Oseas 2:9 - DAWAN BÎLA AISKA

⁹ Baha mita kli tawi balamni, bara plawarki mâ bara wainki nani ba dâkaia piua ra kli brimni, sîpki taya kwalka, lininki kwalka sin ai taya prakaia yabri ba, kli wahbi brimni.

Oseas 2:9 ပူးပေါင်းရင်းမြစ်များ

Isikiel 16:27

‘Baha ningkara mihti bukri klala maikaia dukiara; yang sip apia mai daukri bara filisteo nani tawanka mihta ra mai mangkri, misbara mai kaiki ba ra ai kupia sin sauhki kan ba daukankam yamni apia dukiara.

Isikiel 16:39

Witin nani mihta ra mai swimna, ur takisma pliska nani ba aidul ra mayunisma pliska nani ba sut sin sauhki tikan kaia. Kwalkam ba daikbia bara aiskahkaia dukia nani brisma ba sin, bara susu pali mai swibia.

Isikiel 23:26

Kwalkam nani bara walpa klauhi dukia nani brisma ba sut mihtam dakbi bribia.

Daniel 11:13

Yahbra tani kingka ba kli war aiklaklabra waitnika nani asla daukan kabia, kainara kata ba wal kau dakni tara, bara mani kum kum ningkara, ai war aiklaklabra daknika tara brih muna tani mapara aiklabaia wabia, aiklabaia dukia ailal pali ba wal.

Oseas 2:3

Witin baku daukras kabia kaka, susu dauki swimna: witin aisubi takan ba yua ra, dîa luha kata ba baku, upla iwras tasbaya baku daukamna, tasba lâwan baman kabia, bara lî diran bla yarka prubia.

Oseas 8:7

Witin nani pâsa baman mangkan bara pâsa saura karna krawi ba baman dâkbia; plawar mangkan ba dusa wina plawar sin sâkbia apia, ban kra witin nani baha sâkbia kaka sin, witin wal kakaira apia nani baha pibia.

Oseas 9:2

Israel luhpia nani, plawar, wain sin bribia apia; wainka disang ba, ailal apia kabia.

Joel 2:14

Ban kra witin, man nani ra kli lukbia ba ra, kau ban klala maiki kabia apia, sakuna ai yamnika ni, puramra blîkbia: plun mâ nani, wain sin blîkbia, Dawan Gâdkam ra prisant nani dauki yabaia dukiara.

Sofonías 1:13

Baha mita sika, ai dukia kukanka nani ba wal brih wabia, ai watla nani ba sin slingban kabia. Ai watla nani lika mâkbia, sakuna bahara iwbia apia; wain nasla nani sin daukbia apia, bara sin dibia apia.”

Malaquía 1:4

Bara Edom tasbaya uplika nani Isau masraka ba, witin nani naku aisabia kaka: “Wan tawanka nani sauhki tikan sa, ban sakuna yawan wan nisanka na kli bukaia sa”, karnika sut bri Dawanka ba pana aisabia: “Âu, witin nani kli bubia kaka, sakuna yang mita kli slingbamna. Witin nani ai tasbaya nina ba ‘Watawika lâka tasbaya’ mâkbia, bara ‘Dawan mita baha nisanka ra ban kaia ra ai kupia baiki ba.’ ”

Malaquía 3:18

Bara man nani aima wala ra tânka brima yamni ba saura ba wal tânka aihka ba, Gâd ra mayuni ba, Gâd ra mayunras ba tânka.”