Oseas 7:16 - DAWAN BÎLA AISKA

¹⁶ Witin nani aidul nani ra tawi wan; witin nani trisba warha kum baku sa, mark ra sabaia lulki ba kat sabras. Upla ra swira dauki bîla nani aisin tâka, wihta tara nani ba sut sord ra prubia, bara Idsip uplika nani ai lawaska kikbia.

Oseas 7:16 ပူးပေါင်းရင်းမြစ်များ

Lawana Nani 12:3

Dawan, wakia wina, baha nani ba daiks; ai mawan wâl bri nani ba, twisa karna aisi ba,

Lawana Nani 12:4

baha nani aisisa: “Yang nani bîli brisna ba wal aitani; yang nani twisi ba tâiwan aisisa. ¿Ya kupias taki balbia, yawan ra adar wankaia?”

Lawana Nani 12:5

Dawan naha aisin: “Umpira nani ra, swapni nani ra sin taibisa, witin nani ai tâka baha nani pât wahwisa. Baha mita, nanara yang buaisna. Yang bui witin nani ba tâ baikamna, wihka bîli kaiki ba.”

Lawana Nani 17:10

Witin nani batanwan ba mita tanis lâka praut aisisa.

Lawana Nani 52:2

Man twisam, saura daukaia dukiara baman aisisa; man twisam ba, upla âikra pali sa, sin skiru malika ba baku.

Lawana Nani 57:4

Tasba ra kauhi prawisna, layan nani upla pi ba tilara ai napa nani ba lika langsa bara trisba tatwika baku sa, ai twisa ba lika sord malika kum baku sa.

Lawana Nani 73:9

kasbrika purara ba kat, mapara aisisa ai bîla ni; bara ai twisa ni tasba aiska ra plapi tawisa.

Lawana Nani 78:37

Witin nani ai lukanka param apia kan, ai lâka nani ra sin kulkras kan.

Lawana Nani 78:57

ai aisika nani kan ba baku, Gâd ba lulki swin bara witin nani lukras kan; ¡sim pantamangka bahki baku kulkan!

Aiseya 3:8

Jerusalem ba sut aisawan sa, Juda sin kauhan; witin nani aisi ba ai warkka nani daukan ba sin Dawan mapara sa, ai kingka kupia sauhki ba dukia daukisa

Jirimaya 18:18

Upla nani ba aisin: “Kaisa yawan wark kum daukaia, Jirimaya ba âpu daukaia yawan pri takaia. Prîs nani ba âpu takras ban kabia witin nani wan smalki kaia, sinskira nani lâ wan smalki ba ban kabia, prapit nani Gâd dahra wan aisi ba aisi ban kabia. Kaisa yawan bui witin ba dahra kwahkaia, bara witin ba ikbia. Upla nani aisi ba kumi ra sin yawan walbiara.”

Jirimaya 3:10

Baha diara nani sut takan ba ningkara, Juda rugkira ai kupia aiska laki yang ra balras, sakuna kunin ai munan. Yang, Dawan, kasak aisisna.”

Jirimaya 42:18

“Dawan karnika sut bri ba, Israel Gâdka, aisisa: ‘Yang lawanki kupi baiwanka laptika Jerusalem uplika nani ra alkan ba, baha baku man nani mampara sin takbia, ban Idsip ra wama kaka. Man nani ninam ba lahtuban uplika nani mâkbia, upla ra sirang ikaika takma, naha tasbaya ra sin kli tawi balma apia.’

Isikiel 23:32

“Naku wisni, yang Dawan ba: Man sin muihkam din kapka ba dima, kâp kum tara, yahpa bara tihu, lawaska kikan bara bahki kulkan ba wal banhwan,

Isikiel 36:20

Sakuna ani ani kuntrika ra witin nani auya ba, nini holikira ba sauhki kata, kan upla nani aisi kan: ‘Naha nani na Dawan uplika nani sa, sakuna ai kuntri wina takaia kan.’

Daniel 7:25

Gâd Laih Purara iwi ba swira dauki kabia, bara uplika nani ra sin âpu dauki kabia, ban trai munbia Gâd lâka ba lakaia, baku sin Gâd lilia yua tara daukaia ba, Gâd uplika nani ba ai karnika mununhtara kabia mani yumhpa pura bakriki.

Oseas 11:5

sakuna witin nani kli, yang ra tawi balaia lukras. Baha mita witin nani kli Idsip ra waia sa, bara Asiria witin purara king aimakbia.

Oseas 11:7

Upliki nani yang wina tnaya ra tawan ba baku, ban kaia lukisa; purara ba ra karna wini kabia, sakuna upla kumi sin witin nani ra hilp yabia apia.

Oseas 6:4

Dawan aisisa: “Efraín, ¿man wal yang dîa daukamna? Juda, ¿man wal yang dîa daukamna? Man nani bui yang ra latwan ai kaikisma lâmka ba, titan mukuska baku sa, lalma kahbi kan diwaska laya baku, tisku kan pat lap tiwisa.

Oseas 7:13

“¡Witin nani sari pali takbia, yang laima wina taki wan bamna! Sauhki tikanka witin nani ra alkbia, kan witin nani ba yang maipara buan bamna. Yang bui witin nani swaki sakan ai daukisa, sakuna witin nani, yang maipara kunin aisisa,

Oseas 9:3

Efraín kli Idsip ra wabia, bara Asiria ra wih tâski kulkan pata nani ba pibia. Witin nani lika Dawan tasbaya ra ban iwi kabia apia:

Oseas 9:4

bahara Dawan yamni kulki wainka dibia apia, sakripais nani sin, bahara Dawan ra daukbia apia. Ai pata pi ba sin sari pata pi kabia, bara upla wala nani baha pata pibia uplika ba sin, tâski kulkan kabia. Witin nani lika ai pata ba pibia, sakuna Dawan tempelka ra brih waia sip apia kabia.

Oseas 9:6

Witin nani ra sauhki tikan kabia ba wina plapan; Idsip witin nani ba bribia, bara Menfis raitika ra bikan kabia. Silbarka kukanka nani ba purara, inma nani pâwbia, bara ai kiampka ra iwan ba tasbaya ra, kiaya nani pâwbia.

Malaquía 3:13

Dawan aisisa: “Man nani bui yang maipara bîla karna pali aisaram. Bara kau ban makabi walisma: ‘¿Dîa saura nani mampara aisari?’

Malaquía 3:14

Naha sika man nani aisaram ba: ‘Dawan warkka daukaia ba wark bahki sa. ¿Witin ai warkka daukaia wanki ba dauki wina yawan dîa yamnika sakaia sip sa ki, sari kwalka dimi, Dawan karnika sut bri ba mawanra watauki kaia ba?

Matiu 12:36

Bamna yang mita naha mai wisna: Lâ daukan kabia yua ra, upla sut ai bîla swak taki aisin nani ba dukiara ai dahra sakaia kabia.

Luk 8:13

Saumuk mâ nani walpa nani tilara kauhan ba lika upla nani sturi yamni ba wali, liliakira brisa, sakuna ai wakia pain briras, piu wiria baman kasak lukuya, kuna traika kaikanka aula ba ra, mahka tnaya ra tawuya.

Jems 3:5

Wan twisa ba sin baku sa; wan wîna pîska sirpika kum sa, sakuna lukisa diara tara nani daukaia. ¡Pauta klauhan sirpi ba wal dus nani pâwi ba sut angkisa!

2 Pita 2:8

Naha waitna kasakkira witin nani tilara iwi kan ba, yu bani ai kupia painkira ra sari bri kan, saura dadaukra nani ai mawan kat saura daukan kaikuya bara walisa piua ra.

Param Marikanka 13:5

Daiwra saura ba ra sin adar yan kan, Gâd mapara praut bara bîla saura nani sin aisaia, bara karnika sin yan kan kati 42 wihta aimakaia.