Oseas 4:12 - DAWAN BÎLA AISKA

¹² Upliki nani ba dus gâdka nani ra ai pura sunisa; ai mihta ra dus nani bri ba dusa ni, ai gâdka wal aisaia lan takisa. Ur takaia brinka ba mita taibi brisa, mistik takan nani ba yabalka ra upliki nani ba wapisa: tâski taki, Gâd lama wina taki wan.

Oseas 4:12 ပူးပေါင်းရင်းမြစ်များ

2 King Nani 17:7

Naku takan Israel luhpia nani ba Dawan ai Gâdka mapara saura daukan ba mita, ai dahra walras kan witin mita Idsip tasbaya wina sakan kata ba king fero mihta ba wina, kan gâd bahki nani ra mayuni dukia dauki kan,

2 Kronikas 21:13

Man bui Israel kingka nani nina blikram bara sin man puramra sa Juda bara Jerusalem uplika nani Dawan wina tnaya ra tawan ba, Ahab kiamka nani daukan ba baku. Baman sin apia, sakuna muihkam nani sin ikram, man wal baha nani ba kau yamni kan.

Lawana Nani 106:39

Bara witin nani tâski daukan, baku sin ur taki banhwan ai daukanka saura nani ba wal.

Lawana Nani 73:27

Ani uplika nani man wina tnaya ra tawi ba sut lika, prui tiwbia; ani uplika man wal kasak apia ba sut sauhki tikma.

Jirimaya 10:8

Witin nani sut ba sinskas baman sa, sins bri uplika nani apia sa. ¡Dus pîs kum ba wina witin nani ra smalkaia diara âpu sa!

Jirimaya 2:27

man nani dus kum pâwi ba ra wisma: ‘Man ba yang aisiki’, walpa kum ra sin baku wisma: ‘Man ba yang yaptiki’. Bara yang tani ra lika, ninam lakram, mamwan lika apia. Ban sakuna, pât kum aula ba ra lika man nani ai wisma: ‘¡Bal ai swaki ai sâks!’

Jirimaya 23:13

“Sameria ra prapit nani bâra ba yang kaikri yang maipara diara saura daukisa: Baal dahra yamni aisisa bara upliki nani Israel ba munisa witin nani yaka aimawahkaia.

Isikiel 20:32

Man nani lamla ra diman, nisan wala nani tasba ra ba baku kaia, dus ra bara walpa ra mayuni ba, kuna baku kabia apia.

Isikiel 21:21

Babilon kingka ba, yabalka wâlsut tâ pali ra buan sa, bara dîa kaia ba laki kaikisa: Trisba nani ba nikbisa, ai gâdka nani ra walisa, daiwan âuya nani ba laki kaikisa.

Oseas 14:3

Asiria uplika nani sip yang nani ra swaki ai sakras, aras ra uli plapamna kaka sin sip apia. Yang nani mihti ni alki paskri dawanka nani kumi ra sin kli man ba ‘Yang nani Dawanki sma’ wimna apia, kan Dawan, man ra baman sika rau nani ba umpira kaikan lâka ba sakisa.”

Oseas 5:4

Witin nani lika ai daukanka saura nani ba mita, kli Gâd ra balaia luki ba alki takaskisa. Ur takaia brinka ba mita taibi brisa; Dawan ba sip kakaira takras.

Oseas 6:10

Israel watla bilara yang diara saura pali nani kaikri: Efraín urkira takan; Israel ba tâski pali takan.

Oseas 9:1

Israel, man nani lilia kapara; upla wala nani baku, âmyapah pali srutwi kapara, man bui Dawankam ba lulki swiram bara ur takram, plawar mâ taya saki ba watla ra ur takisma mana, mamna briaia lihkisma.

Libait Lâka 17:7

Naiwa wina Israel luhpia nani ba kli ai daiwra nani ba, lasa nani ra yabi sakripais daukbia apia, baha nani ra witin nani mayuni ba saura takan uplika nani sa mita. Naha lâka man nani baku dauki ban kama, aisika nani mita luhpiam nani ra sin smalki ban kama.

Libait Lâka 20:5

yang lika witin ai mapara buamna, ai watla uplika sut mapara sin, ya ya witin wal ai pânika Moloc nina blikan ba sut mapara buamna, tawan tila wina âpu daukamna Moloc nina blikan nani ba.

Miqueas 2:11

Kunin aisasara kum, upla nani ra kunin muni dahra aisi wibia: “Yang lika wain laya bara laya tahpla dukiara aisi wisna”, baha sât prapitka sika naha uplika nani na brin daukisa.

Abakuk 2:19

Man nani sarkam pali ai daukisa, dus ni lilka kum paskan ba ra wisma: “¡Rawi bus!” Walpa kum sip aisaras ba ra sin wisma: “¡Mahka bus!” ¿Bara lilka nani ba sip kabia ki pana diara kum wan aisaia? ¡Apia, kan ai rayaka pali ba âpu sa mita, ban sakuna gul bara silbar ni lalauban kabia kra!

Kulki Kaikanka 15:39

Bara baku man nani prâmka mahta ra pîska praki sipi banhwisma ba ra kupiam krauki kama, baha lâka nani sut maikri ba dukiara, bara man nani baha lâka nani ba kat sin dauki kama. Bara baku mika man nani kupiam brinka ba mita mai raski mai brih wabia apia, kan man nani ba yang maipara kasak kaia katma lâka ba swiram sa.

Kli Smalkanka 31:16

Bara Dawan mita Moses ra win: “Man pat pruaisma, bara naha uplika nani na tringsar nani kuntrika ra dimbia ba ra aidulka nani wal aiblakwi, yang ra lulki ai swibia, bara witin nani wal lâ daukri ba slingwi tiwbia.

Wihta Nani 18:5

Bara waitna matsip ba pana witin ra win: —Man, Dawan ra puram suni makabi wals, yang nani impakanki ra wataukisna na, maipa ra yamni baman takbia sapa.