Oseas 5:10 - DAWAN BÎLA AISKA

¹⁰ Dawan aisisa: “Juda wihtka nani ba sin baha uplika nani ba baku sa, tasba piarkika ba wina kainara kitbisa. ¡Sakuna yang kupi baiwanka lisamrika ra dingkaisna!

Oseas 5:10 ပူးပေါင်းရင်းမြစ်များ

Lawana Nani 32:6

Baha mita sari tara aula ba piua ra, kasakkira nani ba man ra ai pura sunbia, lisamra tara nani balbia sin, witin nani ra alkbia apia.

Lawana Nani 69:24

¡Lawankam ba, witin nani purara sunbia bara man lawankam ba wina, swak takbia apia!

Lawana Nani 88:17

Awar bani kutbi kir ai brisa, lisamra tara dingkan ba baku.

Sins Lâka 17:14

Awala lisamra dingkan ba sika unsaban ba tâ krikisa; kau yamni sa mahka waia wihki, kau blahwi saura daukaia ba wal.

Sins Lâka 22:28

Tasba markka nani damikam nani mita mangkan bâra ba baha markka ba man mita kitpara.

Aiseya 1:23

Wihta nani brisma ba, mapara babura nani sa, bara âimplikra nani pânika banhwisa. Witin nani sut ba lalah mana ai wîna atkisa, witin nani prisant pliki taukisa. Rau nani lâka kasak ba sin yaras. piarka mairin nani lâka sin daukras.

Isikiel 22:22

Lalah slilkaika ra slilki baku, man nani mai slilkan kabia tawan lilapas ra; baku damra walma yang, Dawan, kupi baiwanka man nani puramra laikri ba.”

Isikiel 7:8

Nanara isti pali kupi baiwanka ba, man nani puramra laikamni, yang âiyapah brimna kat man ra mamkabamni daukankam dukiara, bara klala maikamni daukankam saura nani ba tâwan.

Matiu 7:27

Lî ba auhan, awala nani ra lisamra dingkan, pâsa nani sin watla ra prukan; ¡bara aiska pali kauhi aisawan!”

Luk 6:49

Sakuna ya yang bîli wali, dîa wisna ba kat daukras ba lika waitna kumi ai watla paskan ba baku sa, witinka ba ai watla playa ba kasak bapras kan; bamna lisamra dingkan ba pupuhki, ai karnika aiska ni watla ra prukan ba ra, aiska pali kauhi slingwan.”

Kli Smalkanka 19:14

“Dawan Gâdkam kuntrikam maikbia ba ra, upla tasbaya piarkika ba kulkan kabia, kainara dauki kan ba baku.

Kli Smalkanka 27:17

‘Upla tasbaya piarkika pîska implikaia dukiara dakbi aihka lakbia kaka, lahtuban kabia.’ Bara upla sut wibia: ‘Baku kabia.’