Oseas 7:10 - DAWAN BÎLA AISKA

¹⁰ Israel tara pali takan ba, ai daukanka ba mita, ai mapara witniska aisisa. Baha daukanka sut wal, witin nani kli Dawan ra tawi balras, Dawan ra sin plikras.

Oseas 7:10 ပူးပေါင်းရင်းမြစ်များ

Lawana Nani 10:4

Ai kakma snungki lawi bara aisisa: “Gâd âpu. Dîa daukisna ba ya mita maikabi walaia âpu sa.” Baha baman witin lukisa.

Lawana Nani 14:2

Dawan kasbrika pura wina upla nani ra kaikisa, baha nani tilara diara tânka bri ba kum kaikaia, upla kum Gâd plikisa sapa.

Lawana Nani 53:2

Laih kasbrika pura pali ba wina, upla nani tasba ra ba kaikisa, ban kra upla kumi pan diara tânka kaikaia brisa sapa, upla kum pan Gâd ra pliki ba bâra sa sapa.

Sins Lâka 27:22

Man bui upla taniskira ba, unuh bilara plawar mâ kapan tilara, unuh mita ni kapma kra, witin ai taniska ba witin wina ban taki wabia apia.

Aiseya 9:12

Lalma wina Siria uplika nani, muna wina filisteo nani balbia Israel luhpia nani ba ai bîla banhki langki pibia. Baha sut daukan kabia ba wal sin Dawan ai kupia baiwanka ba kau takaskras; witin kau ban baha nani tayahki kabia.

Aiseya 9:13

Upla nani ba klala brin, sakuna witin nani Gâd ra ai kupia lakras, karnika sut bri Dawanka ba plikras.

Jirimaya 3:3

Baha mita sika lî auhaia piua ba bara lî sikwaia piua ba lî auhras kan. Man mamwan ba swiram âpu sa yabal mairka mawan baku sa; ¡man swiram bri kaia kapram!

Oseas 13:14

¿Prura tasbaya wina witin nani ba pri sakamna ki? ¿Prura wina witin nani ba swaki sakamna ki?... Prura, ¿anira sa, man karnikam sauhki wan tatikra ba? Prura tasbaya, ¿daukankam saura nani ba anira sa? ¡Naha uplika nani dukiara, kau kupi latwan bri kamna apia!”

Oseas 5:5

Israel uba tara takan, sakuna ai daukanka ba kli, witin ai mapara aisisa; Efraín ai watawika lâka daukan ba ra, kli ai mina prukisa, ¡bara Juda sin witin aikuki bahara ai mina prukbia!

Oseas 6:1

Man nani sut bal, bara Dawan ra yawan kli wap; witin mita yuya man wan daukan sakuna, wan sikniska nani wina sin kli wan rakbia; witin ai klalka mita wan wîna insauhkan, sakuna witin sin kli sîka wan daukbia.

Oseas 7:7

Âu, witin nani sut kubus baku aswi banhwisa, ai wihtka tara nani ba langkan. Ai kingka nani ba sut kauhan, bara upla kumi sin âpu sa, yang ra ai pura suni ba.

Sofonías 1:6

Baha nani yang wina ilihwi taki ba, yang ra sin ai plikras hilpki sin makabras nani ba sut sauhki âpu tikamni.”

Sakaraya 1:4

Damikam nani daukan baku daukpara, prapit nani kaina piua ra kan nani ba bui yang bîli witin nani ra smalkan, ai natka saura, ai daukanka saura nani ba mahka swiaia, sakuna witin nani lika yang bîli walan daukras kan, bara baku sin tawi ai kaikras kan. Yang, Dawan, kasak aisisna.

Roman 3:11

Tânka briaia uplika ba kumi sin âpu sa, bara Gâd pliki ba uplika kumi sin âpu sa.