Oseas 14:3 - DAWAN BÎLA AISKA

³ Asiria uplika nani sip yang nani ra swaki ai sakras, aras ra uli plapamna kaka sin sip apia. Yang nani mihti ni alki paskri dawanka nani kumi ra sin kli man ba ‘Yang nani Dawanki sma’ wimna apia, kan Dawan, man ra baman sika rau nani ba umpira kaikan lâka ba sakisa.”

Oseas 14:3 ပူးပေါင်းရင်းမြစ်များ

2 Kronikas 16:7

Baha piua nani ra prapit Hananí bâra kata, bara witin king Asá ra wan kaikaia, witinka Juda kingka ba, bara wiaia: “Siria kingka ba suldiarkam nani mihta wina swakwi wan, kan man Siria kingka ra tniwram bamna, sakuna Dawan Gâd ra lika tniwras kapram.

Lawana Nani 10:14

Man bui kaikisma, saura munaia, watawika lâka bri ba; man baha kaikisma, ¡witin nani briaia ba, pana man bui witin nani ra yama! Hilpkas uplika nani ba, ai lâka man mihtam ra mangki swisa; man sika rau takan nani ba hilpka aimakisma.

Lawana Nani 146:3

Upla tara nani ra kasakkam lukan ba mangkpara, witin nani sin upla sa, witin nani sip swaki mai sakras;

Lawana Nani 146:9

Dawan bui tringsar nani ra tâ baiki brisa; rau nani, piarka nani ra sin tâ baikisa; sakuna watawikira nani yabalka lika witin makupisa.

Lawana Nani 33:17

Aras nani karnika ba upla swaki sakaia karnika apia sa; wala kumi ra sip swaki karnika tara brisa, sakuna sip upla swaki sakras.

Lawana Nani 68:5

Gâd ai tempelka holi ra iwi ba, witin sika rau nani aisika ba, bara sin piarka nani ra tâ babaikra ba;

Aiseya 1:29

Usupum dusa nani ra latwan kaikram ba mita, man nani swiram daukbia, dus mâ nasla nani bâk saki briram ba mita sin, bahki mai kulkan kabia, bahara aidul nani ra puram suni katma ba.

Aiseya 2:20

Upla nani gul ni bara silbar ni bahara mayuni kaia paskan ba, aidulka nani ba, baha yua ra, matis nani ra bara sakangki nani ra lulki yaban kabia.

Aiseya 27:9

Sakuna, Jekob watawanka nani ba ban swih tikan kabia, bara naha nani taki ba tilak, witin ai saurka nani daukan ba ban swih tikan kabia: gâdkas nani altarka ba sut sauhki yuya baman daukbia. Kal walpaya akbi ba baku, Aserá lilka baha altarka ra kîa yamni angki yabi ba sut, âpu daukbia.

Aiseya 30:16

panaura man nani wiram: “Apia, kanra yamni yang nani aras ra uli plapamna.” Baha ba mita man nani baku plapma. “Aras plaplapra waginka ra yang nani uli plapamna” wiram. Baha ba mita man nani ninam bliki nani ba sin plaplapra kabia.

Aiseya 30:2

Witin nani istikira Idsip ra auya, sakuna witin nani ba yang bîli wina lika makabi walras; king fero karnika wal ai tâ baikaia dukiara, Idsip tnaya distika ra dimi bîla kaikanka brisa.

Aiseya 31:1

Saura pali kabia Idsip hilpka briaia pliki auya nani ba, bara aras nani ra ai lukanka mangki bri nani ba, bîla kaikanka nani bri nani ba sin, wagin ailal pali bri ba mita, aras âiulra ailal sin, baha mita ban witin nani ba kupia karna sa; Israel Gâd Holikira bâra ba lika kaikras, witin nani Dawan ra sin plikras.

Aiseya 31:3

Idsip uplika nani ba upla sa, gâd apia, ai araska nani ba spirit apia, wîna nani sa; baku bamna Dawan ai mihta sakbia klala yabaia, bara kan kakahbra nani baku sin ai kan kahbi uplika nani sin kauhbia; sim piua ra sut prui tiwbia, sut dring prubia kumi baku.

Aiseya 36:8

Dawanki wal lâ kum dauks, Asiria kingka; bara aras nani 2,000 yang bui man ra maikamna, man sip sma kaka aras âiulra nani yas ulbia.

Jirimaya 49:11

‘Raukam nani ba yang laimara swis, yang main kaiki kamna. Piarkikam nani ba yang ra tniwaia sip sa.’ ”

Isikiel 36:25

Lî klin wal sikbamna, klin daukamna ai tâskika sut ba wina, sunu daukamna aidul nani wal asla kata lâka ba wina;

Isikiel 37:23

Kli tâski takbia apia, aidul saura kulkan nani ra mayuni, saurka sât sât dauki. Yang kasak lâka luha daukan ba wina sut pri sakamna, bara klin daukamna ai saurka wina. Witin nani upliki nani kabia bara yang ai Dawanka.

Oseas 12:1

Efraín ba, pâsa pih ai biara banhwisa: yu aiska, lalma payaska krawi ba ninara auya. Kunin aisi ba kau aisaia, lâ krikanka nani dauki ba kau daukaia lan takisa. Asiria wal lâ nani daukisa ba ra, batana laya prisantka nani, Idsip ra blikisa.”

Oseas 13:2

¡Bara witin takaskras ban saura daukisa! Ai silbarka ba slilki aidul nani paski brisa, baha papaskra nani, nahki paskaia aitani luki ba kat paskisa. Paskan ba ningkara aisisa: “¡Man nani bui witin ra sakripais dauki yas!”, bara upla nani ba baha aidulka nani bîp baku paskan ba ra kiawalisa.

Oseas 14:8

Baha yua ra Efraín aisabia: ‘¿Aidul nani ba dukiara, yang dîa lukamna?’ ¡Yang sika upliki ra wali ban kaiki kamna! Piu bani awas dusa baku sangni ban kamna, bara upliki nani ba, yang wina mâ nani wahbi kabia.”

Oseas 2:17

Baal nina ba, un nani wina dikamni, witin nani kli Baal nani nina mâki aisabia apia.

Oseas 4:12

Upliki nani ba dus gâdka nani ra ai pura sunisa; ai mihta ra dus nani bri ba dusa ni, ai gâdka wal aisaia lan takisa. Ur takaia brinka ba mita taibi brisa, mistik takan nani ba yabalka ra upliki nani ba wapisa: tâski taki, Gâd lama wina taki wan.

Oseas 5:13

“Efraín ai dara walbia, siknis nani ba pat alkan kabia, bara Juda sin ai wîna klahwanka nani ba kaikbia ba ra, Efraín, Asiria kingka tara ra wabia witin hilp makabaia, sakuna king ba sip witin nani ai sikniska ai wîna sukwanka nani ba rakbia apia.

Oseas 7:11

Efraín ba, butku sinska tikan baku sa, sins lâka âpu. Idsip ra hilp makabisa, Asiria ra sin hilp plikisa...

Oseas 8:9

Asiria ra hilpka briaia wan, biriku wail kum kupia karna ba baku. ¡Efraín lika prisant nani yan, ai latwankira nani atki briaia!

Jona 2:10

Bara Dawan mita ban baku daukan, inska tara ba Jona bri si ai bîlak aikabi sakaia kabu un ra.

Sakaraya 13:2

Bara naha kuntrika aiska ra gâd bahki nani ba nina ba kat sin sut sauhki tikamni, ban baha nani nina ra ai pura suni kaia apia dukiara. Prapit nani lukan tâski bri nani ba sut, naha kuntrika wina sakamna. Yang, Dawan, naha aisisna.

Jan 14:18

“Yang bui man nani ba, ban lulki mai swimna apia; kli balamni man nani wal kaia dukiara.

Kli Smalkanka 17:16

Sakuna baha kingka, aras ailal briaia apia, Idsip ra sin upla kau blikaia apia, aras âiulra kau want kabia tâwan, kan Dawan aisin: ‘Naha yabalka ra kli tawpara.’