Oseas 13:6 - DAWAN BÎLA AISKA

⁶ “Sakuna man nani plun puram lui briram ba ra, kupiam lukra ba aibanhwan uba tara takan bara âmya ai tikram.

Oseas 13:6 ပူးပေါင်းရင်းမြစ်များ

Nihimaya 9:35

Witin nani daukaia kan ba watlika ra, ai kingka tasbaya ra ai dukia kukanka nani, tasba tara disang witin nani ai mihta ra yabram ba brin, sakuna witin nani man mamyunra daukras kan, baku sin ai yabalka saura ba wina sip kli tawi balras kan.

Lawana Nani 10:4

Ai kakma snungki lawi bara aisisa: “Gâd âpu. Dîa daukisna ba ya mita maikabi walaia âpu sa.” Baha baman witin lukisa.

Sins Lâka 30:9

Kan yang brinki ba pura lui brimna kaka, bara mai kulkras naku mai wimna: “¿Dawan ba ya sa ki?” Apia kra diara luha kamna kaka, upla dukia alkamna bara alkamna ra; Dawanki, ninam sin lahtubi aisamnara sîa.

Aiseya 17:10

Kan mai swaki mai sakan Gâdka ba man âmya tikram ba mita, man yukuwaikam walpaya ba dukiara kupiam kraukras kapram ba mita. Kiamka painkira mangkram giadin pranakira, bara Gâd tringsar kum ra pain kulkanka yabaia warkka daukram.

Jirimaya 5:7

Dawan naku aisisa: “¿Naha pâtka nani sut na nahki ban swih tikamna? Man luhpiam nani ba lulki ai swin, bara gâd apia nani ba mayunisa. Yang bui witin nani ra plun ailal pali yabri, sakuna witin nani lika yang wal wapni apia kan, witin nani sut aiska ba ur tatakra takan.

Isikiel 23:35

“Baha mita, yang Dawan sna ba, naku wisni: Man bui yang ra âmya ai tikram bara ninam ba yang ra lakram, bamna klala pât nani ba wahwaia sma uba pri kaia bara ur takaia lâka briram ba mita.”

Isikiel 28:5

Diara âiatkra sip kaia lâka ba wal, yuyakam nani ba ailal pali daukram, bara yuyakam nani ba mita aimayunra mai daukan.

Oseas 10:1

Israel ba, wain kiwka ra mâ ailal pali alkan ba baku sa; witin nani ba kau ailal alki kan ba ra, altar nani sin kau ailal paski kan; tasbaya kau painkira taki kan ba ra ai gâdka bahki nani walpaya ba sin, kau pranakira paski kan.

Oseas 12:8

Efraín aisisa: ‘¡Âu, yang yuyakira takri, kan yang sans pain pali kum wal prawri; sakuna upla kumi sin sip daihra aisabia apia naha dukia nani brisna na saura dauki natka bâk saki briri!’

Oseas 2:13

Piua luan ra, witin nani kîa yamni angki, gâd bahki nani ra yabi kan ba mana klala yabaisna, mihtadingka nani, lilura nani ni ai prana dauki, ai waitnika latwankira nani nina bliki kan, yang ra ai âuya ai tiki si. Yang Dawan, baha kasak aisisna.

Oseas 2:7

Ai waitnika latwankira nani nina blîkbia, sakuna sip bliki alkbia apia; plikbia, sakuna sip pliki sâkbia apia. Bara witin aisabia: ‘Mayi almuk ra kli tawi wamni, witin wal kapri, kau pain ai bri kan.’

Oseas 4:6

Yang upliki nani sip lâ tânka kaikras, baha mita baku sauhkan sa. Bara prîs man, tânka briaia lâka ba lulki swiram bamna, prîski kaia mai mangkri lâka ba wina, yang sin mai lulkisna. Gâdkam lâka smalkanka nani âmya tikisma bamna, yang sin man kiamkam nani ba âiya tikamna.

Oseas 4:7

“Prîs nani kau ailal takan ba ra, saurka lâka sin kau ailal maipara daukan; baha mita witin nani ra yamni kulkaia lâka ba, swira daukaia lâka ra lakamna.

Oseas 5:14

Layan kum daiwan ra alki ba baku, yang Efraín bara Juda ra alkamna; yang bui witin nani ba alki, yuya man dauki si swih mahka wamna; witin nani ba raski brih wamna, bara upla wala âpu kabia, yang wina dakbi sakaia.

Oseas 7:14

witin nani ai krikrika ra aitniki karna winisa sakuna, ai lukanka pali wina yang ra ai pura sunras. Witin nani plawar, wain briaia dukiara ai pura suni ba ra, ai lukanka ra insauhkisa; ¡sakuna witin nani, yang maipara buan!

Oseas 8:14

Israel utla tara nani mâkisa, sakuna ai Papaskra ba ai âuya tikisa. Juda tawan tara karnakira nani ailal paskisa, sakuna baha nani yang pauta klauhan kumi ra angkamna, watla tara nani ba sut ambia.”

Oseas 8:4

“Witin nani ba yang ra walras, ai kupia lâka kat ai kingka nani ba mangkan; witin nani wihta nani sin mangkan, sakuna yang ra ai wiras. Witin nani gul, silbar nani sin aidul nani paskaia brin, ai paskanka nani ba wal, kli slingwi tiwaia.

Kli Smalkanka 32:18

“Israel, aisikam bara kainam kakahbra ba âmya tikram; rayakam maikan Gâdka ra âmya tikram.