Nihimaya 9:32 - DAWAN BÎLA AISKA

³² “Baku bamna wan Gâdka, Gâd tara sma ba, karnakira, sibrinkira sin, wal aisi lâ daukram ba alki brisma latwankam lâka tara ba wal, man mamwanra ban lulki swipara pât saura nani ailal pali wahwan ba wan kingka nani, wihtki nani, prîski nani, damiki nani bara man uplikam sut, Asiria kingka nani yua nani ba wina naiwa yua kat.

Nihimaya 9:32 ပူးပေါင်းရင်းမြစ်များ

1 King Nani 8:23

bara win: “Dawan, Israel Gâdka, man baku Gâd wala âpu sa, kasbrika purara, baku sin naha tasba mâyara sin âpu, man alki brisma ba baku lâ daukan lâka, bara kupia yamni lâka sut albikam nani ra, baha nani ai kupia aiska kira man dukiam dauki nani ra.

2 King Nani 15:19

Witin yua nani ra, Pul, Asiria kingka ba, tasbaya ra aiklabaia balan, bara Menahem ba ai kingka lâka ra ban swika iwi kabia wisi, silbar 33,000 kilo aibapan ai kingka lâka ra karnika yabaia dukiara.

2 King Nani 15:29

Pécah Israel kingka kan piua ra, Tiglat-piléser Asiria kingka ba balan, bara Iión, Abel-bet-maacá, Janóah, Quedes, Hasor, Galaad, Galili, bara Neftalí tasbaya aiska ba dakbi brin, bara uplika nani ba Asiria ra alki alba lâka ra brih wan.

2 King Nani 17:23

Lâs kat Israel luhpia nani ba Dawan mita ai mawan ba wina sakan, sip pain takras kan bamna, dîa witin prapit nani bâk aisan ba kat, bara Israel luhpia nani ba Asiria ra alki brih wan, naiwa yua ba kat ban bâra sa.

2 King Nani 17:3

Bara Asiria kingka Salmanasar mita Oseas mapara aiklaban, ningkara ai albika daukan bara diara lal mana aibapi kan.

2 King Nani 17:6

Bara Oseas ba king aimakan ba wina pat 9 mani diman ra, Asiria kingka ba mita Sameria tasbaya aiska ba dakban, bara Israel luhpia nani ba alba lâka ra sut alki brih wan, bara Halah ra swin, Habor tasbaya ra, Gozán awalka lama pali kat, Media uplika nani tawanka ra.

2 King Nani 23:29

Witin piua ra king fero, Necao, Idsip kingka ba, Éufrates awalka kat balan Asiria kingka ra tâ baikaia dukiara. Bara ai mapara king Josías ba aiklabaia balan, sakuna Necao bui Meguido kat kaikan bara bahara witin ba ikan.

2 King Nani 25:7

Bara Sedequías luhpia nani sut, aisika mawan kat nana dakbi ikan. Bara Sedequías ra lika ai nakra wâl ba sakan, bara ai mihta nani ba wilki, Babilon ra brih wan.

Esdras 4:2

Bara uplika nani ba balan, bara Zorobabel, Jasua bara kiamka bani wihtka nani ra wan kaikaia, bara naku win: —Aik yang nani sin man nani ra tempel mâki tâm baiki banhwamna, kan yang nani sin man nani baku Gâdkam ba briri, bara witin ra yang nani sin daiwan iki angki yabisna, Asiria kingka Esarhadón yua ba wina, witin mita sika nâra wan bri balan ba.

Esdras 9:13

“Yang nani saura daukri ba tâka mita, diara sut ban baku takan; yang nani pât wauhri, sakuna Dawanki, man mita yang nani saura daukri ba mana aikaia praiska kat klala aikras kapram, sakuna kir laki naha pri lâka ni wankram.

Nihimaya 1:5

Bara witin ra wîri: “Dawan, man laih pura Gâdka, Gâd tara sibrinkira sma, lâ daukisma ba dutki alki brisma, dîa aisi daukram ba kat kulkisma, baha nani man lâmka bîla kulki latwan mai kaiki nani sut ra.

Lawana Nani 47:2

Kan Dawan Laih Purara pali iwi ba, aihka sibrinkira sa bamna; witin ba king tara sa naha tasba aiska ra.

Lawana Nani 66:3

Man nani bui Gâd ra wis: “¡Man warkkam nani ba aihkakira sa! Man karnikam tara ba mita man waihlam nani ba sirang iwi mamwanra kauhi banhwisa.

Lawana Nani 66:5

Man nani bal kaiks Dawan warkka na, diara aihkakira nani upla dukiara daukan na.

Impakan Sturka 18:8

Bahara, Moses mita ai dapna ra diara sut takan ba win. Dawan mita Israel luhpia nani tâwan king fero ra bara Idsip uplika nani ra sin dîa munan ba, bara yabal ra trabil nani manis brisata ba, bara Dawan sin nahki natka ra witin nani ra swaki sakata ba sin sut win.

Aiseya 9:6

Kan tukta waitna kumi wan dukiara aisubi takan, Dawan yawan ra luhpa waitna kum wankan sa, witin ra king kaia karnika yaban sa. Ai nina ba mâkan kabia: Aihka pranakira, Lâ Smasmalkra, Gâd karnakira, ban kaia Aisika, kupia kumi lâka Kingka.

Daniel 9:4

Dawan Gâdki ra puri sunri, bara naha dahra na wîri: ‘Dawan, man lika Gâd karnakira pali sma ba, piua bani man dîa aisisma ba daukisma, bara man lamtwanka lâka tânka ba pliki kaikisma ya man ra latwan mai kaikisa, bara lâmka bîla nani kat sin dauki ba:

Daniel 9:6

Yang nani bui man nampakan prapit nani ra kulkras, baha nani man ninam brih aisi kan ba king nani ra, tâ uplika nani ra, wan almukka nani ra bara Israel luhpia nani sut ra sin.

Daniel 9:8

Bamna Dawan, yang nani na wan kingka, wan tâ uplika nani bara wan almukka nani kan ba baku sna, yang nani swiri ai daukisa, kan man mampara saura dauki banhri ba mita.

Libait Lâka 26:18

“Naha pâtka nani sut brima kat, kau bîli walras kama kaka, kau 7 taim klala maikamna saurkam mana.

Libait Lâka 26:21

“Man nani kau ban saura dauki bîli walras kama, upla kum maipara bubia kaka, yang kli 7 taim klala maikamna, saura daukisma ba praiska kat.

Libait Lâka 26:24

yang sin man nani mampara lawamna, bara kli kau 7 taim klala maikamna saura daukisma mana.

Libait Lâka 26:28

yang sin man nani mampara kamna bara kupi baiwanka ra kli klala 7 wala maikamni saura daukisma ba luki.

Kli Smalkanka 7:12

“Naha lâ man nani walma ningkara, trai kaiki dauki banhs bara Dawan Gâd bui man nani damikam nani wal ai lâka wal aisi daukan ba kasak daukbia.

Kli Smalkanka 7:13

Man nani ra latwan mai kaikbia, yamni mai munbia bara man nani ailal sahwi kama; luhpiam nani ra, plawarkam mâ ra, wainkam ra, namsla ra mâ krikaia ra, plawarkam mâ, wainkam bara batankam laya, bîpkam bara sîpkam luhpia nani ra yamni munbia, kuntrikam almukka nani ra yabaia win ba ra sin yamni munbia.

Kli Smalkanka 7:21

Witin nani mawanra tatatpara, kan Dawan Gâdkam, Gâd tara sibrinkira ba man nani wal sa.

Kli Smalkanka 7:9

Bamna tânkam bri banhs, Dawan ba Gâdkam sa, Gâd kasak sa, kiamka nani ra ai lâka kasak ba daukisa, witin ra latwan kaiki ai lâka ban bri ba,