Oseas 6:5 - DAWAN BÎLA AISKA

⁵ Baha mita prapit nani aisin ba baku, yang bui man nani ra yuya baman mai daukri; yang bîli smalkanka ba ni, man nani mai ikri. Kasakki lâka ba ingni baku ingwisa.

Oseas 6:5 ပူးပေါင်းရင်းမြစ်များ

Blasi Sturka 18:25

¡Sip apia pali, man sip baku daukma apia, pâtkas nani ba pâtkira nani ba wal aikuki baku ikaia, wâlsut ba baha saurka ba aikuki daukan kan baku prais! ¡Baku daukpara! Man sika tasba aiska wihtka tara sma, ¿wapni lâka ba man daukma apia ki?

1 King Nani 14:6

Bara Ahías dimi aula ba walan, bara mairin ba ra win: —Bal dims, Jeroboam maya. ¿Dîa kan kunin dauki, upla wala natka ra aulma? Kaiks, yang na man ra ai blikan sa, diara karna mai aisaia,

1 King Nani 17:1

Prapit Ilayas Tisbé tawanka wina, Galaad tasbaya pîska ba wina kan ba, Ahab ra win: “¡Israel Dawan Gâdka raya iwi ba nina ra swer takisna, witinka dukia daukisna ba, lî auhbia apia, diwas laya sin âpu kabia naha manka nani ra, yang bui wimna ba kat!”

1 King Nani 18:17

Ahab bui Ilayas kaikan ba ra win: —¿Baku ba ra man sma ki Israel luhpia nani ra trabil dauki ba?

1 King Nani 19:17

Bara ya Hazael sordka wina swakbia ba Jehú bui ikbia, bara Jehú sordka wina swakbia ba, Ilaidsa bui ikbia.

2 King Nani 1:16

bara witin ra win: —Dawan ba naku wisa: ‘Ecrón gâdka Baal-zebub ra kainam kaikaia sturi twatwilkra nani blikram wan, Israel ra Dawan âpu kan baku, baha tâwan man sip buma apia krikrikam na wina, sakuna man pruma.’

2 Kronikas 21:12

Baha piua Joram ba prapit Ilayas wina wauhtaya kum brin, bara bahara naku ulban kan: “Dawan Gâd, man damikam Gâdka ba, naku mai wisa: ‘Man aisikam Josafat yabalka ra wapras sma, damikam Asá, Juda kingka yabalka ra sin apia.

Job 15:30

Tihmia ba wina sip swak takbia apia, inta wahia kumi urhwi takaia kan pauta mita angki ba baku, ai tangnika nani ba pâsa mita dakbi ba baku sin.

Job 34:10

Bamna man nani, upla sinskira nani, yang ra wals, lukaia apia sa Gâd karnika sut bri ba, saura daukbia, kasak apia ba sin daukbia,

Lawana Nani 119:120

Wîni aiska ba tatatwisa, man mamwanra; lâka aisi daukram adarka ba mamyunisni.

Lawana Nani 37:6

Bara man kasakkam lâka, man wapnikam lâka daukisma ba, lapta wan lal kat ingnika ingwi ba baku, yarka ingwi kabia.

Aiseya 11:4

Kasakka lâka ni swapni nani ba lâka daukbia, kuntri ra umpira nani bâra ba kan sunbia. Bîla nani witin aisi ba dus kum baku praut karna aisi nani ba ra klala yabi kabia. Ai bîla aisinka nani ba dus kum baku baha ni saura prautkira nani ba klala yabia, witin ai bîla aisi ba ni watawikira ba ikbia.

Aiseya 58:1

Dawan bui ai win: “Sibrin âpu karnikam aiska ni wins, dîa wiaia sma ba alki takaskpara, trumpit baku bîlam baikra buks, bara yang upliki nani ra param wis witin nani maipara buan ba, bara Jekob watla uplika nani ra sin wis saura daukan ba dukiara.

Jirimaya 1:10

“Yang aisaia sna ba man unam ra mangkisna, bara naiwa karnika sut maikisna king nani purara, nisan nani purara sin, daikaia, batakaia, sauhki tikaia, kriki tikaia, baku sin paskaia bara mangkaia.”

Jirimaya 1:18

Kan naha yua ra yang mai blikisni, man ba tawan tara kum ai kaina kutbanka bri ba baku, ayan playka ni bapan baku, bras ni kutban tawanka baku, Juda tasbaya aiska mapara buma: kingka nani ba mapara, wihta nani, prîs nani ba mapara, uplika nani sut ba mapara sin.

Jirimaya 13:13

Bara man pana witin nani ra wima: ‘Dawan ba aisisa: Naha kuntrika ra iwi uplika nani ba sut yarka bla takbia; king nani Debit iwaika ra iwi ba sut, prîs nani ba, prapit nani bara Jerusalem ra iwi nani ba sin sut.

Isikiel 11:4

Baha mita, yang nini ra smalki wis.”

Isikiel 3:9

Daimans baku karna pali mai daukamni, walpa wal kau karna mai daukamni. Sîa yapara, sibrin sin mai daukbiara witin nani mawanra, mapara babura kabia sin.”

Isikiel 32:18

“Man, upla luhpia, mairin nani nisan sât sât wina ba kira prura lawana kum aiwans, Idsip nisanka ailalkira bara wihta nani ba dukiara: ‘Karnakira nani tasba ra ba, tasba mununhtara kauhbia, pat raiti ra iwi wan nani ba kira.

Isikiel 43:3

Baha lilka yang kaikri ba, Dawan Jerusalem sauhkaia balan taim pat kaikri ba baku kan, bara Quebar awala un ra kaikri lilka ba sin baku kan. Bara yang laila makupri maiwan tasba ra kangbaia praiska kat,

Sofonías 3:5

Sakuna Dawan baha tawanka tara bilara sa; witin yamni baman daukisa, saura lika apia. Titan bani ai piua kat ai lâka ba bapisa, ban sakuna, saura dauki nani ba ai swira lâka ba tânka sin briras.

Apastil Nani Sturka 7:31

Moses baha diara aihka kaikan bara tâ iwan, kuna dîa dukia sapa pain kaikaia wisi witin kau lamara wan, bara Dawan bîla baikra naku witin walan:

Roman 2:5

Sakuna man lika kupiam karna pali sa, ba mita kupiam lakaia sin want apia sma. Bamna man mita puramra pât tara mangkisma, Gâd kasakka lâka kat lâ dauki marikbia ba yua ra;

Epesus 6:17

Swaki sakan lâka ba sin lal pura bikaia baku lamla ra baps, Spirit Holikira mita wanki sord ba sin bris, baha sika Gâd bîla.

Hibru Nani 4:12

Kan Gâd bîla ba rayaka brisa, bara karnika sin brisa. Baha ba sika sord mala napa wâl bri ba sut purkara kau mala sa, bara wan sulka bara wan spiritka biara pali ba kat dimi wisa, wan lukutbaika bara wan dusa bîla kat sin. Baha bîla ba mita wan kupia lukanka nani ba bara dîa daukaia luki ba sut sin klir pali sakisa.

Param Marikanka 1:16

Ai mihta aihkika ra slilma 7 bri kan, bara ai bîla ba sord napa wâl mala ba baku kan. Ai mawan ba lika ingni kan sim wan yu lapta ai karnika aiska ni ingwi ba baku.

Param Marikanka 2:16

Baku bamna, kli tawi Gâd ra bal; kan baku daukras sma kaka, pat pali man ra wamna, bara sord bîli wina taki ba ni man nani mampara aiklabamna.

Param Marikanka 9:15

Insalka walhwal ba lanhkan kan; witin nani ba ridi daukan kan baha awarka ra yua ra, katka ra bara sim manka ra upla yumhpa bani wina kumi ba ikaia.

Param Marikanka 9:21

Ai kupia sin lakras upla nani iki ba swiaia, sukia lâka nani, bara rug lâka nani, diara impliki nani ba sin swiras.

1 Samuil 13:13

Samuil pana win: —¡Man daukram ba lika tanis lâka kum sa! Man Dawan mai win ba bîla kat wali daukram kata kaka, kingkam lâka ba ban kaia ra bûi kaia kan.

1 Samuil 15:22

Bara Samuil bila win: “Dawan kau kanra yamni kaiki ba sika, witin ai bîla wali daukaia ba, daiwan wîna aiska angki sakripais nani dauki yaia ba lika apia; kanra yamni, witin ai bîla wali daukaia bara witin ra aman walaia, sîp wîna batanka nani bara sakripaiska nani dauki, prisantka nani yaia ba wal.

1 Samuil 15:32

Baha ningkara Samuil adar yan: —Man nani Agag ba maiwanra brih bal, witinka Amalec kingka ba. Agag sibrin âpu bal, Samuil mawanra buan; witin luki kan witin pruaia pâtka saura ra kan ba wina pat luan sa.

1 Samuil 15:33

Sakuna Samuil witin ra win: —Man sordkam ni mairin ailal ra luhpias swiram sa. Bamna naiwa man mamikam sin luhpias takbia. Kau diara aisaras, Guilgal kat Dawan mawanra Agag ba klaki pîs pîs daukan.