Oseas 14:2 - DAWAN BÎLA AISKA

² Man nani lika Dawan ra kli tawi bal, bara naku witin ra puram suns: “Yang nani watawi daukri ba sut ban ai kulkpara, bara man ra mamyuni makabi puri suni banhwisna na, kupiam yamni lâka ra bris.

Oseas 14:2 ပူးပေါင်းရင်းမြစ်များ

2 Samuil 12:13

Debit ba Natán mawan ra win, rait witin saura daukan: —Dawan mapara yang saura daukri. Bara Natán pana witin ra win: —Man saurkam ba dukiara Dawan bui man ra klala maikbia apia, man sin pruma apia.

2 Samuil 24:10

Sakuna upla sut kulki kaikan ba ningkara, Debit lika witin pâtkira ai dara walan bara Dawan ra ai dahra sakan: —Dawan, yang bui man ra puri sunisni. Upla kulki kaikri ba yang saura tara pali daukri, mamkabisni albikam na ban saurka swi tiks, upla sinskas kum baku yang daukri.

Job 7:21

¿Saurki ba ban sip swih tikras sma ki? ¿Watawi daukri ba sip pâtki swih tikras sma ki? Pat pali tasba yamhpuska tilara prawi kamna; ai plikma ba ra, âpu kamna.

Lawana Nani 119:108

Dawan, prisant nani yang bîli wina maikisna ba bris, bara man lâmka nani aisi daukram ba ai smalks.

Lawana Nani 50:14

¡Tingki wiaia lâka ba, Gâd ra prisantka yas; Laih Purara ba ra pain kulkan yaia pramiskam ba yas!

Lawana Nani 51:16

Man prisant nani brin mai daukras; daiwan wîna aiska ba sin apia; maikamna kra, sakuna baha man yamni kaikras sma.

Lawana Nani 51:17

Wan spiritka kriwan ba sika, Gâd ra prisant yaia; Gâd, man upla ba ai kupia wirha bawikira mai pliki ba, man sip lulki swima apia.

Aiseya 44:22

Maipara buanka nani man daukram ba sut yang slingbi tikri, mukus kum awi tiwi ba baku. Kli yang ra tawi bal, kan yang atki mai sakri bamna.”

Aiseya 6:7

witin baha ni bîli kat kangban, bara ai win: “Kaiks, naha unam ra kangban, bara saurkam ba man wina sakan sa bara saurkam ba ban swih tikan sa.”

Jirimaya 3:12

Man was bara mamwan yahbra tani ra kaiki naha bîla aisisna na wis: ‘Dawan kasak aisisa: ¡Israel maipara babura, kli yang ra tawi bal! Lawi mai daukamna apia, kupi baiki ban kamna apia, yang kupi yamni sa. Yang, Dawan, kasak aisisna.

Oseas 12:7

Dawan ba aisisa: “Kenan ai mihta ra implikaia paunka ba brisa, kan witin lika upla ra implikaia lihki bamna.

Oseas 5:5

Israel uba tara takan, sakuna ai daukanka ba kli, witin ai mapara aisisa; Efraín ai watawika lâka daukan ba ra, kli ai mina prukisa, ¡bara Juda sin witin aikuki bahara ai mina prukbia!

Oseas 6:6

Yang bui man nani wina brin ai dauki ba sika, man nani latwan ai kaikma, sakripais nani dauki aikisma ba lika apia; Gâdkam baku ai kakaira taks, bara man nani daiwan aiska angki aikisma ba lika apia.

Joel 2:17

Prîs nani, Dawan dukia dadaukra nani, ini banhs, bara tempel ra dimi waia bîla bara altar ba wal lila kat bûi, naku wis: “Dawan, uplikam nani pâtka na ban kulkpara; swirka upla wala nani mita uplikam nani ra ban lawaska kiki kabiara; swirka nisan wala nani ba mita, pura wihtka aimaki kabiara, upla idan nani ba sin aisabiara: ‘¿Man nani Dawankam ba anira sa?’ ”

Jona 2:9

sakuna yang lika, tingki mai wiaia sakripaiska ba dauki maikamni; dîa dauki maikaia mai wîri ba daukamna. ¡Dawan, man baman upla swaki sakaia sip sma!”

Sakaraya 3:4

Bamna insal ba ai walka nani ra win, Jasua kwalka tâski ba daikbia. Daikan, bara Jasua ra win: “Kaiks naha tânka sika saurkam ba man wina sakri, ¡nanara kwala pranakira maikaia sna!”

Matiu 7:11

Kan man nani ba saurakira sma sakuna luhpiam nani ra diara yamni nani yabaia ba kaikisma, ¡kau pali kasbrika purara ba diara yamni nani yabia, ya ya witin ra makabia ba ra!

Luk 11:13

Man nani upla saura, ban sakuna luhpiam nani ra diara pain nani yaia nu sma, ¡kau pali Aisikam kasbrika purara ba Spirit Holikira yabia, baha nani witin ra makabia ba ra!

Luk 18:13

Sakuna lal mana sasakra Rom ra yaia ba laihura bûi kan, ai lal buki kasbrika pura tani ra sin sip tawi kaikras kan, ban sakuna witin ai lama pruki, naku aisin: ‘¡Gâd, umpira ai kaiks, yang lika upla saura sna na!’

Jan 1:29

Yaprika wala, Jan kaikan Jisas witin ra aula kan, bamna upla nani ra naku win: “Kaiks man nani, naha waitnika aula na sika Gâd Sîpka Luhpia, naha tasba saurka bri saki ba.

Roman 11:27

Bara naha sika yang bui witin nani wal lâ daukri ba, yang bui witin nani saurka ba sut sakamna ba ra.”

2 Timoti 1:9

Gâd mita swaki wan saki wan paiwan sa, witin uplika nani pali takbia dukiara, yawan dîa daukan ba mita lika apia, sakuna witin baku pali want kan bamna, bara yawan Jisas Kraist wal asla ba mita latwan wan kaikan bamna. Kau tasba paskras kan wina, Gâd mita latwan wan kaikan,

Taitus 2:14

Witin ai wîna tara ba yawan tâwan prura mihta ra mangkan, saurka sut swaki sakan, yawan na aiska pali klin wan dauki, witin ai dukia kabia wisi. Bara wark yamni nani sin kasak pali dauki kabia dukiara klin wan daukan.

Hibru Nani 10:4

kan bîp wainhka nani bara guts lupia nani tâlia ba, upla saurka nani sip brih sakras pali sa.

Hibru Nani 13:15

Baha mita, piu bani Jisas Kraist bâk yawan bui Gâd ra mayunra yabaia sa. Naha mayunra sika yawan sakripais dauki yabaia ba; tânka ba lika, wan bîla baikra nani wal ai nina ba mayunaia.

1 Pita 2:5

Naha natka ra, Gâd bui man nani ra, walpa rayakira nani baku, spirit tempelka kum mai daukbia, prîs holikira nani, Jisas Kraist bâk spirit sakripaiska nani dauki yaia, Gâd ra yamni kabia.

1 Pita 2:9

Sakuna man nani sika kiamka kumi bâk saki brin ba, king prîska nani ba, nisan holikira kum, Gâd uplika nani pali. Bara baha ba baku sa, man nani bui Gâd warkka aihkakira nani ba saki aisama dukiara, witinka mita man nani tihmu tila wina saki, ai ingnika aihka painkira ra dimma wisi mai paiwan ba.

1 Jan 1:7

Sakuna yawan ingni ra takaskisa kaka, sim Gâd ingni ra ba baku, yawan lika pana pana wan walka wal asla pali sa, bara Gâd Luhpia Jisas Kraist tâlia mita, wan saurka nani sut wina klin wan sakan sa.

1 Jan 3:5

Man nani pain kaikisma, Jisas Kraist naha tasba ra balan wan saurka nani ba pri sakaia, bara witin ra lika saurka âpu pali sa.