Oseas 10:11 - DAWAN BÎLA AISKA

¹¹ “Efraín ba bîp tiara kum, pat tim takan ba baku kan, plun mâ taya sakaia lihki kan. Nana dusa painkira bara mangkaika dusa ba mangkri wagin ba wina kauhbia dukiara, bara Juda tasba baikaika ba wina kauhbia, Jekob sin baha dusa raski pahbi ba wina kauhbia.

Oseas 10:11 ပူးပေါင်းရင်းမြစ်များ

Aiseya 28:24

Insla mamangkra kum mangkaia auya bara yu aiska ra tasba tukbi yu dimras, apia kaka tasba baiki, apia kaka tasba aubi.

Jirimaya 28:14

Kan yang, Dawan, karnika sut brisna ba, Israel Gâdka, mai wisna: Nisan nani sut nana ra baha lal ra mangkaika dusa ba ayan ni paski mangkri, witin nani Nabucodonosor Babilon kingka warkka daukaia. Daiwan wail nani sin witin ai karnika bri ba lâka munhtara swiri sa.”

Jirimaya 46:20

Idsip ba bîp tiara painkira kum baku sa, sakuna witin ra samaia, yahbra wina walmu kum aula.

Jirimaya 50:11

“Caldea uplika nani, man nani bal yang upliki nani diara bri kan ba sut briram ba, ¡bara liliam dauks, pi, di, dimi! ¡Bîp mairin twi kura ra pih srutwi baku srutwi banhs! ¡Aras nani srutwi ihbi baku dauks!

Oseas 11:4

Witin nani ra sturi swapni aisi, latwan kaikisna lâka awa ni wilki, yang laimara balaia raskri mawan ba maiwan kat prakaia; tuktan lupia nani kau tiala di kan ra klâki ba baku; witin nani ra bawri plun dakakaia dukiara,

Oseas 2:5

Man yaptikam ba, rug lâka daukan; ai kulkanka ba tikan naha aisin ba ra: “Waitniki laitwankira nani ba pliki wamni, witin nani wina plun, lî aikisa, sîp taya kwalka, linin sin, batana laya, diranki nani sin aikisa.”

Oseas 3:1

Dawan kli bal ai win: “Man was bara mairin kum ra laik taks, pâmnika mairka pali, bara ai maya nakra praprakra ba. Dawan bui Israel luhpia nani ra baku latwan kaikisa. Witin nani bui kakaira apia uplika nani gâdka ra wan sakuna, bara dus mâ lupia nani, lâki muni britka yaban pîsa.”

Oseas 4:16

Israel ba mapara babura takan, bîp tiara wail baku; bara baku sma ba, ¿Dawan ba ban man nani ra sîp lupia nani ra baku twi painkira pâwi tasbaya ra, main mai kaiki kabia ki?

Oseas 9:1

Israel, man nani lilia kapara; upla wala nani baku, âmyapah pali srutwi kapara, man bui Dawankam ba lulki swiram bara ur takram, plawar mâ taya saki ba watla ra ur takisma mana, mamna briaia lihkisma.

Miqueas 4:13

Dawan aisisa: “¡Saion uplika, man nani mahka bus, waihlam nani ba rausauhks! Bîp wainhka ayan aringka nani bri, bras sûska nani sin bri ba karnika baku, karnikam maikamna. Bara upla kiamka ailal sauhki tikma; witin nani bui upla dukia kukan nani sut mihta dakbi brin kan ba, baha kli witin nani wina dakbi yang ra aikma, tasba aiska Dawanka sna bamna.”

Roman 16:18

kan bahmuna sât uplika nani ba wan Dawan Jisas Kraist dukia daukras sa, sakuna ai biara warkka daukisa, bara witin nani ai bîla damnika bara ai bîla ni pain aisi ba mita upla sins aitani briras nani ra kunin munisa.

Kli Smalkanka 25:4

“Bîp wainhka plawar mâ taibi piua ra, bîla ba diara ni priskpara.