Oseas 5:15 - DAWAN BÎLA AISKA

¹⁵ “Yang waitla ra kli wamna, witin nani saura daukan ba ai dara walbia bara bal ai plikbia ba kat. ¡Ai pâtka nani wahwi ba tilara, witin nani ai pliki kabia!”

Oseas 5:15 ပူးပေါင်းရင်းမြစ်များ

Blasi Sturka 42:21

Sakuna witin nani ai walka kira pana pana naku aisin: —Yawan nani wan muihni mapara saura pali daukata, kan witin yawan ra ai pura suni makabi kan witin ra baku munbia apia, sakuna yawan lika witin ra umpira kaikras kan bara ai bîla sin briras kan. Yawan kaiki kan witin sari pali aihwa kan, sakuna baha mana sika naiwa naha sarka lâka tara yawan wan purara balan na.

2 Kronikas 7:14

upliki nani ba yang ra bawbia kaka, yang nini ra ai pura sunbia, bara yang maiwan plikbia kaka, bara ai yabalka saura nani ba wina ai kupia lakbia kaka, yang kasbrika pura wina walamni, ai saurka nani ba swih tikamna, bara ai tasbaya ba kli pain daukamna.

Job 33:27

Bara wibia: “Saura yâri, tanis lâka nani ba daukri, sakuna Gâd klala aikaia brin daukras kan.

Lawana Nani 107:13

Sakuna ai trabilka tila ba wina Dawan ra winan, bara baha pâtka ba wina swaki sakan;

Lawana Nani 107:19

Sakuna ai trabilka nani ba wina Dawan ra winan, bara witin nani ai pâtka ba wina swaki sakan;

Lawana Nani 107:28

Bara witin ai trabilka nani tilara Dawan ra winan, trabilka ba wina swaki sakan;

Lawana Nani 107:6

Sakuna trabilkam tilara Dawan ra winram bara witin bui pâtkam wina atki mai sakan.

Lawana Nani 132:14

“Naha ilka ra sika, bâra kan ai dauki ba; bahara iwamna, baku brin ai dauki bamna.

Lawana Nani 50:15

Yang ra ai wins kupiam wirha brima ba ra; yang pri mai sakamni, bara man bui yang ra kulkanka aikma.”

Lawana Nani 78:34

Gâd mita iki tikan, bâra lika witin ra plikan, witin ra kli bal plikan wapras kira pali.

Lawana Nani 83:16

¡Dawan, witin nani ra swira dauks, yarka witin nani man ra waia!

Sins Lâka 8:17

latwan ai kaiki uplika nani ra, yang mita latwan kaikisni; bara ya nani ai pliki ba ai sakisa.

Aiseya 18:4

Dawan bui ai win: “Pliski ba wina trabil âpu kira kaiki kamna sin, mani piua ra lapta ingni pali taki baku, diwas laya kasbrika bitni pali piua ra buski ba baku, sâp kamna.

Aiseya 26:16

Yang nani trabil tara ra dimisna ba ra Dawan, man mai plikisna, klala wankisma ba ra yang nani ini puri sunra ba mamwanra aisisna.

Aiseya 26:21

Kan nanara Dawan ai watla tara wina taki aula, tasba ra iwi uplika nani ra ai saurka mana klala yabaia, watawika lâka witin ai mapara daukan ba tâwan; tasba ra pruan nani ba witin kau yukuki bri kabia apia, sut param marikbia.

Aiseya 26:9

Sulki tihmia ra mai brin daukisa, spiritki yang wîni ra ba mai plikisa, man lâmka tasba ra daukisma bara tasba ra iwi uplika nani ba, kasakka lâka daukaia lan takisa.

Jirimaya 2:27

man nani dus kum pâwi ba ra wisma: ‘Man ba yang aisiki’, walpa kum ra sin baku wisma: ‘Man ba yang yaptiki’. Bara yang tani ra lika, ninam lakram, mamwan lika apia. Ban sakuna, pât kum aula ba ra lika man nani ai wisma: ‘¡Bal ai swaki ai sâks!’

Jirimaya 3:13

Man watawi daukram ba daukri, wis, Dawan Gâdkam mapara babura takram ba; tringsar nani latwan kaiki plapi pliki waram ba, dus tara nani sut distiki ra waram, yang bîli walras adarki nani wîri ba daukras. Yang, Dawan, kasak aisisni.’ ”

Jirimaya 3:14

Dawan kasak aisisa: “Maipara babura kiamka nani kli tawi bal, yang sika man nani Dawankam. Tawan kumi bani wina upla kum brimna, kiamkam kumi bani wina sin upla wâl, bara baha nani ba kli Saion ra blikamna.

Inanka Nani 3:40

Kaisa wan daukanka nani ba kli laki kaikaia, bara Dawan ra kli tawi waia.

Isikiel 10:4

Bara Dawan prana ba, kirubin lilka nani ba lal wina ingnika ba purara ulan bara tempel dimaia ba tani ra wan; bara kasbrika pura nani ni tempel ba banhwan, bara watla kutbanka ba Dawan prana ingnika ni aibanhwan kan.

Isikiel 11:23

baha sin tawan ba purara wina taki pâli laihura wan tawan lalma tani ra ilka ba purara kaia wan.

Isikiel 20:43

Bahara kupiam krawbia, nahki man nani diara saura nani daukram ba; bara klauna âmya warbia, saurka nani daukram ba dukiara.

Isikiel 36:31

Bara ai kupia krawbia ai iwanka saura nani ba, bara ai daukanka saura nani ba sin man nani dukiamra sin ai swira daukbia saurkam bara daukankam saura ba dukiara.

Isikiel 6:9

Baha nisanka nani tilara pruras swak takbia nani ba, yang ra ai kupia kraukbia; yang nahki witin nani ba yabri pât wahwaia ba ai kupia kraukbia, witin nani ba yang wal wapni apia bara tnaya ra tawan, aidul nani ra mayunan bamna. Watawika lâka nani daukan ba lukbia bara aikaban daukbia, diara saura nani kaikan wan daukras kan daukan bamna.

Isikiel 8:6

Baha ningkara ai win: “¿Kaikisma Israel luhpia nani diara saura dauki ba, baha nani wal sika, tempelki holikira wina laihura auya ba? Baku bamna, kau diara saura nani kaikma.”

Oseas 3:5

Baha yua nani ningkara, Israel luhpia nani ba kli tawi bal, ai Dawan Gâdka ra plikbia, bara ai kingka Debit ra sin. Baha piua nani aimaki lui kabia ba ra, witin nani bui Dawan ra ai kupia krauki tara kulkbia, diara nani yabi ba dukiara sin.

Oseas 5:6

Witin nani ai sîpka bara ai bîpka mairin aikuki Dawan pliki wabia, sakuna wal prawbia apia, Dawan ba witin nani wina tnaya ra tawan bamna.

Miqueas 1:3

Dawan witin takaski pliska ba wina takbia, bara il nani pura bâk wapi balbia.

Kulki Kaikanka 21:7

Bara upla nani ba plapi wan Moses bâra kan ba kat, bara win: —¡Yang nani Dawan mapara saura aisari, bara mampara sin aisi banhri! ¡Bamna Dawan ra makas naha piuta saura nani ba sut yang nani wina sâkbia! Bara Moses bui Dawan ra makaban, upla swakwanka ba ban swih tikbia.

Luk 13:25

Utla dawanka ba dur ba prakbia ba ra, man nani latara banhwi kama ba, dur ra kingbi, wima: ‘Dawan, yang nani ra sin dur sâks.’ Sakuna witin mai wibia: ‘Man nani ba ani wina sma sapa yang mai kaikras.’

Wihta Nani 4:3

Jabín lika war waginka ayan ni daukan ba 900 bri kan, bara witin bui Israel luhpia nani ra 20 mani saura pali rausauhki kan, sakuna Israel luhpia nani baha piua kat kli Dawan ra ai pura sunan, bara Dawan bui witin nani ra hilp munan.