Oseas 6:8 - DAWAN BÎLA AISKA

⁸ Galaad ba saura dadaukra nani tawanka takan, tawan aiska ra mina taibanka nani, tala alki lâwan ba baman sa.

Oseas 6:8 ပူးပေါင်းရင်းမြစ်များ

2 Samuil 20:8

Guibeá ra walpa tara ba lama kat wan, ba ra, Amasá witin wal prawaia bal takan. Joab war aiklabaia kwalka dimi kan, ai maisa wilkan, ai sordka sin ai taya ra dingki ai maisa ra bri kan, sordka ba kauhaia baman, baku isi kan sordka taya wina isti sakaia dukiara.

2 Samuil 3:27

Abner ba Hebrón ra wan ba ra, Joab bui tawan getka ba wina tnaya ra brih wan, witin wal baman sturi aisaia, bamna bahara ai plauya kat sord ni sabi ikan, ai muihni Asael ra ikan ba tâwan pana ikan.

1 King Nani 2:5

“Man lika pain kaikaia sma Joab Seruiá luhpia dîa ai munan ba, wibia kaka, Israel war wihtka tara wâl ra daukan ba: Abner, Ner luhpia ra, bara Amasá, Jéter luhpia wal ra ikan. War piua ra ikan ba mana, kupia kumi bri na piua ra pana tâlia laikan. Baha war ra ikata ba, baha yang purira kahbisa.

Lawana Nani 10:8

Witin tawan sirpi nani ra upla tila nina maya dimisa, witin yukuwi upla pâtkas ba ikisa; witin ai nakra nani wina, hilpkas pali nani ba sip yukuwras:

Lawana Nani 141:4

Kupi ba lukan lâka saura wina dakbi sâks; daukanka saura nani, lâ watawikira aikrika daukamna apia, bahki lâka dauki waitnika nani wal aikuki, bara baha saura dadaukra nani, pata tara dauki aikuki sin apia.

Lawana Nani 59:2

Saura dadaukra nani ba wina dakbi ai sâks, swaki ai sâks upla âikra nani ba wina;

Aiseya 59:6

Ai anansika kiwka nani ba wal kwala paski dimbia kaka, hilpka daukras kabia; witin nani baha ni kwala diman kabia apia. Ai warkka nani ba saurka lâka warkka nani sa: ai mihta warkka nani ba saura baman daukisa,

Jirimaya 11:19

Yang sika daira walras katna, sîp kum daiwan ikaia watla ra bri auya ba baku, yang maipara diara daukaia witin nani aikuki aisi kan ba. Witin nani aisi kan: “Baha dusa ai karnika aiska bri pâwi ba kaisa yawan klakaia; naha tasba wina daiki sâkpi rayaka bri nani ba tila wina, bara upla kumi sin witin ra kli ai kupia kraukbia apia.”

Oseas 12:11

Galaad ra idan gâdka nani bâra sa, sakuna baha nani sut ba kuninkira baman. Guilgal ra bîp wainhka nani sakripaiska daukisa; walpa ailalka baku altar nani ba ai lainka ra paski brisa.”

Oseas 12:12

Jekob, Aram tasbaya nani ra plapi wih, bâra kan ai maya briaia dukiara, sîp main kaikaia warkka dauki kan.

Oseas 4:2

Sakuna kunin aisi swer taki aisaia lâka lika banhwan, upla ikaia, implikaia, upla maya yapaia, lâ nani ba krikaia lâka lika, pura luisa. Upla iki ba takaskras ban sa.

Oseas 5:1

“Prîs nani, naha wals; Israel luhpia nani, naha wals; king watla uplika nani, man nani sin naha wals: Man nani mampara lâ aisi daukaisa, man nani upla mina alkaika, Mispá ra mangkram, Tabor ilka purara ilis kahbram,

Miqueas 7:2

Naha tasba ra upla kasakkira nani, Gâd wal wapni ba âpu takan sa, sakuna kumi bani ba, upla tâlia laikaia baman aihwaki kaikisa; kumi bani ai muihni mina ra alki batakaia kiwka nani mangkisa.

Apastil Nani Sturka 25:3

Witin nani makaban, witin nani ra pain luki kaka, du pali Pal ba Jerusalem ra bri balbia. Witin nani pat lâ daukan kan Pal ba yabal ra ikaia,

Jasua 21:38

Gad kiamka wina lika Ramot Galaad ra ba yan, bahara ai yukuwaika pliska bribia dukiara, Mahanaim.