Oseas 4:19 - DAWAN BÎLA AISKA

¹⁹ ¡Pâsa kum bal ai tnawa nani ra suni brih wabia, bara witin nani aidul lâka dauki ba ai swira lukbia!

Oseas 4:19 ပူးပေါင်းရင်းမြစ်များ

Aiseya 1:29

Usupum dusa nani ra latwan kaikram ba mita, man nani swiram daukbia, dus mâ nasla nani bâk saki briram ba mita sin, bahki mai kulkan kabia, bahara aidul nani ra puram suni katma ba.

Aiseya 42:17

Aidul nani ra ai kupia lukra mangki bri nani ba, witin nani ai gâdka nani wi ba: “Man nani ba yawan wan gâdka sma’, witin nani ba swira daukan, kitwi tnaya ra tawi wabia.

Jirimaya 17:13

Dawan, man sika Israel bîla kaikanka. Baha nani sut mai briras mai swin ba swira takan kabia. Baha nani sut man wina kitwi laihura taki ba upla nina tasba pukpuka ra ulbi swin tiwi ba baku lap tiwbia, man lî kârma kauhla, mai briras mai swin ba mita.

Jirimaya 51:1

Dawan aisisa: “Diara sasauhkra payaska kum blikaisna Babilon mapara, Caldea uplika nani mapara sin.

Oseas 10:10

Yang klala yabamna naha tawanka ra, ansa piua ra yang want sna ba ra. Witin mapara nisan nani asla takaisa, ansa piua ra, yang klala yabamna ai saurka tara mata.

Oseas 10:6

Bîpka pali ba sin Asiria ra brih wabia king tara ba ra prisant yabaia. Baku Efraín ba ai swira pali takbia: Israel sin aidul bri ba swira daukan kabia.

Oseas 12:1

Efraín ba, pâsa pih ai biara banhwisa: yu aiska, lalma payaska krawi ba ninara auya. Kunin aisi ba kau aisaia, lâ krikanka nani dauki ba kau daukaia lan takisa. Asiria wal lâ nani daukisa ba ra, batana laya prisantka nani, Idsip ra blikisa.”

Oseas 13:15

Ban kra Israel, twi baku tangnika baiwi kabia sin, lalma payaska ba krawbia, pâsa karna upla iwras tasbaya wina krawi, bara lâkbia laya kârma nani ba, laya aubi nani ba sin lâwbia. Waihla ba bal, mana tara dukia nani kuki bri ba, sut brih wabia.