Oseas 7:11 - DAWAN BÎLA AISKA

¹¹ Efraín ba, butku sinska tikan baku sa, sins lâka âpu. Idsip ra hilp makabisa, Asiria ra sin hilp plikisa...

Oseas 7:11 ပူးပေါင်းရင်းမြစ်များ

2 King Nani 15:19

Witin yua nani ra, Pul, Asiria kingka ba, tasbaya ra aiklabaia balan, bara Menahem ba ai kingka lâka ra ban swika iwi kabia wisi, silbar 33,000 kilo aibapan ai kingka lâka ra karnika yabaia dukiara.

2 King Nani 16:7

Bara king Ahaz ba mita Tiglat-piléser Siria kingka ra ai tawanka tâwan aisin bîla twatwilkra nani ba blikan wan, bara win: “Yang na man dukiam dadaukra sna bara sin man luhpiam baku sna. Baku bamna, bal bara Siria kingka mihta wina bara Israel kingka mihta ba wina sin dakbi wan sâks, kan witin nani ba yang maipara aiklabaisa.”

Sins Lâka 15:32

Diara wan smalkan ba sip kulkras uplika, witin ai rayaka ba bahki man kulkisa, sakuna wan kupia kraukanka wali ba lika, sins yamni alki bribia.

Sins Lâka 17:16

¿Dîa muni upla sinskas ba, ai mihta ra lalah brih aula sins lâka atkaia, witin diara tânka kaikaia briras ba ra?

Sins Lâka 6:32

Ya upla maya wal tauki ba sinskas lâka sa, ya baha dauki ba ai rayaka sauhki tikisa.

Jirimaya 2:18

Bamna nanara, ¿dîa brinka brisma Idsip ra waia Nilo awala wina lî diaia? ¿Dîa brinka brisma Asiria ra waia Éufrates awala wina lî diaia?

Jirimaya 2:36

¿Dîa muni sringkam sma man wal kupia kumi takan nani ba swi si wala plikisma? Idsip sin mai swibia, Asiria pat mai swin ba baku.

Oseas 11:11

“Daiwan tnawira nani baku, Idsip wina tatatwi balbia; butku nani baku, Asiria wina balbia; bara daukrika witin nani kli bal ai watla nani ra iwbia. Yang, Dawan, kasak aisisna.

Oseas 12:1

Efraín ba, pâsa pih ai biara banhwisa: yu aiska, lalma payaska krawi ba ninara auya. Kunin aisi ba kau aisaia, lâ krikanka nani dauki ba kau daukaia lan takisa. Asiria wal lâ nani daukisa ba ra, batana laya prisantka nani, Idsip ra blikisa.”

Oseas 12:2

Dawan bui Israel ra blahwanka kum ra dingkan sa. Jekob kiamka ba klala yabaisa, witin nani ai lâka bri ba tâwan; witin dîa daukan ba kat mana aibapaisa.

Oseas 14:3

Asiria uplika nani sip yang nani ra swaki ai sakras, aras ra uli plapamna kaka sin sip apia. Yang nani mihti ni alki paskri dawanka nani kumi ra sin kli man ba ‘Yang nani Dawanki sma’ wimna apia, kan Dawan, man ra baman sika rau nani ba umpira kaikan lâka ba sakisa.”

Oseas 4:11

“Rug lâka bara wain ba, lâ wapni daukaia lukanka ba tikisa.

Oseas 4:6

Yang upliki nani sip lâ tânka kaikras, baha mita baku sauhkan sa. Bara prîs man, tânka briaia lâka ba lulki swiram bamna, prîski kaia mai mangkri lâka ba wina, yang sin mai lulkisna. Gâdkam lâka smalkanka nani âmya tikisma bamna, yang sin man kiamkam nani ba âiya tikamna.

Oseas 5:13

“Efraín ai dara walbia, siknis nani ba pat alkan kabia, bara Juda sin ai wîna klahwanka nani ba kaikbia ba ra, Efraín, Asiria kingka tara ra wabia witin hilp makabaia, sakuna king ba sip witin nani ai sikniska ai wîna sukwanka nani ba rakbia apia.

Oseas 5:4

Witin nani lika ai daukanka saura nani ba mita, kli Gâd ra balaia luki ba alki takaskisa. Ur takaia brinka ba mita taibi brisa; Dawan ba sip kakaira takras.

Oseas 8:13

Witin nani sika sakripais nani ba lihkisa, bara sakripais daukisa, bara wîna nani sakripais dauki ba wina pîsa; sakuna yang, Dawan, witin nani wal âiyapah apia sna: watawika lâka nani daukan ba luki ban kamna. Witin nani ba klala yabamna bara kli Idsip ra tawi waia daukamni.

Oseas 9:3

Efraín kli Idsip ra wabia, bara Asiria ra wih tâski kulkan pata nani ba pibia. Witin nani lika Dawan tasbaya ra ban iwi kabia apia:

Oseas 9:6

Witin nani ra sauhki tikan kabia ba wina plapan; Idsip witin nani ba bribia, bara Menfis raitika ra bikan kabia. Silbarka kukanka nani ba purara, inma nani pâwbia, bara ai kiampka ra iwan ba tasbaya ra, kiaya nani pâwbia.

Abdías 1:7

Man wal uplikam nani takan ba sut, kunin mai munan; tasbayam pali wina sin mai kangban, uplikam pali aihwa nani ba mita sin man mampara buan, witin nani ra luki tniwi katma ba uplikam nani bui minam alkaika yabalkam ra mangkan. ¡Edom lika sins lâka âpu!”

Matiu 10:16

“¡Kaiks! Yang bui man nani ba sîp baku mai blikisna yul wail nani tilara. Baku bamna, piuta nani baku sinskam ba bri bas, sakuna upla ra saura munras butku nani baku.