Oseas 7:2 - DAWAN BÎLA AISKA

² Witin nani luki kaikras sa watawika lâka nani dauki ba, yang kupi ra brisna. Nanara witin nani ai daukanka nani daukan ba mita, ai tnaya kir kutbisa, daukanka nani ba naikra ra ban bâra sa.

Oseas 7:2 ပူးပေါင်းရင်းမြစ်များ

Job 34:21

Gâd ba upla nani mina lulkanka ba aihwaki kaikisa, bara ai wapanka ba sut tânka brisa.

Lawana Nani 10:11

Watawikira ba lukisa, Gâd ba âuya tiwisa, ai mawan pura prakisa bara sip diara kaikras sa.

Lawana Nani 25:7

sakuna kau tukta kapri, mampara saura nani daukri ba luki kapara, lâ krikri nani ba sin ban âmya ra bri kapara; latwankam lâka tara bara yamnikam lâka ba mita Dawan, yang ra luki bas.

Lawana Nani 50:22

“Man nani naha tânka na pain bris, man nani Gâdkam ra âmya tikisma ba, yang wînam ba yuya baman mai daukras sna ba ra, baha mai daukamna bara upla kumi sin mai dakbi mai sakaia âpu kabia.

Lawana Nani 9:16

Dawan witin bui ai tânka mairikan: ¡lâ wapni ba aisi daukan! Watawikira ba silak ra aimakisa, witin mita paski kahbi swin ba iliska ra.

Lawana Nani 90:8

Wan saurka bara wan watawika nani ba, man mamwanra kahbi swin sa.

Aiseya 1:3

Wark bîpka wainhka ba ai dawanka kaikisa, biriku sin ai dawanka daiwan watla ba; sakuna Israel yang upliki nani ai dara walaia tânka âpu sa.”

Aiseya 26:16

Yang nani trabil tara ra dimisna ba ra Dawan, man mai plikisna, klala wankisma ba ra yang nani ini puri sunra ba mamwanra aisisna.

Aiseya 44:19

Man nani luki kaikras sma, sins lâka âpu, diara tânka aisaia: “Naha wina mânka kum pauta ra piakri, ai maskuka purara plun angkri, wîna angkri, bara baha piri; bara kau witin mânka wala ba wina diara saura pali kum daukri, dus klakan praiska kum dauki bahara puri sunisna.”

Aiseya 5:12

Pata tara dauki ba ra, arp, gitar tara, kingbi nani, plut bara wain sin bâra brisa; sakuna Dawan warkka nani ba lika kaikras, Dawan mihta warkka nani ba dukiara sin luki kaikras.

Jirimaya 14:10

Dawan naku aisisa Israel luhpia nani ba dukiara: “Naha uplika nani na iwi kapras ban tauki kaia lihkisa. Baha mita yang bui witin nani ra yamni kaikras sna. Bamna yang nanara witin nani saura dauki ba luki kaikisna, baha mana ba witin nani ra kulkaia.”

Jirimaya 16:17

Daukankam nani sut kaikisna; diara kumi sin yang wini yukuwan ra âpu sa, saura nani daukisma ba yukuwan ra apia sa kaikisna.

Jirimaya 17:1

“Juda, man saura daukram ba sisil ni klaki ayan ra ulban sa, daimans kakma ni klaki ulban man kupiam walpaya ra, altarkam nani aringka ra, ayan sisilka kakma daimans bri ba ni klaki ulban sa.

Jirimaya 2:19

Watawikam daukram ba mita klala maikbia, kasak lukras sma lâka ba mita pât ra mai lakan kabia. Luki kaiks diara saura tahpla daukram ba ai lulki ai swiram ba tâka kaikma. Bara man bui yang ra yamni ai kulkras sma ba, yang sika dawan Gâdkam. Yang, Dawan, karnika sut brisna, kasak aisisna.

Jirimaya 32:19

Lâ nani aisisma ba warkkam nani, daukisma ba karnika tara pali brisa. Upla nani diara dauki ba man sut kaikisma, bara witin nani dauki ba tânka kat kli yabisma.

Jirimaya 4:18

“Juda, man tânkam daukankam saura nani ba tâka mita sika naha diara sut man ra taki ba; watawikam lâka daukram ba tâka wina naha mâ tahpla nani na bal takan, bara kupiam ra mai sabisa.”

Jirimaya 44:21

—¿Man nani lukisma Dawan baha kaikras, apia kaka âuya tiwan lukisma, man nani, bara damikam nani, king nani, wihta nani bara upla wala nani sin kîa pain nani angki gâd wala nani ra yabi kan ba, Juda tawanka nani yabalka ra Jerusalem yabalka nani ra sin?

Isikiel 21:29

Yapi kaikanka ba sut ba kunin sa, bara diara takaia dahra aisanka ba kunin sa. Sord ba baha saurakira, upla âikra ba purara kauhbia. Pat ai klalka briaia piua ba baila pali sa.

Oseas 12:2

Dawan bui Israel ra blahwanka kum ra dingkan sa. Jekob kiamka ba klala yabaisa, witin nani ai lâka bri ba tâwan; witin dîa daukan ba kat mana aibapaisa.

Oseas 4:9

Bahamna upliki nani ba, prîs nani ba sut kumi ra baku, klala yabamna, witin nani ai daukanka saura ba mita.

Oseas 6:2

Ningkara, siknis âpu wan daukan kabia, yawan na kli wan bukbia, witin ai mawanra raya iwi kaia.

Oseas 8:13

Witin nani sika sakripais nani ba lihkisa, bara sakripais daukisa, bara wîna nani sakripais dauki ba wina pîsa; sakuna yang, Dawan, witin nani wal âiyapah apia sna: watawika lâka nani daukan ba luki ban kamna. Witin nani ba klala yabamna bara kli Idsip ra tawi waia daukamni.

Oseas 9:15

Dawan aisisa: “Witin nani Guilgal ra wan ba wina mahka saura nani sut ba daukisa, bara baha wina, yang bui witin nani ra misbara kaikisna. Diara watawi nani witin nani dauki ba tâwan yang waitla bîla wina kangbi sakaisna; ban latwan kaiki kamna apia, kan wihta nani ba sut maipara babura nani taki ba mita.

Oseas 9:9

Man nani aisawan pali takram, Guibeá yua nani ra takan kan ba baku. Sakuna witin nani watawi daukan ba dukiara Dawan lukbia, bara saurka nani mana klala yabia.

Emus 8:7

Dawan ai prana Jekob ra yaban ba ra luki, swer taki aisin: “Man nani warkkam nani baku daukisma ba, yang âiya ban pali tiwbia apia.”

Jona 1:2

“Ninibi tawanka tara ra was bara wis, yang bui witin nani ba sauhki tikaisna, kan witin nani ai watawanka ba yang sin kaikisna bamna.”

Kulki Kaikanka 32:23

Sakuna man nani baku daukras kama kaka, luki bas, Dawan mapara saura daukuma ba. Bara yu kumi baha saurka mana klala brima.

Luk 12:2

Diara pura bikan ba âpu sa sip param sakras kabia ba; diara yukukan ba sin âpu, upla kaikras kabia ba.

1 Korint 4:5

Baku bamna, piu kau kan ba ra diara nani ba lâka aisi dauki kapara. Dawan bal, tihmu ra yukukan dukia nani ba ingni ra brih sâkbia ba, bîla kaiki bas. Dawan mita upla nani ai kupia ra dîa daukaia luki ba sut latan sâkbia. Bâra mika, upla bani mayunra briaia ba kat, Gâd wina bribia.

Kli Smalkanka 32:29

Sinskira kan kaka ai tânka briaia kan, ai dahra walaia kan anira buaia ba.

Hibru Nani 4:13

Gâd wina yukuwaia dukia kumi sin âpu sa. Diara paskan ba sut param sa bara witin ai nakra ra kwâkan sa; witinka ra sika yawan wan dahra nani saki aisaia ba.