Oseas 5:5 - DAWAN BÎLA AISKA

⁵ Israel uba tara takan, sakuna ai daukanka ba kli, witin ai mapara aisisa; Efraín ai watawika lâka daukan ba ra, kli ai mina prukisa, ¡bara Juda sin witin aikuki bahara ai mina prukbia!

Oseas 5:5 ပူးပေါင်းရင်းမြစ်များ

Sins Lâka 11:21

Kasak pali watawikira ba, klala briras takaskbia apia, sakuna kasakkira nani ba pain pri takbia.

Sins Lâka 11:5

Kasak lâka ba mita kasakkira ra yabalka wapni daukisa, sakuna upla watawikira ba ai lâka watawi ba mita kauhbia.

Sins Lâka 14:32

Upla watawikira ba, witin ai saurka pali ba mita sauhki tikisa, upla lukanka wapni ba, ai wapnika lâka mita kan kahbisa.

Sins Lâka 24:16

kan upla kasakkira ba aima 7 kauhan kaka kuna kli aima wala buaia sip sa; kuna watawikira nani trabil ra kauhi ba kau rungwan kabia.

Sins Lâka 30:13

Upla tila sin bâra sa, bukisa witin ba uba tara pali sa, bara upla wala ba ai nakra ra bahki kaikisa.

Aiseya 3:8

Jerusalem ba sut aisawan sa, Juda sin kauhan; witin nani aisi ba ai warkka nani daukan ba sin Dawan mapara sa, ai kingka kupia sauhki ba dukia daukisa

Aiseya 3:9

Witin nani ai swira âpu tâka mita ai saurka ba yukukras witin nani ai witnis aisisa; Sodoma baku ai saurka dahra tasba aiska ra maisa pakisa, yukukras. ¡Witin nani ra saura pali kabia, kan silp daukisa, klala briaia ba!

Aiseya 44:9

Aidul lilka papaskra nani kumi sin diara apia sa, witin nani aidul ra kulkanka tara yabi ba bahki baman. Ya bahara ai pura suni ba blain banhwisa bara sin sinskas, ba mita swira lâka ra takaskbia.

Aiseya 59:12

Yang nani mampara buri diara ailal saura dauki; bara baha saurka nani ba maipara witnis sa; kan yang nani watawiki lâka nani ba yang nani wal sa, bara yang nani sin saurki nani ba kaikisna.

Jirimaya 14:7

¡Dawan, yang nani saura daukri saurka ba mita daihra sakisa, ninam ba pain kulkaia ba mita baku dauks! Aima ailal yang nani na man mampara yamni apia katni, yang nani lika man mampara saura daukri.

Jirimaya 2:19

Watawikam daukram ba mita klala maikbia, kasak lukras sma lâka ba mita pât ra mai lakan kabia. Luki kaiks diara saura tahpla daukram ba ai lulki ai swiram ba tâka kaikma. Bara man bui yang ra yamni ai kulkras sma ba, yang sika dawan Gâdkam. Yang, Dawan, karnika sut brisna, kasak aisisna.

Oseas 14:1

¡Israel, Dawan Gâdkam ra, kli tawi bal, man saura daukram ba tâka mita sika kauhram ba!

Oseas 14:2

Man nani lika Dawan ra kli tawi bal, bara naku witin ra puram suns: “Yang nani watawi daukri ba sut ban ai kulkpara, bara man ra mamyuni makabi puri suni banhwisna na, kupiam yamni lâka ra bris.

Oseas 4:5

Man lika kakna pali kauhma, prapit ba sin, man ninamra; witin lika tihmia ra kauhbia, bara man ra aiska pali mai sauhkamna.

Oseas 5:14

Layan kum daiwan ra alki ba baku, yang Efraín bara Juda ra alkamna; yang bui witin nani ba alki, yuya man dauki si swih mahka wamna; witin nani ba raski brih wamna, bara upla wala âpu kabia, yang wina dakbi sakaia.

Oseas 7:10

Israel tara pali takan ba, ai daukanka ba mita, ai mapara witniska aisisa. Baha daukanka sut wal, witin nani kli Dawan ra tawi balras, Dawan ra sin plikras.

Oseas 8:14

Israel utla tara nani mâkisa, sakuna ai Papaskra ba ai âuya tikisa. Juda tawan tara karnakira nani ailal paskisa, sakuna baha nani yang pauta klauhan kumi ra angkamna, watla tara nani ba sut ambia.”

Emus 5:2

Israel, kasak bara painkira ba kauhan sa; kauhan sa, kli buaia dukiara. Ai tasbaya pura kat prawisa, bara upla sin âpu sa baha wina bukaia.

Matiu 23:31

Baha mita, nanara pain kaikisma man nani ba prapit ikan nani ra ikan nani kiamka sma.

Luk 19:22

Bara kingka mita pana win: ‘Alba saura, man bîlam aisisma ba wal lâmka daukamna. Yang waitna karna sna tânka ba man kaikisma, bara wahbisna yang mita iki swiras sna ba wina, bara mâ sin krikisna yang mita mangkras sna ba wina.