Oseas 1:4 - DAWAN BÎLA AISKA

⁴ Bara Dawan bui Oseas ra win: “Luhpia waitna baikan ba nina Jezreel mâks, yang tisku pali king Jehú kiamka nani sut klala yabamna, witin Jezreel ra wih upla nani iki tikan bamna, bara Israel kingka lâka ba kat takaskamna.

Oseas 1:4 ပူးပေါင်းရင်းမြစ်များ

2 King Nani 10:1

Ahab ba Sameria ra luhpa waitna nani 70 bri kan. Bara baku Jehú mita wauhtaya nani ulbi Sameria tawan wihtka nani ra, tawan almukka nani ra, Ahab luhpia main kakaira nani ra blikan, bara naku ulban kan:

2 King Nani 10:17

Bara Jehú ba Sameria ra wan ningkara, Ahab luhpia nani kau Sameria ra raya takaskan nani ba sut ikan. Alsut iki tikan, dîa Dawan bîla Ilaidsa ra aisan kan ba kat.

2 King Nani 15:29

Pécah Israel kingka kan piua ra, Tiglat-piléser Asiria kingka ba balan, bara Iión, Abel-bet-maacá, Janóah, Quedes, Hasor, Galaad, Galili, bara Neftalí tasbaya aiska ba dakbi brin, bara uplika nani ba Asiria ra alki alba lâka ra brih wan.

2 King Nani 15:8

Juda kingka Azarías king aimakan ba wina pat 38 mani ra diman ba ra, Sakaraya Jeroboam luhpia waitna ba, Sameria ra Israel kingka aimakan kati 6 baman.

Aiseya 7:14

Bahamna Dawan witin bui, man nani ra sain kum mamrikbia: Kaiks tiara ba kwihra sa, bara ai luhpia waitna kum sâkbia, bara ai nina ba Imaniuel mâkan kabia.

Aiseya 8:3

Ba ningkara prapit mairin, yang mayi ba wal prawri, witin kwihra tiwan, luhpa waitna kum baikan. Bamna Dawan bui ai win: “Nina ba Maher-salal-hasbaz mâks.

Aiseya 9:6

Kan tukta waitna kumi wan dukiara aisubi takan, Dawan yawan ra luhpa waitna kum wankan sa, witin ra king kaia karnika yaban sa. Ai nina ba mâkan kabia: Aihka pranakira, Lâ Smasmalkra, Gâd karnakira, ban kaia Aisika, kupia kumi lâka Kingka.

Jirimaya 20:3

Yu kum luan ningkara upla blikan wan Jirimaya ba dus unta klauhbanka ba wina sakan, bara Jirimaya witin ra win: “Ninam ba Dawan mita wala mâkisa Magor-misabib.

Jirimaya 23:2

Dawan, Israel Gâdka ba, sepad nani dahra aisisa, witin nani ai uplika nani wihtka tara nani aimaki ba: “Man nani mita sîpki nani ba aihka aihka yakabram, main kaikras munram sut plapan. Bamna aitani pali sa yang bui man nani ra klala maikaia daukankam saura nani ba tâwan. Yang, Dawan, kasak aisisna.

Jirimaya 3:8

baku sin witin kaikan Israel maipara babura takan lâika sauhkan bara lulki swisatna ba, yang wal mayi lâika ba krikan tâwan dakwi takri. Sakuna Juda, Israel muihnika mairin rugkira ba, sibrin daukras kan, witin sin wan bara ur takan.

Isikiel 23:10

bara witin nani mita sunu kan lâka tikan; ningkara ai luhpia mairin bara waitna nani ai mihta dakban, bara witin nani ra sord malika ba wal ikan. Baku natka ra ai lâka daukan, witin mapara. Bara ai tânka ba tara takan mairin nani tilara.

Isikiel 23:31

Man muihkam wapanka nani nina blikram; baha mita sin kapka diaia yâri ba, baha man sin dima.

Oseas 1:6

Bara Gómer kli kwihra tiwan, ai luhpia mairin baikan. Dawan kli Oseas ra win: “Luhpiam mairin nina Lo-ruhama mâks, Israel kingka lâka ba, ban umpira kaiki kamna apia, witin nani pâtka ba swih tikamna apia bamna.

Oseas 1:9

Bara Dawan Oseas ra win: “Baha tuktika nina ba Lo-amí mâks, kan man nani ba nanara yang upliki apia sma, yang sin man Dawankam apia sna.”

Oseas 2:13

Piua luan ra, witin nani kîa yamni angki, gâd bahki nani ra yabi kan ba mana klala yabaisna, mihtadingka nani, lilura nani ni ai prana dauki, ai waitnika latwankira nani nina bliki kan, yang ra ai âuya ai tiki si. Yang Dawan, baha kasak aisisna.

Oseas 2:22

bara tasba bui plawar mâ, wain mâ ra bara batana laya ra aisabia; bara witin nani tawi Jezreel ra aisabia.

Oseas 9:17

Naha uplika nani na, Gâdki aisi ba walan daukras sa; baha mita Dawanki mita witin nani ba lulki swiaisa, bara ai tasbaya âpu nisan nani tilara ban watauki kabia.

Emus 9:8

Dawan nakra nani ba Israel kingka tasbaya diara saura dauki ba kat kang kaikisa, bara witin naku aisisa: “Yang baha kingka tasbaya ba sauhki tikamna, ban sakuna Jekob kiamka nani ba lika, sut pali iki tikamna apia. Yang, Dawan, kasak aisisna.

Matiu 1:21

Witin luhpa waitna kum bribia, bara ai nina ba Jisas mâkma., Baku ai nina mâkbia, kan witin bui ai uplika nani ai saurka nani wina swaki sâkbia bamna.”

Luk 1:13

Sakuna insal ba bila: —Si bripara, Sakaraya. Gâd mita puram sunra ba walan, bamna mayam Elisabet luhpa waitna kum baikbia, bara ai nina ba Jan mâkma.

Luk 1:31

Man kwihra tiwma, bara luhpa waitna kumi brima, ai nina Jisas mâkma.

Luk 1:63

Sakaraya ba wauhtaya pîs kum makaban, bara baha ra naku ulban: “Ai nina ba Jan.” Baku mika upla sut ba tâ iwan.

Jan 1:42

Ningkara Andru mita Saiman ba brih wan Jisas bâra kan ba kat, bamna Jisas kaiki, naku win: —Man ba Saiman, Jan luhpia, sakuna Cefas mai mâkan kabia (baha tânka ba: Pita).

Jasua 19:18

Ai tasbaya ba tilara naha tawanka nani dingki kata: Jezreel, Quesulot, Sunem,