Oseas 2:11 - DAWAN BÎLA AISKA

¹¹ Ai liliaka dauki ba takaskamna, lilia daukaia yua nani bri ba, kati raya ra, ris yua nani bri ba, bara lilia tara daukaia yua nani sut bri ba sin.

Oseas 2:11 ပူးပေါင်းရင်းမြစ်များ

1 King Nani 12:32

Baha purkara, witin bui lilia tara piua kum mangkan kati 8 aimaki yua 15 ra, lilia tara Juda ra lilia tara dauki ba baku daukaia, bara king pali bui altarka purara sakripais nani daukan. Naha lika Betel ra daukan, bîp lilka nani paskan ba ra sakripais nani yabi, bara prîs nani sin ai warkka ra mangkan idan pura sunra pliska nani paskan ba dukiara.

Jirimaya 16:9

Yang, Dawan karnika sut brisna, Israel Gâdka, param aisisna: Naha kuntrika ra lilia lawana nani aiwani, lilia dauki ba maya baiki aiwani ba sut takaskaisna. Naha sut man nani yuam ra baku takbia, bara man nani baha kaikma.

Jirimaya 25:10

Yang daukamna witin nani ai tilara lilia mita aiwani lilia kaia kli daukan kaia apia, maya baiki lawana sin aiwanaia apia, akbaia walpaya nani binka sin walaia apia, lamp angki ingnika nani ba sin kli kaikaia apia.

Jirimaya 7:34

Yang daukamna Juda tawanka nani ba bara sin Jerusalem tawanka yabalka nani ra lilia dauki aiwananka ba, maya baiki lawana nani aiwani ba sut lap tiwaia; tasbaya aiska ba upla iwras tasbaya baku bîla man swimna.”

Isikiel 26:13

Baku lamwanka nani binka ba âpu daukamna, bara arpkam nani binka ba kli walbia apia.

Oseas 3:4

Kan Israel luhpia nani ba, piua wihka pali king âpu, wihta sin briras kabia, sakripais daukaia âpu, angkaika pliska nani sin âpu kabia; prîs prâka nani âpu kabia, baha gâdka talika nani sin âpu kabia.

Oseas 5:7

Witin nani lika Dawan mapara saura pali daukan, witin nani waitna wala luhpia nani baiki brisa. Witin nani saura pali daukan ba tâka mita, kati kumi bilka ra, ai tasbaya ba sut sauhkan kabia.

Libait Lâka 26:20

Karnikam bahki pali tikma, kan tasba ba mâ nani maikras bara dus nani sin mâ alkras kabia bamna.

Emus 5:21

“Man nani aidrubanka tara dauki, mayunra priaska nani daukisma ba sut misbara kaikisna, saura pali kaikisna man nani asla taki banhwisma ba.

Emus 8:3

Witin nani ai watla tara nani ra lilia aiwani ba, baha yua ra pruan nani pura mata ai mamna lulki ini kabia. Upla ailal pruan kabia, witin nani wini ini bin daukras, sâpkira pruan nani ba bri si lulki kabia. Dawan baku kasak aisi wisa.

Emus 8:5

Man nani lukisma: “¿Kati raya yua liliaka ba ahkia lubia ki, ningkara plawar mâ nani ba atkaia dukiara? ¿Yu matlalkahbi pura kumi wan ris yua ba ahkia lubia ki, ningkara plun auhbi swin ba saki mana tara bara paun ra kasak kunin muni impliki atkaia dukiara?

Nahum 1:10

Witin nani ba, kiaya dusa nani sisitni pâwan baku, bara sin twi lâwan baku sin aiska pali ambia.