Oseas 12:10 - DAWAN BÎLA AISKA

¹⁰ “Yang mita prapit nani ra aisari bara diara nani bal takaia lilka ba ailal marikri, witin nani aisinka bâk dahra praki aisaia bîla nani manis aisari.

Oseas 12:10 ပူးပေါင်းရင်းမြစ်များ

1 King Nani 13:1

Jeroboam ba Betel ra kîa yamni dauki dukia nani altar purara angki kan, bara Dawan mita prapit kum blikan Juda wina Betel ra;

1 King Nani 17:1

Prapit Ilayas Tisbé tawanka wina, Galaad tasbaya pîska ba wina kan ba, Ahab ra win: “¡Israel Dawan Gâdka raya iwi ba nina ra swer takisna, witinka dukia daukisna ba, lî auhbia apia, diwas laya sin âpu kabia naha manka nani ra, yang bui wimna ba kat!”

1 King Nani 19:10

Witin pana win: “Dawan, daihra walri, Dawan karnika sut alki brisma ba tâwan uya pali lawri sa, kan Israel luhpia nani man lâmka ba swin, bara altarkam nani sut batakan, bara prapit nani sut sin ikan sord ni. Bara yang baman takaskri, bara ai plikisa rayaki na sakaia dukiara.”

2 King Nani 17:13

Pat Dawan mita prapit nani bara baku sin diara kakaira nani bâk, Israel uplika ra kupia kraukan witin nani ai yabalka saura ba wina tawi bal witin lâka bîla yaban ba alki daukbia, bara ai adarka nani witin nani damika nani ra smalki yaban ba ai dukia dadaukra prapit nani bâk.

Nihimaya 9:30

Witin nani wal man kasak pali kupiam alki takaskram mani nani ailal; bara man spiritkam ni prapitkam nani bâk, witin nani ra aisaram; sakuna witin nani man ra walras kan; baha mita man bui witin nani ba baha tasbaika uplika nani mihta ra mangkram.

Impakan Sturka 20:2

“Yang sika man Dawan Gâdkam, Idsip tasbaya ra alba kapram ba wina mai sakri ba.

Jirimaya 19:1

Dawan bui ai win: “Was bara lî watla kum slaubla ni paskan ba atks, bara tila tawan uplika almuk nani ba, prîs almuk nani ba sin paiws.

Jirimaya 19:10

“Baha sut wina ningkara, upla nani man wal bâra mai kaiki kabia ba mawanra, sumikam ba brih ki yuya sirpi dauks,

Jirimaya 25:4

Baha sut ban sakuna, Dawan ba aima kum kli aima wâl ra sin, ai dukia dadaukra, ai prapitka nani ba man nani ra blikan, man nani bui witin nani ra walras, aisi ba sin walan mai daukras bara bîla wali sin daukras.

Jirimaya 7:25

Man nani damikam nani Idsip wina takan ba yua wina naiwa kat, prapitki nani duki dadaukra nani ba man nani ra kum blikri ba ninara wala nani bliki ban sna.

Isikiel 17:2

“Man upla luhpia, Israel luhpia ra prakanka bîla kum wal aisas,

Isikiel 20:49

Yang bui witin ra pana wîri: “¡Alai, Dawan, upla nani aisi taukisa yang lika upla tânka briras sturka baman aisi taukisna!”

Oseas 13:4

Dawan aisisa: “Yang, Dawan, yang lika man Gâdkam ban sna Idsip tasbaya ra kapram ba yua wina: Yang tnaiya ra Gâd wala, yang baku man kaikma apia, sakuna yang baman lika, kan yang baman sna, man swaki sasakrikam.

Oseas 3:1

Dawan kli bal ai win: “Man was bara mairin kum ra laik taks, pâmnika mairka pali, bara ai maya nakra praprakra ba. Dawan bui Israel luhpia nani ra baku latwan kaikisa. Witin nani bui kakaira apia uplika nani gâdka ra wan sakuna, bara dus mâ lupia nani, lâki muni britka yaban pîsa.”

Joel 2:28

“Naha diara nani ba sut ba bal taki lubia ba ningkara, spiritki ba tasba uplika nani sut purara iwaia blikamna; luhpiam waitna nani bara luhpiam mairin nani sin Gâd dahra aisi kabia, almuk nani yaprisauhkan kaikbia, wahma bara tiara nani sin, naika diara aihka kaikbia.

Libait Lâka 23:42

Baha yu 7 nani ba, man nani Israel luhpia nani sut baha utla papakni nani ra dimi kama.

Emus 7:14

Sakuna Emus pana Amasías ra naku win: —Yang sika prapit apia, bara sin lukras sna baku kaia. Yang lika sepad, daiwan nani aihwaki kakaira sna, kwah dusa unta ra pâwi nani ba mâ nani wahbi taukisna ba wina rayaki brisna.

Kulki Kaikanka 12:6

Bara Dawan bui witin nani ra naku win: “Man nani ra yang aisisna na wals: Man nani tilamra prapit bâra ba piua ra, yang lika witin ra param taki aisisna, diara aihka kaiki bâk.

Apastil Nani Sturka 2:17

‘Gâd bila: Tnata yua nani ra naku daukamna: Yang Spiritki ba upla bani purara laikamni, bamna luhpiam waitna nani bara luhpiam mairin nani ba sin, yang witniski aisabia; wahma nani sin diara aihka kaikbia, almuk nani lika yaprisauhkan kaikbia.

2 Korint 12:1

Diara kumi sin hilp sakras upla kum witin yakan ai dukiara diara aisaia tânka ba wina, bamna kanra pain kabia diara aihka nani bara param kaikri dukia nani Dawan ai marikan nani ba aisaia.

2 Korint 12:7

Diara nani param kaikri ba lika diara aihka pali kan, baha mita yang sip maiyunamna apia, wîni ra latwan kum aikan kata sin wîni tara ra kiaya kum ai diman ba baku, bara baha lika Sitan warkka baku balan kan wîni tara ra rausauhkaia.