Oseas 2:20 - DAWAN BÎLA AISKA

²⁰ Yang mayi mai brimna bara man wal kasak kamna, bara yang lika man dawankam sna ba, ai kaikma.

Oseas 2:20 ပူးပေါင်းရင်းမြစ်များ

Blasi Sturka 9:10

Bara daiwan nani man wal ark watla wina bal taki banhram ba: tnawira nani, daiwan tim, daiwan wail nani, daiwan nani sut, tasba ra bâra ba wal sin daukisna.

Aiseya 2:4

Dawan mita nisan bani tilara lâ daukbia, upla ailal aiklabanka ba wapni daukbia. Aiklabaia sordka ba tasba tukbaika daukbia, ai langsika nani ba, plawar mâ klakaia sord buhla daukbia. Nisan kum, nisan wala mapara kli war aiklabaia lukbia apia, war aiklabaia lâka nani sin kli smalkbia apia.

Aiseya 62:4

Witin nani kli wibia apia man ba mai “Lulki Mai Swin Sa”, tasbayam ra sin kli wibia apia: “Sauhkan Sa”, Sakuna man ninam ba “Yang laikki”, bara tasbayam ba nina “Yang Mayi Mairin”. Kan man ra sika Dawan laikka ba, bara witin ba man tasbayam ra maya waitna kum baku kabia.

Jirimaya 24:7

Yang bui witin nani ra diara tânka kaikaia yabamna, bara witin nani ai kaikbia yang sika Dawan sna ba, bara witin nani upliki nani kabia, yang sin witin nani ai Gâdka kamna, kan witin nani ai kupia aiska yang ra kli tawi balbia bamna.

Jirimaya 30:10

“Yang, Dawan ba, kasak aisisna: Man nani si bripara, Jekob uplika nani, yang duki dadaukra nani, Si bripara, Israel, man bara luhpiam nani sin pri mai sakamna baha kuntri laihura silak ra mai mangkan ba. Kupiam kumi kli iwi kama, âmyapah kama, upla kumi sin sirang mai ikras.

Jirimaya 32:41

Witin nani ra yamni munisna ba dukiara lilia kamna, bara yang kupi aiska kira kasakka lâka sut ba ni yarka witin nani baha kuntrika ra iwbia.”

Jirimaya 9:24

Upla kum aimayunaia brin daukisa kaka, yang ai kakaira taki bara witin aimayunbia, witin tânka bribia yang sika Dawan sna ba, yang latwan kaiki tasba ra diara daukisna, kasakka lâka, wapni kaka ni, yang baha daukaia sika yamni kaikisna. Yang, Dawan, kasak aisisna.”

Isikiel 16:62

Yang kli lâ raya man wal daukamna, bara damra walma yang sika Dawan sna ba.

Isikiel 16:8

‘Aima wala lamak luri, bara mai kaikri; pat latwan lâka kaikaia piua katma. Yang kwailka ni mai blakatna, bara kwala luha katma ba mai bikri, bara yang pramis takri man ra; man wal lâ daukri, bara man lika yang duki takram. Yang, Dawan, kasak aisisna.

Isikiel 34:25

Witin nani wal lâ wilkanka kum daukamna, yabrika rayaka kum lamni kabia. Yabrika tiwbia kuntri daiwra wail nani ba. Baku sîpki nani ba sip kabia lamni ra iwaia, plis kum param ra bara unta tilara lika apia.

Isikiel 34:27

Unta dusa nani ai mâ sâkbia, tasba ba kau yamni takbia, bara lamni lâka ra iwbia klauna ai tasbaya ra. Yang tawanki ba pri sakamna, bara baha alba lâka ra bri ba wina ai dara wali banhbia yang sika Dawan sna ba.

Isikiel 38:23

Baku marikamni tawan ailal nani ra, yang tara pali bara holiki lâka ba marikamni. Yang bui yabrika witin nani ai kakaira takbia, bara ai dara walbia yang sika Dawan sna ba.

Oseas 13:4

Dawan aisisa: “Yang, Dawan, yang lika man Gâdkam ban sna Idsip tasbaya ra kapram ba yua wina: Yang tnaiya ra Gâd wala, yang baku man kaikma apia, sakuna yang baman lika, kan yang baman sna, man swaki sasakrikam.

Oseas 2:19

Israel, yang mayi mai daukamna ban kaia ra, bara man mayi aihwa pali kakma, lâ tânka kat, kan latwan pali mai kaikisna bamna.

Oseas 6:6

Yang bui man nani wina brin ai dauki ba sika, man nani latwan ai kaikma, sakripais nani dauki aikisma ba lika apia; Gâdkam baku ai kakaira taks, bara man nani daiwan aiska angki aikisma ba lika apia.

Libait Lâka 26:5

plawar mâ nani, wain mâ nani piua kat dâkaia brima; wain mâ nani sin ban bri kama, dus mâ wala nani sin ban brih pi kama biamra banhki takma ba kat, bara kuntrikam ra âmyapah iwi kama.

Libait Lâka 26:6

Tasbayam ra yamni mai bri kamna, sibrin âpu pain yapi kama, tasbayam ba pri daukamna daiwan wail, daiwan praut bara war nani sut wina sin.

Miqueas 4:3

Dawan mita nisan bani tilara lâ daukbia, upla ailal aiklabanka ba wapni daukbia, kau plis wihka ra iwi nani ba lâka sin. Aiklabaia sordka nani bri ba, baha ni witin nani tasba tukbaika nani paskbia, ai langsika nani ba ni sin ispara nani paskbia. Nisan kum bui nisan wala mapara kli war aiklabaia lukbia apia, war aiklabaia lâka nani sin kli smalkbia apia.

Sakaraya 9:10

Witin mita Efraín waginka nani ba sauhki tikbia, Jerusalem ra araska nani ba bara war aiklabaia pantamangkika nani ba sin. Kupia kumi lâka ba nisan nani ra wibia; bara kabu kum wina, kabu wala kat king aimakbia, Éufrates awala wina ban tasba aiska pali ba kat.

Matiu 11:27

“Yang Aisiki mita diara nani sut mihti ra mangkan sa. Upla kumi sin Luhpia ba pain pali kaikras, Aisa ba baman; bara Aisa ra upla kumi sin pain pali kaikras, Luhpia baman, bara ya ya Luhpia mita marikaia luki nani ba sin.

Luk 10:22

“Diara nani sut na Aisiki mita yang ra atia aikan sa. Upla kumi sin Luhpia ba kaikras, Aisiki yakan mika; bara upla kumi sin Aisa ba kaikras, Luhpia baman bara baha nani Luhpia mita yarka kakaira takaia want ba baman.”

Jan 17:3

Bamna raya ban kaia lâka ba lika, mai kakaira takaia, Gâd kumi baman kasakkira sma ba, bara Jisas Kraist ra sin kakaira takaia, witinka man mita blikram ba.

Jan 8:55

Ban sakuna, man nani bui witin ba kakaira apia sma. Yang lika witin ra kakaira sni; bara witinka ba kaikras wimna kaka, yang sin man nani wal baku kuninkira sna. Sakuna kasak pali mai wisna, witin ba yang kakaira sna, bara ai bîla sin wali daukisni.

2 Korint 4:6

Tihmia ra ingbia dukiara ingni blikan Gâdka ba mita sika, ai ingnika wan kupia ra yan ingwan, bara baku mika baha ingnika wal Gâd prana Jisas Kraist mawanra ingwi ba, yawan kaikaia.

Pilipai 3:8

Baha dukia nani baman apia; dîa dîa yang briaia sip kapri ba, bahki tiwan baku kulkisna, Jisas Kraist yang Dawanki ba, kakaira kaia yang maipara kau pain sa, diara wala nani sut ba wal. Kraist tâwan yang diara sut tikri; bara baha sut dipasta baku kulkisni, Kraist yang duki brimna ba tâwan,

Kolosi 1:10

Makabi banhwisna man nani ba Dawan uplika nani baku tânkam pain brih dîa dîa daukaia sma ba dauki kama, piua bani witin pain kaiki dukia nani baman sin dauki kama, wark painkira nani wina mâ saki kama, bara baku mika sip kama Gâd tânka kau pain kaikaia.

2 Timoti 1:12

Baha mita sika, yang naha pâtka nani wahwisna ba. Sakuna yang swiri lukras, kan pain kaikisna yaura kat kasak lukri ba, bara kasak pali lukisni, witin ba karnika brisa, dîa yang mihti ra mangkan ba, pain suni bri kaia, baha yua ba kat.

Hibru Nani 8:11

Kumi bani sin ai uplika ra bara ai muihni ra sin wiaia apia kabia: Man ba Dawan tânka kakaira taks. Kan upla sut yang ra kakaira banhwi kabia, witin nani tilara kau sirpika ba wina kau tarkika ba kat.

1 Jan 4:6

Sakuna yawan lika Gâd dukia sa; bara ya Gâd kakaira ba yawan ra walisa, kuna Gâd wina apia uplika ba yawan ra walras sa. Baha mita, yawan kaikaia sip sa, ya Spirit pain brisa bara ya kunin spiritka bri ba.

1 Jan 5:20

Yawan sin pain kaikisa Gâd Luhpia ba balan, bara witin ba sins lâka wankan, kasak Gâd pali ba kakaira takbia dukiara. Yawan baha Gâdka kasakkira ba wal asla iwisa, wibia kaka, ai Luhpia Jisas Kraist wal. Naha sika kasak Gâd pali ba, bara raya ban kaia lâka.