Oseas 5:1 - DAWAN BÎLA AISKA

¹ “Prîs nani, naha wals; Israel luhpia nani, naha wals; king watla uplika nani, man nani sin naha wals: Man nani mampara lâ aisi daukaisa, man nani upla mina alkaika, Mispá ra mangkram, Tabor ilka purara ilis kahbram,

Oseas 5:1 ပူးပေါင်းရင်းမြစ်များ

Jirimaya 11:7

Man nani damikam nani yang bui Idsip wina sakri ba ra, witin nani ra kupia krauki wîri yang ra baman bîli wali kabia, baha piua wina yang kupia krauki ban sna naha piua kat.

Jirimaya 13:18

“King ra, yaptika ra sin wis: ‘Man nani iwaikam ba wina, man nani tasba ra iws, kan man nani lamla wina kraunka pramna kata ba kauhan bamna.’

Jirimaya 46:18

Yang, king sna ba, bara nini ba Dawan karnika sut brisna, rayaki ni swer takisna: Tabor ilka il nani tilara kau purara ba baku, Carmelo ilka, kabu purara daiwi takan ba baku, waihla aula ba baku sa.

Oseas 10:15

Baha nani ra takan ba baku, Betel uplika nani, man nani ra sin takbia, watawika lâka tara daukram ba tâwan. ¡Israel kingka ba yu nan baiwbia ra pat ikan kabia!

Oseas 13:8

Wingku mairin kum ai luhpia nani tiwan ba baku, yabalka ra taki waisna, witin nani wal prawaia; witin nani kupia ba drusbamna. Layan kum baku, yabal kat witin nani ba alki pimna; daiwan wail kum baku, witin nani ba kalkamna.

Oseas 4:1

Israel luhpia nani, Dawan aisi na man nani wals. Naha kuntrika ra iwi uplika nani mapara witin mita unsaban bukan sa, kan uplika nani na ai tilara wapni lâka daukras sa. Kasakka lâka âpu, Gâd tânka kaikaia tânka sin âpu sa.

Oseas 6:9

Prîs nani ba âimplikra daknika kum takan, Siquem ra waia yabalka ra, upla nani bîla aihwakisa; upla nani ba iki, witin nani ai nina sauhkisa.

Oseas 9:8

Gâd mita ai prapitka ba, Efraín aihwaki kaiki kaia mangkan, sakuna man nani bui witin ai yabalka ra mina alkaika nani kahbisma; ¡Gâd tempelka bîla kat sin man nani bui witin ra misbara kaikisma!

Joel 1:2

Tawan almukka nani, naha na pain wali banhs, naha tasbaya ra iwi banhwisma nani sin sut. ¿Naha sut pâtka tara na, man nani piuam ra pat takan kaikram ki? ¿Aisikam nani yua ra sin, naha sât pâtka nani takan kaikan kata ki?

Emus 3:1

Israel luhpia nani, man nani wals Dawan naha bîla nani aisi wi ba, Idsip tawanka wina sakan uplika nani ra:

Emus 7:9

Dawan ra mayunaia watla Aisak dukia nani ba sut slingban kabia, bara Israel tempelka nani ba sin sauhki tikan kabia. ¡Jeroboam taika nani mapara war aiklabaia sordka ba bukamna!

Miqueas 3:1

Man nani wihtka nani, Israel tâ uplika nani aimakisma ba, nanara yang aisanki na wals: ¿Kasakka lâka tânka briaia ba, man nani warkkam sa apia?

Miqueas 3:9

Bamna naha na wals, Israel tâ brabrira bara wihtka nani, man nani kasakka lâka ra waihla kaikisma ba, bara wapni lâka ba, warbanka lâka ra lakisma ba:

Miqueas 7:2

Naha tasba ra upla kasakkira nani, Gâd wal wapni ba âpu takan sa, sakuna kumi bani ba, upla tâlia laikaia baman aihwaki kaikisa; kumi bani ai muihni mina ra alki batakaia kiwka nani mangkisa.

Malaquía 1:6

Karnika sut bri Dawanka ba, prîs nani ra naku aisisa: “Luhpia nani ba ai aisika ra kulkanka tara yabisa, bara alba nani ba sin ai dawanka ra yamni kulkisa. Bamna yang na man nani Aisikam sna kaka, ¿dîa muni tara ai kulkras sma? Man nani albiki, yang na Dawankam sna kaka, ¿dîa kan yamni ai kulkras sma? Man nani bahki ai kulkisma, sakuna ban aisisma: ‘¿Yang nani dîa dauki bahki mai kulkisna ki?’

Malaquía 2:1

“Prîs nani, nanara naha na man nani ra aisisna:

Wihta Nani 4:12

Sísara sturi walan Barac ba Tabor ilka ra uli wan ba,

Wihta Nani 4:6

Yu kumi, Débora upla blikan wan Barac ra wiaia bara witin ra paiwaia, witin ba Abinóam luhpia waitna Quedes ra iwi kan, baha lika Neftalí kiamka tasbaya kum, bara witin ra win: —Dawan, Israel Gâdka ba, naku daukaia man ra adar maikan sa: ‘Tabor ilka ra was, bara bahara Neftalí bara Zabulón wal kiamka nani ba wina 10,000 waitna asla dauks.

1 Samuil 7:16

Mani bani witin taki wi kan Betel ra, Guilgal ra, Mispá ra sin, bara upla nani lâka dauki kan.

1 Samuil 7:5

Baha ningkara Samuil bila win: “Israel luhpia nani sut Mispá ra asla dauks, bahara yang bui man nani tâmwan Dawan ra puri sunamni.”

1 Samuil 7:6

Israel luhpia nani Mispá ra aidruban, bara lî panhki Dawan mawanra tasba ra laikan, prisant kum yabi ba natka kat. Baha yua witin kaiki plun piras, bara ai saurka Dawan mapara daukan ba dahra aisi sakan. Baha yua wina Samuil sin Israel luhpia nani wihtka aimakan.