Oseas 2:10 - DAWAN BÎLA AISKA

¹⁰ Ai waitnika latwankira nani kaiki kaka, prâka daiki taya man swimna. ¡Upla kumi sin witin ba, mihti wina dakbi sâkbia apia!

Oseas 2:10 ပူးပေါင်းရင်းမြစ်များ

2 Kronikas 24:7

Kan Atalía saura pali kata bara ai nina bliki nani ba aikuki, Dawan tempelka ra dimi dukia nani ba brih, bara witin nani aidul ra ai pura sunaia dukiara dauki banhwata.

Lawana Nani 50:22

“Man nani naha tânka na pain bris, man nani Gâdkam ra âmya tikisma ba, yang wînam ba yuya baman mai daukras sna ba ra, baha mai daukamna bara upla kumi sin mai dakbi mai sakaia âpu kabia.

Sins Lâka 11:21

Kasak pali watawikira ba, klala briras takaskbia apia, sakuna kasakkira nani ba pain pri takbia.

Aiseya 3:17

baha ba mita, Dawan bui Saion mairka lal tâwa nani ba kusbi sâkbia, ai swira lâka nani ba param ra sâkbia.”

Jirimaya 13:22

Bara man makabi walma kaka, tânka briaia sma kau diara saura pali daukram ba tâka mita sika; ¡baha mita witin nani susu mai dauki bara saura mai munan!

Jirimaya 13:26

Yang sin sut susu mai daukaisna upla mawanra mai swiaisna swiram takaia.

Isikiel 16:16

Man prâmka nani ni il nani ra idan nani ai pura sunaia tintka watla paskan, bara man baha bilara ur takram.

Isikiel 16:19

Man ra brit maikri ba plawar kau pain ba ai daukan britka ba, bara batana laya nasma sin yang mai dakakri, bara baha nani ba man bui witin nani ra kîa pain prisantka dauki yaram. Yang, Dawan, kasak aisisna.

Isikiel 23:29

Witin nani mita misbara mai kaikbia, wark taki briram ba witin nani sut pali bribia, bara susu mai swibia; wînam tara kwala âpu mai swibia, baha ni rug lâka daukram bamna. Uba pri kaia lâka ba man briram, rug lâka sin,

Oseas 10:1

Israel ba, wain kiwka ra mâ ailal pali alkan ba baku sa; witin nani ba kau ailal alki kan ba ra, altar nani sin kau ailal paski kan; tasbaya kau painkira taki kan ba ra ai gâdka bahki nani walpaya ba sin, kau pranakira paski kan.

Oseas 13:1

Efraín uplika nani sturi aisi ba ra, Israel masraka wala nani ba mita kulkanka yabi ba tânka mariki kan; sakuna Efraín pruan witin pâtkira takan kan Baal ra mayunan tâka.

Oseas 2:3

Witin baku daukras kabia kaka, susu dauki swimna: witin aisubi takan ba yua ra, dîa luha kata ba baku, upla iwras tasbaya baku daukamna, tasba lâwan baman kabia, bara lî diran bla yarka prubia.

Oseas 6:9

Prîs nani ba âimplikra daknika kum takan, Siquem ra waia yabalka ra, upla nani bîla aihwakisa; upla nani ba iki, witin nani ai nina sauhkisa.

Miqueas 5:8

Jekob kiamka kau swin nani ba lika, nisan nani ailal tilara layan tara kum unta daiwra wail nani tilara tauki ba baku kabia; âu, layan kum sîp daknika nani tilara dimi tauki ba baku sin. Bara baha nani ra rausauhki ba, baha nani kumi sin swak takras sut kat ikisa.

1 Korint 4:5

Baku bamna, piu kau kan ba ra diara nani ba lâka aisi dauki kapara. Dawan bal, tihmu ra yukukan dukia nani ba ingni ra brih sâkbia ba, bîla kaiki bas. Dawan mita upla nani ai kupia ra dîa daukaia luki ba sut latan sâkbia. Bâra mika, upla bani mayunra briaia ba kat, Gâd wina bribia.