Oseas 12:2 - DAWAN BÎLA AISKA

² Dawan bui Israel ra blahwanka kum ra dingkan sa. Jekob kiamka ba klala yabaisa, witin nani ai lâka bri ba tâwan; witin dîa daukan ba kat mana aibapaisa.

Oseas 12:2 ပူးပေါင်းရင်းမြစ်များ

2 King Nani 17:4

Sakuna Salmanasar ai adar walan Oseas yukuwan ra ai mapara diara daukaia luki kan ba, bara upla nani kum kum saki Idsip kingka So ra blikan, baha purkara lal mana aibapras kan mani bani aibapi kan mânka ba. Bamna Salmanasar adar yan Oseas ba alki silak ra mangkbia wisi;

Lawana Nani 78:36

Ban sakuna, ai bîla bara ai twisa ni kunin painkira aisi kata,

Smasmalkra 5:15

Bara nahki naha tasba ra balan ba baku, ai yapti biara wina balan ba baku wabia, kwala luha, ai mihta warkka mana brih waras pali.

Aiseya 10:12

Sakuna Dawan ba, dîa witin Saion ilka bara Jerusalem wal ra daukaia ba daukbia ningkara, Asiria kingka ra klala yabia, naha warkka saura dauki ba tâka, witin ai kupia prautka lâka, ai nakra prautka lâka ni ai walka nani ra kaiki ai prana bri ba.

Aiseya 10:6

Tawan kum Dawan ra lukras ba mapara aiklabaia witin ba blikisna, nisan kum ra kupi baiki ba, dukia nani ba impliki sut mihta dakbaia dukiara, witin nani ba alki taibaia slaubla yabal ra wan mina ra taibi ba baku.

Aiseya 24:21

Baha yua ra ban takbia, aiklaklabra daknika kasbrika purara bâra ba, tasba kingka nani tasba ba sut Dawan mita klala yabia.

Aiseya 3:11

¡Saura pali kabia watawikira ba dukiara, witin nani saura ra wabia! Ai mihta warkka nani mana ba praiska kat, Gâd bui witin nani ra aibapan kabia.

Aiseya 30:6

Négueb daiwra nani dahra aisin ba: Pât nani tasbaya ba banhkisa, layan nani ahbi ba bâra iwisa, piuta nani daiwan saura nani pâli tauki nani ba bâra sa diara nani bri ba diara kuki brin nani ba baha nani bal biriku ra bara kiamil ra prahki Idsip ra kwahkisa, diara sip daukras uplika nani ba,

Aiseya 59:18

Dawan mita upla kumi bani ra dîa daukan ba praiska kat mana aibapbia; ai waihla nani ra klala yabia; witin ra misbara kaiki nani ba mana dîa briaia ba kat yabia; kabu un ra iwi kuntrika nani ba ra sin.

Jirimaya 25:31

Binka tara ba tasba aiska kir ra auya, kan Dawan nisan nani mapara diara daukuya ba kahbi auya pruikira nani ba sut lâ ra paiwaia, watawikira nani pruaia pâtka ra lakaia. Dawan baku kasak aisisa.’ ”

Oseas 2:13

Piua luan ra, witin nani kîa yamni angki, gâd bahki nani ra yabi kan ba mana klala yabaisna, mihtadingka nani, lilura nani ni ai prana dauki, ai waitnika latwankira nani nina bliki kan, yang ra ai âuya ai tiki si. Yang Dawan, baha kasak aisisna.

Oseas 4:1

Israel luhpia nani, Dawan aisi na man nani wals. Naha kuntrika ra iwi uplika nani mapara witin mita unsaban bukan sa, kan uplika nani na ai tilara wapni lâka daukras sa. Kasakka lâka âpu, Gâd tânka kaikaia tânka sin âpu sa.

Oseas 4:9

Bahamna upliki nani ba, prîs nani ba sut kumi ra baku, klala yabamna, witin nani ai daukanka saura ba mita.

Oseas 7:1

upliki nani sikniska ba sîka yuki rakaia lukuna ba ra, Efraín bara Sameria ra, witin nani saura dauki watawika nani ba, baiwi param takisa. Kan witin nani sut kunin aisaia lan takisa; âimplikra nani baku, utla nani ra dimisa, yabalka kat upla nani ra implikisa.

Oseas 7:11

Efraín ba, butku sinska tikan baku sa, sins lâka âpu. Idsip ra hilp makabisa, Asiria ra sin hilp plikisa...

Oseas 7:2

Witin nani luki kaikras sa watawika lâka nani dauki ba, yang kupi ra brisna. Nanara witin nani ai daukanka nani daukan ba mita, ai tnaya kir kutbisa, daukanka nani ba naikra ra ban bâra sa.

Oseas 8:10

Sakuna nisan nani tilara, prisant nani yaban kabia sin, nanara yang auna munrika swih plapaia bara piua kum witin nani ra yabamna, king nani bara wihta nani âpu kaia ba.

Oseas 8:13

Witin nani sika sakripais nani ba lihkisa, bara sakripais daukisa, bara wîna nani sakripais dauki ba wina pîsa; sakuna yang, Dawan, witin nani wal âiyapah apia sna: watawika lâka nani daukan ba luki ban kamna. Witin nani ba klala yabamna bara kli Idsip ra tawi waia daukamni.

Oseas 8:9

Asiria ra hilpka briaia wan, biriku wail kum kupia karna ba baku. ¡Efraín lika prisant nani yan, ai latwankira nani atki briaia!

Oseas 9:15

Dawan aisisa: “Witin nani Guilgal ra wan ba wina mahka saura nani sut ba daukisa, bara baha wina, yang bui witin nani ra misbara kaikisna. Diara watawi nani witin nani dauki ba tâwan yang waitla bîla wina kangbi sakaisna; ban latwan kaiki kamna apia, kan wihta nani ba sut maipara babura nani taki ba mita.

Oseas 9:9

Man nani aisawan pali takram, Guibeá yua nani ra takan kan ba baku. Sakuna witin nani watawi daukan ba dukiara Dawan lukbia, bara saurka nani mana klala yabia.

Emus 2:4

Dawan naku aisisa: “Juda uplika nani saura ailal pali daukan, bamna yang bui witin nani ba sip klala yabras ban swimna apia; kan witin nani Dawan lâka ba bahki kulkan, Dawan ai lâka daukaia yan ba witin nani brih, daukras swin, kau ni aidul nani ra mayunan, witin nani ai aisika mayunan kata aidulka nani ra.

Miqueas 6:2

Il tara nani, tasba playka karnika bapanka nani sin, Dawan lâ aisi dauki ba man nani wals; Dawan lika ai uplika nani mapara lâ aisi daukaia brisa, Israel mapara karna blahwaia sin brisa.

Matiu 16:27

Kan Upla Luhpia Waitna ba ai Aisika prana ra ai insalka nani kira balbia ba ra, upla bani ra dîa daukan ba mana aibapbia.

Roman 2:6

baha yua ra Gâd upla bani dîa daukan ba kat mana yabia.

Galesha 6:7

Man nani lukankam ra kunin munpara: upla âpu sa Gâd ra lawaska kikaia. Upla mita dîa mangki ba baha sika krikbia.