Oseas 4:14 - DAWAN BÎLA AISKA

¹⁴ Sakuna luhpiam mairin nani rug takisa wisi, klala yabamna apia, mulam yaptika nani, ai maya nakra praki banhwi ba sin apia, kan man nani pali sin rug mairin nani ba wal auma bamna; sakripaiskam daukaia, baha mairka nani aikuki asla takisma; witin nani ai pura sunaia lan taki baku ai maya lâka krikaia warkka dauki ba. ¡Sins lâka briaia tânka briras uplika nani ba baku rungwisa!

Oseas 4:14 ပူးပေါင်းရင်းမြစ်များ

1 King Nani 15:12

Kan kuntri ba wina, upla nani ur taki kan ba sut sakan, bara gâd bahki nani ai damika nani daukan kan ba sut sakan.

2 King Nani 23:7

Baku sin waitna bara mairin wal ur taki kan nani watla ba sut slingban, Dawan tempelka kat dauki kan prias kum baku, bahara sin mairin nani kwala mami kan gâd bahki Aserá ra yaia dukiara, baku prîs nani ba bui adar yaban kan.

Sins Lâka 28:5

Watawikira nani ba kasakka lâka tânka briras, sakuna Dawan ra plapi tauki nani ba sut tânka brisa.

Aiseya 1:5

¿Dîa muni man nani klala kau makabisma? Wînam aiska ba mai wipan sa. Lamla ba insauhkan sa, karnikam sin aiska âpu pali takram sa.

Aiseya 27:11

Dus kum tnawa nani ba lâwan bara kriwisa; bara mairin nani aula baha nani ba angkaia. Kan baha uplika nani ba diara tânka bri uplika nani apia sa. Baha mita, witin ra papaskra ba mita umpira kaikras, ai kupia sin swapni takbia apia.

Aiseya 56:11

Yul plun sanglang tauki nani ba, plun pi kabia sin, sip biara banhras sa, sepad nani diara tânka briras; kumi bani ba ai yabalka kat wapisa, kumi bani yakan ai yamnika briaia plikisa.

Daniel 12:10

Upla ailal lika pât saura wahwaia aisin ba bâk luaia sa, bara baha wina klin bara kasak aihwakira kulkan kabia. Watawikira nani ba lika ban saura nani dauki kabia, dîa taki ba dukiara tânka sin briras kabia, sakuna upla sinskira nani ba lika diara sut tânka ba bri kabia.

Oseas 14:9

Sins tânka plaplikra nani tânkira, diara tânka kaikaia pliki nani ba, naha smalkanka tânka na bribia: Dawan yabalka nani ba wapni sa, upla kasak nani ba bahara wapbia; sakuna watawi dadaukra nani ba, baha yabalka ra ai mina prukisa.

Oseas 4:1

Israel luhpia nani, Dawan aisi na man nani wals. Naha kuntrika ra iwi uplika nani mapara witin mita unsaban bukan sa, kan uplika nani na ai tilara wapni lâka daukras sa. Kasakka lâka âpu, Gâd tânka kaikaia tânka sin âpu sa.

Oseas 4:17

Efraín aidul lâka ra wih diman. ¡Witin nani sut bla takan nani daknika baku kauhan! Witin nani kli kli rug lâka daukisa, bara ai swira lâka ba kanra lihkisa, yamni kulkan ba lika apia.

Oseas 5:4

Witin nani lika ai daukanka saura nani ba mita, kli Gâd ra balaia luki ba alki takaskisa. Ur takaia brinka ba mita taibi brisa; Dawan ba sip kakaira takras.

Emus 2:7

Upla umpira nani ra taibi, ai raitka wina mâyara batakisa; bawikira bara umpira nani raitka yabaia kata ba yabras. Luhpia waitna ba ai aisika wal sim baku dauki, yang nini sunu ba tâski sakisa.

Emus 7:17

Man baku wisma bamna, Dawan naku man ra aisisa: ‘Man mayam ba tawan yabalka bilara wapi ur taki tauki kabia, luhpiam nani ba aiklabaia sordka ni ikan kabia, tasbayam na sin idan nani bal ai tasbaya kulki bribia, man wînam tara sin upla wala nani tâski kulkan nani ba tasbaya ra pruma, bara Israel luhpia nani ai tasbaya ba wina laihura priski brih wan kabia.’

Kulki Kaikanka 25:3

Bara baku ban swin, Baal-peor mayunaia lâka ba mita raski brih wan. Bamna Dawan lawan Israel luhpia nani mapara,

Jan 8:43

¿Dîa muni man nani ra diara mai wisna ba sip tânka briras sma? Baha lika man nani mita smalkanki ba walaia want apia sma bamna.

Roman 3:11

Tânka briaia uplika ba kumi sin âpu sa, bara Gâd pliki ba uplika kumi sin âpu sa.

1 Korint 6:16

¿Man nani kaikras sma ki, ani uplika rug mairin kum wal asla prawan kaka, wâlsut ba wîna tara kumi baku takuya? Kan Ulbanka ra wisa: “Wâl ba wîna tara kumi takbia.”

Epesus 4:18

bara witin nani kupia lukra ba tihmia takan sa. Gâd wina raya kaia lâka aula ba, witin nani briras sa, kan sins aitani briras ba mita kupia sin karna pali sa.

Kli Smalkanka 23:17

“Israel luhpia nani tila wina waitna kum kra apia, mairin kra, rug taki gâdkas nani mayuni ba tilara dimi warkka takaia apia sa.

Hibru Nani 12:8

Gâd mita ai luhpia sut ra wapnika mangki ba baku man nani ra sin baku mai munras kaka, man nani ba bastar sma, luhpia pali nani lika apia.