Oseas 2:21 - DAWAN BÎLA AISKA

²¹ Yang Dawan, baha kasak aisisna: Baha yua ra, yang kasbrika purara ba ra aisamna, bara kasbrika pura ba mita tasba ra aisabia;

Oseas 2:21 ပူးပေါင်းရင်းမြစ်များ

Aiseya 55:10

“Kan kasbrika pura nani wina ais ba auhisa, bara lî kamhka pali nani sin bal iwi ba baku, bara kli bahara tawi waras, sakuna tasba ra buskisa bara yan urhwi pâwisa, baku sin saumuk mamangkra ra saumuk nani yabisa, bara pi bara sin plun yabisa,

Aiseya 62:4

Witin nani kli wibia apia man ba mai “Lulki Mai Swin Sa”, tasbayam ra sin kli wibia apia: “Sauhkan Sa”, Sakuna man ninam ba “Yang laikki”, bara tasbayam ba nina “Yang Mayi Mairin”. Kan man ra sika Dawan laikka ba, bara witin ba man tasbayam ra maya waitna kum baku kabia.

Aiseya 62:5

Wahma kum tiara kum wal ai maya taki ba baku, Dawan sin baku man ai maya mai bribia, bara kli mai paski bara man wal lilia kabia, maya waitna ai maya mairin wal lilia ba baku.

Aiseya 65:24

Witin nani mita kau ai winras ba ra, yang mita pat witin nani ra pana aisamna; witin nani kau ai aisaras ba ra, yang pat witin nani ra pana walri kabia.

Isikiel 36:29

Ya tâski dauki ba sut wina swaki sakamna. Yabrika plawar mâ ba ailal takbia, bara kli plun wahwan blikamna apia.

Oseas 14:7

Israel kli tawi bal distiki ra iwbia; bara plawar pâwi baku pâwbia, wain kiwka baku tangnika baiwbia, Líbano wainka damnika kîa buki baku, witin ai sturka ba wauhi kabia.

Joel 2:19

bara Dawan bui witin nani ra win: “Yang bui man nani ra plawar mâ, wain mâ, oliv mâ batanka laya sin blikamna, man nani âmyapah takma ba kat; bara idan nani ba, swirka kli man nani lamwaska kiki kabia apia.

Sakaraya 8:12

Kan kupia kumi lâka ba, witin nani tilara mangkan kabia. Wain kiwka nani, ai mâ alkan kabia; tasba wina sin plun pâwi kabia; kasbrika wina sin diwas laya yabia. Upliki nani kau raya banhwi nani ba ra naha sut na ai dukia kaia yabamna.

Sakaraya 8:8

bara Jerusalem kat brih wamna bahara iwbia wisi. Baku ba ra witin nani ba yang upliki kabia, bara yang lika ai Gâdka kamna, kasakka lâka ra bara lâ wapni daukaia lâka ra sin.”

Malaquía 3:10

Man nani diara 10 bani wina kumi, yang duki ba tempel ra lalahki watla ra brih bal, baku yang waitla ra plun ailal bâra kabia. Man nani baku dauki tâinka kaiks, man nani kaikma kasbrika purara windarka nani ba bukutbi, yamnika ailal man sut puramra yakabras kamna sapa.

Malaquía 3:11

Namsla mâ tilwan nani ba, wain nasla nani brisma ba sin swirka liwa nani mita pih tikbia apia.

Matiu 6:33

Bahamna man nani, lukankam aiska ba Gâd King aimaki ba lâka ra dîa daukaia mai aisi ba ra luks, bara baha diara nani ba sin sut brima.

Roman 8:32

Gâd ai Luhpia pali ba sin wankaia apia wiras, sakuna yawan sut wan mata ban prura mihta ra mangkan; bamna, ¿nahki yawan na witin ai Luhpia wal asla diara sut ba wankras kabia ki?