Oseas 6:1 - DAWAN BÎLA AISKA

¹ Man nani sut bal, bara Dawan ra yawan kli wap; witin mita yuya man wan daukan sakuna, wan sikniska nani wina sin kli wan rakbia; witin ai klalka mita wan wîna insauhkan, sakuna witin sin kli sîka wan daukbia.

Oseas 6:1 ပူးပေါင်းရင်းမြစ်များ

2 Kronikas 30:6

Baku bamna, maisa papakra nani blikan wan Israel bara Juda aiska ra, king wina bara king warkka tâ uplika nani ba wina wauhtaya nani wal, king adar yan ba upla nani ra wibia dukiara: “Israel luhpia nani, Ebraham, Aisak bara Israel Dawan Gâdka ra taws, bara witin sin man nani ra tawbia, upla kulki Asiria kingka mihta wina swak takan ba.

Job 16:9

Dawan mita nini bliki bisbi ai tikisa, daiwan kras baku sirang ai ikisa, waihli kan baku ai nakra ni laki ai kaikisa.

Job 22:23

Man mâyara bawma kaka, Gâd karnika sut bri ba ra kli tawi balma kaka, man wamtla wina watawi lâka nani ba sâkma;

Job 34:29

Bara Gâd ba sâp kabia kaka, ¿ya mita witin ba pâtkira sa wibia? Ai mawan ba yukukbia kaka, ¿ya ai mawan ba kaikbia ki? Witin bui tawan sut dukiara aihwakisa, upla kumi bani dukiara sim baku.

Job 5:18

Witin bui mai insauhkbia kaka, witin mita kwala ni wilkbia; ai mihta ni latwan maikbia kaka, witin wina daskaika ba maikbia.

Lawana Nani 30:7

Dawan, man kupiam yamnika ba mita, yang na, il kumi baku karna bapi bûi kaia ai daukram. Sakuna hilpkam ba yang wina sakram bara sibrin lâka ba mita sinski blaki swin.

Lawana Nani 6:2

Dawan, umpira ai kaiks, karnika âpu baku sna bamna. Dawan, karniki kli aik, wîni aiska na tatatwisa bamna.

Lawana Nani 71:20

Pât saura manis, bara sari lâka nani aikram wauhri sakuna, kli raya iwi kaia aikisma, bara tasba munhta pali ba wina ai bukuma,

Smasmalkra 3:3

Ikaia piua bâra sa, rakaia piua sin bâra sa. Sauhki tikaia piua bâra sa, bara paskaia piua sin bâra sa.

Aiseya 17:7

Baha yua ra upla ba ai Papaskra ra tawi kaikbia, ai nakra nani ba Israel Gâdka Holikira ra luki kira kaikbia.

Aiseya 2:3

upla sâtka nani ailal ba aisabia: “Bal, man nani, kaisa Dawan ilka ra uli waia, Jekob Gâdka ra pura sunaia watla ba kat; witin sin ai yabalka nani natka dukiara wan smalkbia, bara yawan, witin ai yabalka nani ra wapbia.” Kan Saion wina sika, Dawan lâka smalkanka nani ba bal takbia, Jerusalem wina ai bîla balbia.

Aiseya 30:22

Bâra lika lilka nani daukram ba, silbar ni lalaubi paskram ba tâski kulkma, lilka nani karbi daukram prâka nani gul ni slilki daukram ba sin. Bara baha nani ba tnaya ra lakma kwala tâski wan âuya warbi ba baku; witin nani ra wima: latara taki was.

Aiseya 30:26

Dawan ba ai uplika klauhanka nani raki, bara klauhanka nani ba kwala ni wilkan kabia. Baku bamna kati ba lapta baku ingni kabia, bara lapta ingnika ba kau aima 7 kau ingni kabia, lapta asla 7 kumi ra ingwi ba ingnika baku kabia.

Aiseya 55:7

Saurakira ai yabalka ba yarka swibia, bara upla watawikira ba sin ai kupia lukra nani ba swibia; bara man nani lika Dawan ra kli tawi bal, witin nani umpira kaikan lâka bribia; yawan wan Gâdka ra, witinka wan saurka swi tikaia lâka tara bri ba.

Jirimaya 3:22

Maipara babura kiamka nani, yang ra kli tawi bal, man nani maipara buisma sikniska ba wina mai rakamna.’ ” “Bahamna yang nani lika man ra balri, nâra sna, kan man sika yang nani Dawan, Gâdki.

Jirimaya 30:12

Dawan aisisa: “Man insauhkankam ba rawaikas sa, saurkam ba saika âpu.

Jirimaya 30:17

Sikniskam nani ba mai rakamna, insauhkan brisma ba sîka daukamna, waihlam nani ba nahki aisabia sin: ‘Saion ba lulki swin sa wibia, upla kumi sin Saion dukiara lukras sa.’ Yang, Dawan, kasak aisisna.”

Jirimaya 33:6

Sakuna yang kli witin nani ba sîka rakamna, bara pain kulkan kupia kumi kaia kli baku takaia apia liliaka briaia daukamni.

Jirimaya 50:4

Dawan aisisa: “Baha yua ra, Israel bara Juda uplika nani ba yang ra balbia ai Dawanka ai Gâdka ai pliki ini kabia.

Jirimaya 50:5

Saion ra waia yabalka ba makabi walbia, bara naku aisi baha tani ra wabia: ‘Kaisa Dawan ra yawan waia, lâ kum daukbia witin wal asla ban kaia lâka, kli sin wan âuya tikaia apia.’

Inanka Nani 3:11

Witin mita yabal wina tnaya ra ai saki, kurbi ai kalki ai munan, ¡sibrin tara ni banhki ai swin!

Oseas 11:10

Witin nani lika Dawan nina blîkbia, bara witin layan kumi baku ihbi kabia. Ihbi kabia, bara ai uplika nani ba tatatwi kira muna tani wina taki balbia.

Oseas 12:6

Baku bamna, Israel, Gâdkam ra kli tawi bal; kunin âpu wapni lâka ra diara dauks, bara piu sut Gâdkam ra baman kasak luki bas.

Oseas 14:1

¡Israel, Dawan Gâdkam ra, kli tawi bal, man saura daukram ba tâka mita sika kauhram ba!

Oseas 14:4

Dawan aisisa: “Upliki nani maipara buaia sikniska bri ba sîka daukaisna; witin nani ra ban latwan kaikaisna, latwan kaikaia apia uplika nani takan sakuna, witin nani mapara lawanki tara briri ba pat luan sa bamna.

Oseas 3:5

Baha yua nani ningkara, Israel luhpia nani ba kli tawi bal, ai Dawan Gâdka ra plikbia, bara ai kingka Debit ra sin. Baha piua nani aimaki lui kabia ba ra, witin nani bui Dawan ra ai kupia krauki tara kulkbia, diara nani yabi ba dukiara sin.

Libait Lâka 14:48

“Prîs ba utla ba ra dimi laki kaikbia lipar siknis ba ban bâra sa sapa. Siknis ba kau tâura waras kaka, prîs ba wibia utla ba klin sa, sikniska ba pruan.

Sofonías 2:1

Upla swirkas nani, man nani aidrubi asla taks,

Kli Smalkanka 32:39

Yang yakan Gâd sni; yang wina gâd wala âpu sa. Yang rayaka yabisni, bara kli mihta dakbisni; yang siknis yabisni, bara kli rakisni. ¡Upla âpu sa yang karniki wina dakbi mai sâkbia!

1 Samuil 2:6

Dawan bui upla rayaka saki bara yabisa; witin raiti bîla kat wan blikisa, bara baha wina kli wan buki sunisa.

1 Samuil 7:3

Bahamna, Samuil Israel luhpia nani sut ra win: “Man nani kupiam aiska kira kli Dawan ra tawma kaka, tringsar nani gâdka Astarté ba kli tilam wina saki lulkma, rayakam nani Dawan ra yama bara Dawan ra baman mayuni kama kaka, baku lika filisteo nani karnika wina dakbi mai sâkbia.”