Nihimaya 9:33 - DAWAN BÎLA AISKA

³³ Âu, man lika kasak tânka ba kat daukram klin sma, pât nani sut pali yang nani purira balan ba tilara, man lâ wapni pali ba daukram, ban sakuna yang nani lika diara saura baman daukri.

Nihimaya 9:33 ပူးပေါင်းရင်းမြစ်များ

Blasi Sturka 18:25

¡Sip apia pali, man sip baku daukma apia, pâtkas nani ba pâtkira nani ba wal aikuki baku ikaia, wâlsut ba baha saurka ba aikuki daukan kan baku prais! ¡Baku daukpara! Man sika tasba aiska wihtka tara sma, ¿wapni lâka ba man daukma apia ki?

Esdras 9:15

“Dawan Israel Gâdka, man kasak wapni pali sma, ban pât nani tilara man mita daukram, yang nani dakni lupia kum naiwa yua kat kau ban raya kaia, baku yang nani naiwa nâra sna. Yang nani sika pâtkira sna, man kaikisma; baha mita lamamra kaia sip apia banhwisna.”

Nihimaya 9:34

Yang nani kingki nani, wihtki nani, prîski nani, aisiki nani sin sut, man lâmka bîla ba kat alki daukras kan, walras baku kan man adarkam nani yabi ai kupia krauki kapram ba.

Nihimaya 9:8

Kaikram witin ba waitna kum man ra kasak luki kan, bara man bui witin wal aisi lâ daukram: Kenan uplika nani, hitita nani, amorreo nani, ferezeo nani, Jebús uplika nani bara gergeseo nani tasbaya ba, witin ra bara ai kiamka nani ra sin yabaia wiram; bara man lâ aisi daukram ba bîlam kat daukram, ¡kan man kasakkira sma ba mita aisisma ba kat daukisma!

Job 33:27

Bara wibia: “Saura yâri, tanis lâka nani ba daukri, sakuna Gâd klala aikaia brin daukras kan.

Job 34:23

Gâd mita upla ra piua kumi mangki yaras sa, witin ai mawanra wabia lâ daukaia.

Lawana Nani 106:6

Yang nani aisiki nani wal baku saura daukri, yang nani warha lâka daukri, yang nani saura daukri.

Lawana Nani 119:137

Dawan, man ba kasakkira sma; bara lâ aisi daukisma ba sut kasakkira sa.

Lawana Nani 145:17

Dawan ai yabalka nani sut ra kasakkira sa, ai daukanka nani sut ra sin kupia pihni sa.

Impakan Sturka 32:31

Bamna Moses kli Dawan ra wan, bara naku win: —Rait pali naha uplika nani na saurka tara kum daukan sa, kan witin nani gul ni gâd kum paskan ba mita.

Jirimaya 12:1

Dawan, yang na man wal aisi blahwamna kaka, man piu bani aisisma ba sut ba rait baman sa; ban sakuna, yang diara mamkabi walaia brin ai daukisa diara kum kum ra tânka bâra sa. ¿Dîa muni watawikira nani dauki ba sut yamni man taki ba? ¿Dîa muni upla âiatkra nani ai âuyapah iwi ba?

Jirimaya 44:3

watawika nani witin nani daukan ba tâka, witin nani gâd wala nani ra pura suni mayuni sakripais dauki kîa pain angki dauki, swiri daukan ba mita; baha gâdka witin nani kakaira apia bara ai damika nani sin kakaira apia kan ba.

Inanka Nani 1:18

Dawan ba kasak ba daukan, yang mita sika witin ai bîla mapara buri bamna. ¡Upla nani sut, yang ra ai wals; pât wahwisna ba sin kaiks! ¡Wahmiki nani bara tiariki nani sut ba alki priski silak ra brih wan sa!

Isikiel 11:12

Bara damra walma yang sika Dawan sna ba; kan yang lâika ra taukras kapram bamna, yang lâ yabri ba bîla walras, kuna nisan wala nani kir mai bri ba natka kat man nani dauki banhram.’ ”