Oseas 10:8 - DAWAN BÎLA AISKA

⁸ Idan nani ai pura sunaia watla nani mâkan ba, sauhki tikbia, bahara Israel luhpia nani saura dauki kan ba. Altarka nani ba purara kiaya kiwka, kiaya dusa nani pâwbia, bara upla nani ba il tara nani ra wibia: “¡Yang nani puri biks!”, il purara pali nani ba ra wibia: “¡Man nani, yang nani purira bal kauhs!”

Oseas 10:8 ပူးပေါင်းရင်းမြစ်များ

Blasi Sturka 3:8

Bara witin nani walan, Dawan Gâd giadin ra tutni ra payaska krawi ba tilara tauki kan; bara upla ba ai maya wal, Dawan Gâd mawan wina giadin dusa nani tilara yukuwan.

1 King Nani 13:2

bara Dawan adarka ba mita, ai bîla baikra karna wal altar ba mapara aisin: “Altar, altar: Dawan naku wisa: ‘Debit kiamka wina tukta waitna kumi aisubi takbia, ai nina ba Josías mâkbia, idan nani ai pura suni ba watla ra prîs nani bâra ba witin mita baha nani ba man puramra sakripais daukbia, man puramra kîa yamni ba sin angkbia, upla dusa nani sin witin bui man puramra angkbia.’ ”

1 King Nani 13:34

Bara Jeroboam naha saurka daukan ba mita, ai kiamka nani bara witin sin tasba wina âpu daukan.

1 King Nani 14:16

Bara Dawan bui Israel ba mihta ra mangkan kabia, Jeroboam saurka tâwan, witinka saura pali daukan bara Israel ra sin yan saura daukaia.

2 King Nani 23:15

Baku sin sakripais daukaia pliska ba ra, Dawan wal aisaia watla Betel ra mâkan kata ba, Jeroboam, Nabat luhpia Israel ra yaban saura daukan ba, Josías mita kaiki âpu daukan ba ra angki sut tikan, Aserá lilka nani bâra kan ba sin.

2 Kronikas 31:1

Baha sut dauki luan ba ra, Israel luhpia nani bâra kata ba sut Juda tawanka nani ra wan, bara walpa ni lilka nani dauki bri kata ba sut kriki tikan, Aserá lilka nani ba krikan, idan gâd bahki holi pliska kata ba sin, baha dukia nani Juda ra bara Benjamín ra sin sut âpu daukan, baku sin Efraín ra bara Manasés ra kata ba, baha ningkara Israel luhpia nani kumi bani ai tawanka ra kli tawi wan.

Aiseya 2:19

Dawan bal tasba aiska na sirang ikbia, bara walpa tara baiwanka nani ra upla nani ba dimbia, tasba untika nani ra sin; sibrinkira Dawan mawan wina yukuwbia, ai mawan ingnika ba wina sin.

Aiseya 2:21

Witin nani walpa tara baiwanka nani ra dimbia, walpa tara klukia ra, sibrin tara ba mita, Dawan mawan wina yukuwbia, ai mawan ingnika ba wina sin, witin bal tasba na sirang ikbia ba ra.

Aiseya 32:13

Yang upliki nani tasbaya purara, kiaya bara rahra nani pâwbia, tawan tara ra, utla nani kau liliakira nani kan ba purara sin.

Aiseya 34:13

Kingka watla nani ra kiaya pâwbia, wahia kiaikira dusa nani sin pâwbia ai kan kahbaika pliska nani ra; bara yul wail nani iwaika watla kabia, bara daiwan pâlras tara nani luhpia watla latka kabia.

Oseas 10:2

Israel ai lukanka wâl brisa, bara nanara saura daukan ba mana ba aibapaisa. Dawan bal ai altarka nani ba slingbi tikbia, bara ai gâdka bahki nani altarka walpaya nani paskan ba sin slingbi tikbia.

Oseas 10:5

Sameria uplika nani tatatwisa; Bet-avén ra ai bîpka lupia bri ba tiwuya ba dukiara inisa. Upla nani ba, prîs nani ba bîpka lupia ba pura mata inisa, ai prana ba lap tiwan bamna.

Oseas 10:9

Dawan aisisa: “Israel Guibeá ra wih saura daukan ba wina baha saurka swira dauki ban sa. ¡Ai saurka ra ban iwisa! Baha mita war ba Guibeá ra baha watawikira nani ba ra alkbia.

Oseas 2:6

“Baha mita ai yabalka ba, kiaya nani ni prakamni bara kaina kir kutbamna, bara ai yabalka nani ba pliki sâkbia apia.

Oseas 4:13

Il nani bahna ra, il sirpi nani purara witin nani kîa yamni angki sakripais prisant nani yabisa, usupum dusa nani, usupum sâtka dusa nani distika ra sin wih, baku daukisa. Baha mita sika luhpiam mairin nani, rug mairin takan ba, mulam yapti nani sin, ai maya lâka kriki ba.

Oseas 4:15

“Israel, man rug lâka daukisma kaka, Juda pan saura daukbiara. Man nani Guilgal ra wapara, Bet-avén ra sin uli wapara. ¡Dawan nina ra, diara daukaia swer takpara, Dawan raya sa bamna!

Oseas 5:8

¡War aiklabaia puhbaika aringka ba, Guibeá ra puhbi banhs, bara Ramá ra trumpit ba puhs! ¡Bet-avén ra bin tara dauks! ¡Benjamín ra bin tanis pali dauks!

Oseas 8:5

¡Sameria, baha bîpka lilka lupia ra, yang misbara kaikisna ba ra, man puram sunisma! Bîpka ba mapara kupi baiwanka ba lapta pali takan sa. ¿Baha tâskika ba wina, Israel luhpia nani ba ahkia kat klin takbia ki? ¡Baha Sameria bîpka lilka lupia ba, Gâd apia! Baha lika diara papaskra kum mita paskan, bara yu kum yuya man krikan kabia.

Oseas 9:6

Witin nani ra sauhki tikan kabia ba wina plapan; Idsip witin nani ba bribia, bara Menfis raitika ra bikan kabia. Silbarka kukanka nani ba purara, inma nani pâwbia, bara ai kiampka ra iwan ba tasbaya ra, kiaya nani pâwbia.

Emus 1:5

Damaskus tawanka getka nani ba, yang karniki wal bukutbamna, bara Bicat-avén ra king aimaki ba sauhki tikamna, Bet-edén ra wihta tara aimaki ba ra sin sauhkamna, bara Siria uplika nani ba alki, Quir tawanka ra brih wan kabia silak ra mangkaia.” Dawan naku aisisa.

Emus 3:14

kan Israel luhpia nani saurka daukan ba tâwan yang klala yabaia buamna bara Betel altarka nani sut ba sauhki tikamna; altarka ra aringka nani bri ba sin klakamna bara tasba ra kauhbia.

Emus 7:9

Dawan ra mayunaia watla Aisak dukia nani ba sut slingban kabia, bara Israel tempelka nani ba sin sauhki tikan kabia. ¡Jeroboam taika nani mapara war aiklabaia sordka ba bukamna!

Emus 8:14

Baha nani, Sameria uplika gâdka bahki nani ra luki tniwi swer taki aisi nani ba, witin nani wisa: ‘Dan gâdka ba kau raya sa’, bara: ‘Beerseba gâdka nani sin kau raya sa’. Baku aisi nani ba sut kauhbia, bara kli sin bubia apia.”

Miqueas 1:13

Laquis ra iwi uplika nani, man nani sika Israel luhpia nani nina bliki maipara buram, Saion uplika nani ra munram saura daukan; bamna araskam karnakira nani ba, war aiklabaia waginka nani ra wilks.

Miqueas 1:5

Jekob uplika nani, Dawan mapara buan tâka wina naha pâtka aula; Israel luhpia nani saura daukan ba tâka mita sin. ¿Jekob mita mapara buanka daukata ba, anira sa? ¡Sameria tasbaya ra sa! ¿Dawan ra kulkras lâka ra, Jekob mita lilka bahki nani paski, bahara pura sunaia watla nani mâkan ba anira sa? ¡Jerusalem tasbaya ra sa!

Nahum 3:11

Man ra sin mai munka bla takma; lamla ba sriman tara man takbia ba ra, waihlam nani aula ba mawan wina yukuwaia wisi, yukuwaia pliska ra dimi yukuwi kama.

Luk 23:30

Baha piua ra upla nani ba il nani ra wibia: ‘¡Yang nani purira kauhs!’; il sirpi nani ra sin wibia: ‘¡Yang nani puri biks!’

Kli Smalkanka 9:21

baha ningkara man nani paskram bîpka baha ni saura daukram ba yang briri, bara pauta ra lulkri, ningkara mil ra mangki wauhi auhya yuya baku dauki, il bîla albangkika ra yakabri.

Param Marikanka 6:16

bara il nani ra bara walpa nani ra sin, witin nani naku wi kan: “Yang nani purira kauhs, bara baha king iwaika ra iwi ba mawan wina wan yukuks, Sîp Luhpia mita lawanka tara yabaia ba wina sin.

Param Marikanka 9:6

Baha kati matsip nani ra upla nani ba prura plikbia, sakuna sâkbia apia; bara pruan dauki nani kabia sin, prura ba lika witin nani wina laihura takbia.