Oseas 8:8 - DAWAN BÎLA AISKA

⁸ ¡Israel ba nisan wala mita aiska langkan! Baha nani mita witin nani ra diara kum bahki kulkisa,

Oseas 8:8 ပူးပေါင်းရင်းမြစ်များ

2 King Nani 18:11

Bara Asiria kingka bui Israel luhpia nani ba alki alba lâka ra Asiria ra brih wan, bara Halah tawanka ra yaban iwan, Habor tasbaika ra, Gozán awalka lama kat swin bâra kan, bara naha na Media uplika nani tawanka kan.

Aiseya 30:14

Man nani ba sumi dakawa kriki baku mai krikan kabia, kriki yuya lupia baman taki ba baku takma, kau pîska kumi pan sâkbia apia pauta aswan mangki utla wina bri balaia, apia kaka liwanhta wina lî sakaika pan briaia.”

Jirimaya 22:28

¿Jeconías ba sumi kriwan baku yus âpu takan sa, upla kum sin want apia watlika kum takan sa ki? ¿Dîa muni witin ai luhpia nani aikuki saki lulkan ba, tasba kum witin kakaira apia ba ra?

Jirimaya 25:34

¡Sepad nani, man nani karna wins! ¡Latwan mita inan nani karna wins! ¡Man nani sîp daknika tâ brisma ba, tasba ra aikarwi banhs! Iki tikaia piua ba nanara bal aimakan bara man nani mai ikan kabia sîp wainhka batanira nani baku.

Jirimaya 48:38

“Moab utla bahna latara iwaia pliska bani ra, tawan yabalka nani sut ra upla ini yahwi ba walisa, kan Moab ba kriki pîs lupia daukri bamna, lî watla saura kan krikan baku. Yang, Dawan, kasak aisisna.”

Jirimaya 50:17

“Israel ba sîp tiwan kum baku sa, layan nani mita nina blikisa. Asiria kingka pas bal alki pin; baha wina, Nabucodonosor Babilon kingka ba mita alki pin bara dusa nani ba arban.

Jirimaya 51:34

Jerusalem, Saion tawanka ba, aisisa: “Nabucodonosor, Babilon kingka ba, yuya sirpi ai dauki ai langkan; plit kum bîla man ba baku ai dauki swin. Kabu daiwra saura tarka tara kum baku taki, ai langkan; dîa want ba kat ai âuyapah ai pin; bara tâka ba swin lulkan. ¡Babilon bui saura ai munan mana ba aibapbia! ¡Caldea uplika nani bui aibapbia, upliki nani ikan ba mana!”

Inanka Nani 2:16

Waihlam nani sut ba, ai bîla kwâkan sa man mampara. Warbanka tilara bara saura munaia luki daukanka ra wisa: “¡Yawan bui witin ba aiska sauhki tikan sa! Naha yua sika, yawan aihwa bîla kaiki kata ba; ¡lâs kat nanara yawan kaikisa!”

Inanka Nani 2:2

Dawan mita Jekob watla nani sut sauhki tikan sa, umpira kaikras kira; ai lawanka nani wal Juda pranakira kan kahbaika pliska nani sut sauhki tikan sa; ai wihtka tara nani bara kingka nani sin tasba kat batakan sa, swira lâka ra.

Inanka Nani 2:5

Dawan ba waihla kum baku takan sa: witin bui Israel aiska ba sauhki tikan; ai wihtka tara watla nani sut sauhki âpu tikan, ai kan kahbaika pliska nani sut batakan, bara sarka lâka, inaia lâka ba kau ailal daukan sa Juda luhpia mairin tilara.

Inanka Nani 4:2

Saion pranakira ba ai kulkanka ba gul wal ai mana kata ba, nanara slaubla dakawa baku kulkisa, sumi dadaukra kum mita warkka ba daukan.

Inanka Nani 5:2

Duki nani sut upla sât wala nani mihta ra tawan sa, waitla nani sut ba tasba wala uplika nani baman bal brin sa.

Isikiel 36:3

Bamna aitani sa, yang nini ra aisas bara wis: ‘Naku wisa Dawan ba: Tnaya sât sât wina mai yuskisa bara mai sauhkisa; nisan tringsar nani sut ba ai munhtara mai brisa, bara upla nani ba lamwaska kikisa bara bahki mai kulkisa.

Libait Lâka 26:33

Man nani ra yakabrira mai daukamni, nisan wala nani tilara, sord ba taya wina saki ninam blikamni; tawankam ba upla iwras tasbaya daukamni, bara tawankam nani ba kriwi tiwan kabia.

Roman 9:22

Bamna Gâd lika ai lawanka bara ai karnika tânka ba marikan dauki kan ba ra, witin wihka ai kupia alki takaski brin, baha uplika nani klala yaia bara âpu daukaia aitani kulkan kan nani ba mapara.

Kli Smalkanka 28:25

bara waihlam nani bui mai taibia. Witin nani mapara asla taki dimi wama, sakuna aslika ba slingwi witin nani sîa yakabrira baman plapma, bara man tamka mita tasba kingka nani sut mai kaiki kabia ba sirang iwi kabia.

Kli Smalkanka 28:64

Dawan mita nisan bani tilara yakabi mai lakbia, tasba tâ kum wina tâ wala ba kat; bahara upla wala nani gâdka, dus ni bara walpa ni paskan ba ra mayuni kama, man nani sin apia bara damikam nani sin kaikras kan ba gâdka ra.