Oseas 10:1 - DAWAN BÎLA AISKA

¹ Israel ba, wain kiwka ra mâ ailal pali alkan ba baku sa; witin nani ba kau ailal alki kan ba ra, altar nani sin kau ailal paski kan; tasbaya kau painkira taki kan ba ra ai gâdka bahki nani walpaya ba sin, kau pranakira paski kan.

Oseas 10:1 ပူးပေါင်းရင်းမြစ်များ

1 King Nani 14:23

Kan witin nani sin gâd bahki nani watla paskan, walpa nani bara dus playa kutbanka nani bukan Dawan bahki ra mayunaia dukiara, kiuhsi nani ra, dus tnawa ailal bri nani munhtara sin.

Jirimaya 11:13

Juda gâd nani ailal pali brisa tawan nani ailal bri ba baku, Jerusalem ra iwi uplika nani ba sin kîa pain angki Baal ra yabaia altar nani ailal paskan sa tawan ra yabal ailal ba baku.

Jirimaya 11:17

Yang, karnika sut brisna Dawanka ba, yang mita sika mai angkri, bara yang mita sika pât tara ba man ra balaia daukri, Israel man Juda wal watawika lâka nani manis yang maipara daukram bamna, man nani Baal ra kîa pain angki yabi yang kupi baikram.

Jirimaya 2:28

Juda, ¿gâdkam nani paskram kata ba anira sa? ¡Gâd nani ailal brisma tawan nani ailal ba baku! ¡Nanara witin nani bal kaikbia, swaki mai sakaia sip sa sapa pât saura nani ba bal mai alkbia ba ra!

Oseas 12:11

Galaad ra idan gâdka nani bâra sa, sakuna baha nani sut ba kuninkira baman. Guilgal ra bîp wainhka nani sakripaiska daukisa; walpa ailalka baku altar nani ba ai lainka ra paski brisa.”

Oseas 12:8

Efraín aisisa: ‘¡Âu, yang yuyakira takri, kan yang sans pain pali kum wal prawri; sakuna upla kumi sin sip daihra aisabia apia naha dukia nani brisna na saura dauki natka bâk saki briri!’

Oseas 13:15

Ban kra Israel, twi baku tangnika baiwi kabia sin, lalma payaska ba krawbia, pâsa karna upla iwras tasbaya wina krawi, bara lâkbia laya kârma nani ba, laya aubi nani ba sin lâwbia. Waihla ba bal, mana tara dukia nani kuki bri ba, sut brih wabia.

Oseas 13:2

¡Bara witin takaskras ban saura daukisa! Ai silbarka ba slilki aidul nani paski brisa, baha papaskra nani, nahki paskaia aitani luki ba kat paskisa. Paskan ba ningkara aisisa: “¡Man nani bui witin ra sakripais dauki yas!”, bara upla nani ba baha aidulka nani bîp baku paskan ba ra kiawalisa.

Oseas 13:6

“Sakuna man nani plun puram lui briram ba ra, kupiam lukra ba aibanhwan uba tara takan bara âmya ai tikram.

Oseas 2:10

Ai waitnika latwankira nani kaiki kaka, prâka daiki taya man swimna. ¡Upla kumi sin witin ba, mihti wina dakbi sâkbia apia!

Oseas 2:8

“Sakuna witin aisaras kan yang wina plawar, wain, batana laya yabi kapri; yang sika silbar, gul ailal yabi kapri ba, witin baha brih, ai gâdka bahki nani lilka paski kan ba.

Oseas 3:4

Kan Israel luhpia nani ba, piua wihka pali king âpu, wihta sin briras kabia, sakripais daukaia âpu, angkaika pliska nani sin âpu kabia; prîs prâka nani âpu kabia, baha gâdka talika nani sin âpu kabia.

Oseas 4:7

“Prîs nani kau ailal takan ba ra, saurka lâka sin kau ailal maipara daukan; baha mita witin nani ra yamni kulkaia lâka ba, swira daukaia lâka ra lakamna.

Oseas 8:11

“Kan Efraín altar ailal pali paskisa, baha nani lika saura daukaia dukiara baman paskisa.

Oseas 8:4

“Witin nani ba yang ra walras, ai kupia lâka kat ai kingka nani ba mangkan; witin nani wihta nani sin mangkan, sakuna yang ra ai wiras. Witin nani gul, silbar nani sin aidul nani paskaia brin, ai paskanka nani ba wal, kli slingwi tiwaia.

Libait Lâka 26:1

“Aidul nani bara upla lilka nani paskpara, man nani kuntrikam ra bahmuna walpaya bripara bara baha nani ra puram sunpara, kan yang sika man nani Dawan Gâdkam.

Nahum 2:2

Kan Dawan bui Jekob aimayunanka ba kli paski karna daukaisa. Israel aimayunanka ba sin blasi bri kata ba baku kan, ai waihla nani ba ai dukia nani bri kata ba implikras kan piua ra, baha ningkara sim wain kiwka ra mâ nani sut dakbi daukan kata ba baku swibia.

2 Korint 5:16

Baha mita, yang nani kum dukiara sin tasba uplika nani luki ba baku kli lukras: Kraist dukiara sin kanra yang nani tasba uplika nani luki ba baku luki kapri; sakuna nanara yang nani witin dukiara kli baku lukras.

Pilipai 2:21

Upla wala nani lika, witin pain kaia baman plikisa, bara Kraist Jisas dukia nani ba lika ai kupia lukras.