Oseas 5:3 - DAWAN BÎLA AISKA

³ Efraín ba yang kakaira sna; Israel ba kau kakairiki pali sa, Efraín urkira takan; Israel lika tâski takan.”

Oseas 5:3 ပူးပေါင်းရင်းမြစ်များ

Aiseya 7:16

Sakuna kau tukta ba ai tânka pain briras ba ra, baha kuntrika king wâl bri ba, sirang mai iki ba lulki swin kabia.

Aiseya 7:17

“Dawan mita daukbia man puramra balaia, uplikam nani purara, bara aisikam watla purara sin, Efraín, Juda wina dakwi takan yua sâtka nani takan ba baku ba.” (Naha sika Asiria kingka dukiara aisisa.)

Aiseya 7:5

Siria uplika nani, Efraín uplika aikuki bara Remalías luhpia ba sin, aikuki lukanka saura brih man mampara daukisa, witin nani aisin:

Oseas 1:2

Dawan ai bîla smalkanka ba, naku tâ krikan, witin Oseas bâk wiaia want kan: “Israel luhpia nani ba rug mairin takan, yang wina tnaya ra tawi. Bamna man sin baku natka ra was, bara yabal mairka kum mayam bris, bara witin wal luhpiam nani sâks; bara baha nani sut ba, rug mairin luhpia nani takbia.”

Oseas 12:1

Efraín ba, pâsa pih ai biara banhwisa: yu aiska, lalma payaska krawi ba ninara auya. Kunin aisi ba kau aisaia, lâ krikanka nani dauki ba kau daukaia lan takisa. Asiria wal lâ nani daukisa ba ra, batana laya prisantka nani, Idsip ra blikisa.”

Oseas 13:1

Efraín uplika nani sturi aisi ba ra, Israel masraka wala nani ba mita kulkanka yabi ba tânka mariki kan; sakuna Efraín pruan witin pâtkira takan kan Baal ra mayunan tâka.

Oseas 13:5

Yang main mai kaikri lapta baman upla iwras tasbaya nani ra.

Oseas 5:11

Efraín ba taiban lâka ni taibi brisa, ai raitka bri lâka ba sut krikan, witin nani mita ai raitka ba, gâd kuninkira nani atkan bamna.

Oseas 5:13

“Efraín ai dara walbia, siknis nani ba pat alkan kabia, bara Juda sin ai wîna klahwanka nani ba kaikbia ba ra, Efraín, Asiria kingka tara ra wabia witin hilp makabaia, sakuna king ba sip witin nani ai sikniska ai wîna sukwanka nani ba rakbia apia.

Oseas 5:9

Yang bui Israel kiamka tilara maisa pakisna baha diara nani bal takaia ba, kasak pali baku takbia: klala yamna yua ra, Efraín ba âpu daukan kabia.

Oseas 6:10

Israel watla bilara yang diara saura pali nani kaikri: Efraín urkira takan; Israel ba tâski pali takan.

Oseas 6:4

Dawan aisisa: “Efraín, ¿man wal yang dîa daukamna? Juda, ¿man wal yang dîa daukamna? Man nani bui yang ra latwan ai kaikisma lâmka ba, titan mukuska baku sa, lalma kahbi kan diwaska laya baku, tisku kan pat lap tiwisa.

Oseas 8:11

“Kan Efraín altar ailal pali paskisa, baha nani lika saura daukaia dukiara baman paskisa.

Emus 3:2

“Upla kiamka sâtka nani tasba aiska ra bâra ba tila wina, man nani baman ra bâk mai saki mai briri sa. Baku bamna, man nani saurka nani daukram ba sut tâwan, klala maikaia kamna.”

Emus 5:12

Yang kakaira sna, man watawankam nani ailal, bara saurkam ban dauki auma ba. Upla kasak nani ra taibi munisma kunin lâka ba brih, bara lâ daukaia pliska ra umpira nani ra raitka yaras munisma.

Kli Smalkanka 33:17

Pranakira sa bîp wainhka kum tawahkia baku, karna pali buplu kum baku, upla sut ra ai aringka ni mangkbia tasba tâ kum wina tâ wala kat. Efraín kwârika tara nani ba baku sa; Manasés tausinka nani ba baku sa.”

Hibru Nani 4:13

Gâd wina yukuwaia dukia kumi sin âpu sa. Diara paskan ba sut param sa bara witin ai nakra ra kwâkan sa; witinka ra sika yawan wan dahra nani saki aisaia ba.

Param Marikanka 3:15

Dîa daukisma ba, yang sut kaikisna. Yang kaikisna man ba kauhla apia sma bara lapta sin apia. ¡Aitani lukamna man ba kauhla, apia kaka lapta katma kaka!