Oseas 7:13 - DAWAN BÎLA AISKA

¹³ “¡Witin nani sari pali takbia, yang laima wina taki wan bamna! Sauhki tikanka witin nani ra alkbia, kan witin nani ba yang maipara buan bamna. Yang bui witin nani swaki sakan ai daukisa, sakuna witin nani, yang maipara kunin aisisa,

Oseas 7:13 ပူးပေါင်းရင်းမြစ်များ

Nihimaya 1:10

“Yang nani na man albikam bara uplikam nani sna, man karnikam tara ni bara man mihtam karnika ni atki sakram ba.

Job 22:17

Witin nani Gâd ra win: “¡Ban kupia kumi wan swis! ¿Karnika sut bri ba, dîa wan mata daukaia sip sa ki?”

Lawana Nani 106:10

Baku witin nani swaki sakan, ai waihla nani mihta wina, misbara kaiki kan nani karnika wina sin.

Aiseya 30:1

Dawan kasak aisisa: “¡Alai pali kabia baha luhpa nani maipara babura nani ba diara dukaia kulki bara ai tilara ai briras ba ai warkka daukaia lâka dauki ba yang bui witin nani daukaia wiras sna, warkka nani ba daukisa, bahamna saurka kum purara saurka wala prakisa!

Aiseya 30:2

Witin nani istikira Idsip ra auya, sakuna witin nani ba yang bîli wina lika makabi walras; king fero karnika wal ai tâ baikaia dukiara, Idsip tnaya distika ra dimi bîla kaikanka brisa.

Aiseya 31:1

Saura pali kabia Idsip hilpka briaia pliki auya nani ba, bara aras nani ra ai lukanka mangki bri nani ba, bîla kaikanka nani bri nani ba sin, wagin ailal pali bri ba mita, aras âiulra ailal sin, baha mita ban witin nani ba kupia karna sa; Israel Gâd Holikira bâra ba lika kaikras, witin nani Dawan ra sin plikras.

Aiseya 41:14

Dawan wisa: “Israel, Jekob uplika nani, man nani maura lupia bara karnikas sma sakuna, yang lika man hilpkam sna; si bripara. Yang, Israel Gâdka Holikira, man sasakrikam sna.

Aiseya 43:1

Sakuna nanara, Dawan naku wisa, Jekob, Israel man mai Papaskra ba, witin naku mai wisa: “Si bripara, kan yang atki mai sakri; ninam mâki mai wîri, man ba yang upliki sma.

Aiseya 59:13

Yawan mapara babura takma, Dawan wal sin kasak apia kan. Yawan wan Gâdka ninara waia brin wan daukras kan, yawan aisin lâ nani ba krikaia, upla nani pât ra dingkaia, yawan upla nani ra kunin munaia lâka daukan.

Aiseya 63:8

Witin win: “Witin nani ba yang upliki sa, baha luhpia nani ba waihli mihta ra mangkaia apia kaia sa.” Bara witin swaki sakan,

Jirimaya 14:10

Dawan naku aisisa Israel luhpia nani ba dukiara: “Naha uplika nani na iwi kapras ban tauki kaia lihkisa. Baha mita yang bui witin nani ra yamni kaikras sna. Bamna yang nanara witin nani saura dauki ba luki kaikisna, baha mana ba witin nani ra kulkaia.”

Jirimaya 42:20

Man nani mistik saura kum daukisma man nani bal yang ra makabram, yang Dawan Gâdkam ra makabaia, man nani naku ai wiram: ‘Dawan wan Gâdka ra yang nani tâiwan man puram suns, bara witin dîa yang nani ra aisabia ba sut ai wis, baha yang nani daukamna.’

Jirimaya 51:9

Yang nani Babilon ba pat sîka daukri, sakuna rawras. ¡Man nani swis! Kaisa yawan naha wina mahka wap kumi bani wan tasbaya ra, witin nani lâ sauhkan ba kasbrika pura kat ulan, kasbrika nani ba pura ba kat bukan.

Jirimaya 7:15

Man nani ra sin yang maiwan wina mai kangbi mai sakamna, muihkam nani Efraín kiamka nani ra pat kangbi sakri ba baku.’

Inanka Nani 5:16

Yang nani laila wina kraun kata ba kauhan sa; ¡saura pali sa, yang nani saura yâri ba tâwan!

Isikiel 16:23

‘Naha yang, Dawan ba, naku wisni: ¡Alai kabia man ra! Yamni kaikaia apia dukia daukram sut purkara,

Isikiel 18:2

“¿Dîa muni Israel ra aisanka kum ba ban aisisa, naku wi ba: ‘Aisika bara yaptika nani ba wain swahni pîsa, bara luhpia nani ba napa srimisa’?

Isikiel 18:25

Man nani wima yang ba kasak lâka kat diara daukras sna; sakuna Israel uplika, wals, ¿man nani lukisma yang kasakka lâka daukras? ¿Baha ba kir lakisma, man nani saura dauki ba?

Isikiel 34:6

Yakabrira takan unta nani tilara bara il tara nani ra, bara tasba aiska ra tiwan, bara upla kum sin âpu kan baha dukiara lukaia bara pliki waia.

Oseas 11:12

“Efraín kuninka lâka nani ba mita kutbi kir ai brisa; Israel luhpia nani kunin aisi ba, kuninka mita ai kutban sa. Juda ba Dawan wina dakwi takan, bara nanara aidul nani aikuki lika wapni pali sa.

Oseas 11:2

Sakuna yang bui witin ra kau ban wini kapri ba ra, witin ba yang wina kau laihura wan. Yang upliki nani ba gâd bahki nani ra sakripais dauki yabi kan, aidul nani ra dus taya kîa yamni angki yaban.

Oseas 5:7

Witin nani lika Dawan mapara saura pali daukan, witin nani waitna wala luhpia nani baiki brisa. Witin nani saura pali daukan ba tâka mita, kati kumi bilka ra, ai tasbaya ba sut sauhkan kabia.

Oseas 7:1

upliki nani sikniska ba sîka yuki rakaia lukuna ba ra, Efraín bara Sameria ra, witin nani saura dauki watawika nani ba, baiwi param takisa. Kan witin nani sut kunin aisaia lan takisa; âimplikra nani baku, utla nani ra dimisa, yabalka kat upla nani ra implikisa.

Oseas 7:3

“Upliki nani watawika lâka dauki, kunin aisi ba, king bara wihta nani sut baha wal lilia takisa.

Oseas 9:12

Witin nani ban kra luhpa baikbia kaka sin, yang mita luhpia nani ba sut mihta dakbamna. Yang lika witin nani wina tnaya ra tawamna bara naha uplika nani sari pali kabia.

Oseas 9:17

Naha uplika nani na, Gâdki aisi ba walan daukras sa; baha mita Dawanki mita witin nani ba lulki swiaisa, bara ai tasbaya âpu nisan nani tilara ban watauki kabia.

Jona 1:10

Jona ai dahra ba witin nani ra param win, witin Dawan wina plapisa. Witin nani baha walan bara sin kaiki kan, kabu ripka ba kau tara taki kan; witin nani kau sibrin daukan, bara kli witin ra makabi walan: —¿Man dîa muni baku daukram? ¿Man wal yang nani dîa daukrika, kabu na lamni takbia?

Jona 1:3

Sakuna Jona Dawan bîla wali daukaia kata ba swin bara plapaia wisi Jope wâpka ra wan. Baha piua ra duri tara kum ridi pali kan Tarsis ra waia, bara ai pâska aibapi aimakan.

Miqueas 6:12

Yuyakira nani naha tawanka ra iwi ba upla umpira nani ra tataibra pali man sa; kuninkira nani bara upla ra kunin mamunra baman nahara iwisa.

Miqueas 6:4

Yang lika Idsip tasbaya wina mai saki bri balri, alba lâka wina sin mai swaki mai sakri. Yang mita Moses, Eran, Meri sin man nani tâm briaia blikri.

Matiu 23:37

“¡Jerusalem, Jerusalem, man sika prapit nani ba ikisma, bara Gâd bîla twatwilkra mai bliki nani ra walpa ni sabisma ba! ¡Aima ailal luhpiam nani asla dauki brin ai daukan, sim kalila ai luhpia nani ai tnawa munhtara asla dauki ba baku, sakuna man apia wiram!

Kli Smalkanka 15:15

Âmya lap tikaia apia, man sin Idsip ra alba kapram ba, bara Dawan Gâdkam pri lâka maikan, baha mita nanara yang naha adarka maikisni.

1 Jan 1:10

Sakuna yawan saura yaras wibia kaka, Gâd ba kuninkira sakisa, bara yawan lika witin smalkanka bîla ba kasak pali alki brih daukras sa.

Param Marikanka 8:13

Baha ningkara yang kaikri, bara yakal kum kasbrika pura ba lilapas ra pâli tauki kan walri; witinka ai bîla baikra tara ni aisi kan: “¡Alai, alai, alai kabia, tasba ra iwi uplika nani ba mapara, trumpit nani na insal wala yumhpa ba puhbia ba ra!”