal sa.”

Miqueas 6:5

Nanara, upliki nani, naha na âmya ra bri bas: Moab kingka Balac, man nani ra daukaia luki kan ba, bara Beor luhpia Balaam sin pana aisin ba. Âmya ra sin luki bas, Sitim wina Guilgal kat impaki kapram yabalka ra diara nani takan ba tilara yang bui man nani dukiamra daukri ba kupiam krauki bas.”

Sofonías 3:3

Wihta tara nani ba layan baku uhbisa; wihta sirpi nani ba yul kraskira plun dauki kan, wîna dusa sut pi ba baku sa, yauhka dukiara dusa kum pan swiras.

Sakaraya 11:8

Baha wina kati kumi baman bilka ra, sepad yumhpa misbara ai kaiki, kupi sauhki pali kan ba kangbi sakri.

Apastil Nani Sturka 4:27

“Kasak, naha tawanka ra sika, Herod bara Pontius Pailat wal bara Ju apia nani ba sin, bara Israel luhpia nani aikuki asla aidruban, man nampakan holikira Jisas ba mapara, witin ba man mita Kraist mangkram ba.

Apastil Nani Sturka 5:21

Bamna apastil nani naha walan ningkara, yu wala titan pali witin nani tempel ra dimi, mahka upla nani ra smalkan. Bara prîs tara bara ai uplika nani ba mita, Ju almukka nani sut paiwan, witin nani aikuki aidrubanka tara kum daukaia. Bamna witin nani win apastil nani ba silak watla ba wina saki bri balbia.

Jasua 10:43

Ningkara Jasua Guilgal kiampka ra tawi balan Israel luhpia nani sut aikuki.

1 Samuil 7:16

Mani bani witin taki wi kan Betel ra, Guilgal ra, Mispá ra sin, bara upla nani lâka dauki kan.