Oseas 11:12 - DAWAN BÎLA AISKA

¹² “Efraín kuninka lâka nani ba mita kutbi kir ai brisa; Israel luhpia nani kunin aisi ba, kuninka mita ai kutban sa. Juda ba Dawan wina dakwi takan, bara nanara aidul nani aikuki lika wapni pali sa.

Oseas 11:12 ပူးပေါင်းရင်းမြစ်များ

Blasi Sturka 2:11

Awalka pas nina ba Pisón mâkan; baha sika Havilá tasbaya aiska kir tawi ba, bamna bahara gul bâra sa.

Blasi Sturka 32:28

—Ninam Jekob ba, ban baku mâki kabia apia. Nanara wina man ninam ba Israel mâkan kabia, kan Gâd wal bara upla wal sin aitwaki man ban pura luram bamna.

Lawana Nani 78:36

Ban sakuna, ai bîla bara ai twisa ni kunin painkira aisi kata,

Aiseya 29:13

Dawan bui ai win: “Dîa muni naha uplika nani ai aisinka ni baman laimara balisa, ai un nani ni, yamni kulkan lâka aikisa, sakuna witin nani ai kupia ba yang wina laihura sa, mayunra dauki ba waitna nani ai lâka kum kulkaia smalki yan ba kulki ba baku daukisa, ai sinska kat lan taki muni.

Aiseya 44:20

Kasak pali sika, yamhpus piaia baku, lukanka bahki ni ai kupia ra kunin munan baha uplika nani sip swak takras kabia. Sip ai dahra wali luki kaikras, ai mihta ra alki ba diara bahki ba.

Oseas 10:13

Sakuna man nani lika, watawika lâka mâ nani mangkram bara watawika lâka mâ nani dakbram bara man nani kunin aisaia mâ nani piram. “War waginka nani brisma bara karnikam brisma lukram ba mita war aiklaklabra ailal brisma ba ra sin,

Oseas 12:1

Efraín ba, pâsa pih ai biara banhwisa: yu aiska, lalma payaska krawi ba ninara auya. Kunin aisi ba kau aisaia, lâ krikanka nani dauki ba kau daukaia lan takisa. Asiria wal lâ nani daukisa ba ra, batana laya prisantka nani, Idsip ra blikisa.”

Oseas 12:7

Dawan ba aisisa: “Kenan ai mihta ra implikaia paunka ba brisa, kan witin lika upla ra implikaia lihki bamna.

Oseas 4:15

“Israel, man rug lâka daukisma kaka, Juda pan saura daukbiara. Man nani Guilgal ra wapara, Bet-avén ra sin uli wapara. ¡Dawan nina ra, diara daukaia swer takpara, Dawan raya sa bamna!

Oseas 4:2

Sakuna kunin aisi swer taki aisaia lâka lika banhwan, upla ikaia, implikaia, upla maya yapaia, lâ nani ba krikaia lâka lika, pura luisa. Upla iki ba takaskras ban sa.

Oseas 7:16

Witin nani aidul nani ra tawi wan; witin nani trisba warha kum baku sa, mark ra sabaia lulki ba kat sabras. Upla ra swira dauki bîla nani aisin tâka, wihta tara nani ba sut sord ra prubia, bara Idsip uplika nani ai lawaska kikbia.

Oseas 7:3

“Upliki nani watawika lâka dauki, kunin aisi ba, king bara wihta nani sut baha wal lilia takisa.

Miqueas 6:12

Yuyakira nani naha tawanka ra iwi ba upla umpira nani ra tataibra pali man sa; kuninkira nani bara upla ra kunin mamunra baman nahara iwisa.

1 Korint 6:2

¿Man nani kaikras sma ki, Gâd uplika nani mita tasba na lâka daukbia sa? ¿Bara man nani mita naha tasba na lâka daukaisma kaka, naha bisniska sirpi lupia nani na lâka daukaia sip apia sma ki?

Param Marikanka 1:6

bara yawan na king tasbaya kum bara prîs nani sin wan daukan sa, ai Aisika Gâd warkka daukbia. ¡Bamna prana ba bara karnika ba sin, ban kaia ra witin dukia kabia! Baku kabia.

Param Marikanka 3:21

Ya ya sip muni pura lubia ba, yang king iwaiki ra plis kum yabamna, yang wal iwaia, sim yang mita pura lui Aisiki wal ai king iwaika ra iwisna ba baku.

Param Marikanka 5:10

Witin nani ba wal king tasbaya kum prîs nani daukram, wan Gâdka warkka daukaia dukiara, witin nani tasba ra karnika alki bri kaia.”