Oseas 3:1 - DAWAN BÎLA AISKA

¹ Dawan kli bal ai win: “Man was bara mairin kum ra laik taks, pâmnika mairka pali, bara ai maya nakra praprakra ba. Dawan bui Israel luhpia nani ra baku latwan kaikisa. Witin nani bui kakaira apia uplika nani gâdka ra wan sakuna, bara dus mâ lupia nani, lâki muni britka yaban pîsa.”

Oseas 3:1 ပူးပေါင်းရင်းမြစ်များ

2 Samuil 6:19

Baha wina Israel luhpia nani sut bâra kan ba, waitna nani bara mairin nani ra yan brit, dus mâ sâtka ni daukan ba, turtiya, dus mâ damni nani sin piaia yan. Ba ningkara upla sut ai watla ra wan.

2 King Nani 13:23

Ban sakuna, Dawan ba witin nani dukiara ai kupia swapnikira, yamni pali kaiki kan, Ebraham, Aisak bara Jekob wal lâ aisi daukan kata mita, sauhki tikaia ai brinka apia kan, bara ai mawan wina sin kangbi sakaia lukras kan. Bara naiwa yua kat sin baku daukras sa.

1 Kronikas 16:3

Israel uplika sut ra yan, waitna bara mairin nani ra sin, brit kum, kwah mâ lâkan, dus mâ sirpi lâkan turtika daukan ba sin.

Nihimaya 9:31

Ban sakuna, man kupiam swapnika lâka uya pali brisma ba mita sut âpu daukras kapram, lulki sin swiras kapram; kan man sika Gâd, kupiam swapni bara umpira kaikan lâka brisma ba tâwan.

Lawana Nani 123:2

Dawan wan Gâdka, man kat mai kaiki mamkabi banhwisni, alba waitna ai dawanka mihta kat kaiki ba baku, alba mairin ai dawanka mairin mihta kat kaiki ba baku, baku bîla kaikisna witin ai kupia yamnika aikbia.

Impakan Sturka 32:6

Yu wala titan witin nani bûi banhwan ba ra, daiwan aiska angki sakripais daukan, bara kli wal ai uplika takaia lâka sakripaiska ba sin daukan. Bara upla nani ba iwi plun pin, diara sin di banhwan. Baha ningkara bûi banhwan, puli lilia briaia.

Yamni Kulki Lawana 2:5

¡Wain mâ lâkan brinka nani ni tâi baiks, apil mâ damni nani ni ai dakaki kupi buks; kan yang latwan kaikan lâka ba mita pruisna bamna!

Aiseya 45:22

Man nani, yang ra bal bara swaki mai sakamna, tawan tasba wala wina. Kan yang na Gâd sna, bara wala âpu sa.

Jirimaya 3:20

Sakuna mairin kum ai maya nakra baiki ba baku, man nani sin baku yang maipara wapni apia sma. Yang, Dawan, kasak aisisna.

Jirimaya 31:20

“Efraín uplika nani ba yang maipara luhpi latwankira kum sa; baha luhpika ba kau latwan sna. Lawi daukisna ba ra, sip âiya tiwras witin ai dukiara; yang kupi ba dikwisa, lukisna witin dukiara latwan pali. Yang, Dawan, kasak aisisna.

Oseas 11:8

“Efraín, ¿yang nahki man mai swimna ki? Israel, ¿yang nahki man mai lulki mai swimna ki? ¿Adma tawanka tara sauhkri ba baku, mai sauhkamna ki, apia kaka Seboím ra daukri ba baku, mai munamna ki? ¡Yang kupi na wirha pali takisa, latwan pali mai kaikisna ba mita!

Oseas 2:5

Man yaptikam ba, rug lâka daukan; ai kulkanka ba tikan naha aisin ba ra: “Waitniki laitwankira nani ba pliki wamni, witin nani wina plun, lî aikisa, sîp taya kwalka, linin sin, batana laya, diranki nani sin aikisa.”

Oseas 4:11

“Rug lâka bara wain ba, lâ wapni daukaia lukanka ba tikisa.

Oseas 7:5

Yawan wan kingka kraunka mangkaia yua ra, wihta nani mita, king ra wain dakaki baha laptika mita, yan ban siknis takan. ¡Bara king ai lawaska kiki nani ba purara, witin ai mihta sakban!

Emus 2:8

Upla nani wina traska mana kwala dakbi brin kwalka nani ba palki, baha purara aitniki plun kahbi pih, ai gâdka bahki nani ra mayunisa, upla wina taibi muni dakbi brin lalahka wal atkisa, bara ai gâdka watla ra di banhwisa.

Emus 6:6

Kahmi tara ra wain laya laiki disma, batana laya kîa damni ba aimakisma. ¡Sakuna Josep tawanka slingwan kabia ba dukiara lika man nani sari briras!

Miqueas 7:7

Sakuna yang lika Dawan ra baman bîla kaikamna; Gâdki swaki ai saki ba bîla kaikamni, kan Gâdki ba yang ra ai walbia.

Sakaraya 1:16

Bahamna, yang Dawan sna ba, naku aisisna: Yang kupi pihni lâka wal Jerusalem ra kli tawi kaikuna; bara tempel bara tawan aiska ba sin kli paski daukamna.’ ”

Matiu 26:50

Jisas pana witin ra win: —Upliki, dîa daukaia mata aulma ba dauks. Bara baha nani Jisas lamara bal, alki priskan.

1 Korint 10:21

Man nani sip apia sma Dawan kapka wina diaia, bara pirit saura nani kapka wina sin diaia; bara Dawan tibilka wina piaia bara pirit saura nani tibilka wina piaia sin sip apia sma.

1 Korint 10:7

Baha mita, man nani aidul nani ra puram suni mayunpara, witin nani wina tila nani daukan ba baku, Ulbanka ra wi ba baku: “Upla nani ba plun piaia bara diara diaia iwan, bara baha ningkara dans pulan.”

1 Pita 4:3

Kan piua nani ailal luan ra idan nani dîa daukan ba, sim dukia man nani dauki kapram, baku bamna saura daukaia laik taki ba ra iwi kapram, brinka saura nani ra, bla lâka ra bara pata pira binka nani ra, diranka kum ailal pali, bara aidul tâski nani ra sakahkram.

Wihta Nani 10:16

Bara witin nani idan gâdka bahki nani ba mahka ai tila wina slingbi saki si Dawan ra mayunan, bara Israel luhpia nani pât wahwi ba kaiki, bara Dawan kau ban sip ai kupia karna daukras kan.

Wihta Nani 9:27

bara witin nani aikuki insla ra wan, wain mâ dakbi taibi wain laya dauki, bara baha dih ki lilia tara daukan, ai gâdka nani tempelka ra plun pin bara wain din, bara Abimélec ra lawaska kiki lahtubi aisi kan.