Nihimaya 9:30 - DAWAN BÎLA AISKA

³⁰ Witin nani wal man kasak pali kupiam alki takaskram mani nani ailal; bara man spiritkam ni prapitkam nani bâk, witin nani ra aisaram; sakuna witin nani man ra walras kan; baha mita man bui witin nani ba baha tasbaika uplika nani mihta ra mangkram.

Nihimaya 9:30 ပူးပေါင်းရင်းမြစ်များ

2 King Nani 18:11

Bara Asiria kingka bui Israel luhpia nani ba alki alba lâka ra Asiria ra brih wan, bara Halah tawanka ra yaban iwan, Habor tasbaika ra, Gozán awalka lama kat swin bâra kan, bara naha na Media uplika nani tawanka kan.

2 King Nani 21:10

Baku bamna, Dawan mita aisan ai prapitka nani bâk, bara win:

2 Kronikas 24:19

Ban sakuna, Dawan ai dahra aisasarika nani blikan, kli witin ra tawbia wisi. Sakuna upla nani ba prapit nani smalkan ba walras kata.

Esdras 9:10

“Sakuna nanara, Dawanki, ¿yang nani dîa aisamna ki, naha daukanka nani yang nani daukri ba? Kan man lâmka daukaia wiram ba kat yang nani daukras,

Nihimaya 9:20

Bara man spiritkam yamni pali sin blikram witin nani ra smalki kaia, bara ai pata manâ ba sin bîla wina sakras kapram, baha purkara lî sin yabi kapram ai diranka ba daski kaia dukiara.

Nihimaya 9:26

“Sakuna witin nani man bîlam wali daukras kan, mampara buan, bara man lâmka ba bahki kulkan. Baha purkara, prapitkam nani ba witin nani mita ikan, kan baha nani witin nani ai mapara param aisi kan, bara win ai kupia lakbia, baha tâwan minam prukanka tara dauki kan.

Nihimaya 9:29

Bara man bui witin nani ra kupia kraukram, lâmka bîla wali kli man ra tawbia wiram, ani uplika lâmka ba alki daukbia kaka, witin nani raya kabia, ban sakuna witin nani ai kupia karna pali kan, bara man adarkam nani ba wali daukras pali takan, ban sin man lâ wapni yaram ba mapara saura daukan.

Lawana Nani 86:15

Sakuna, man Dawan, latwankam swapni brisma ba wihka bîla kaikisma, lamtwanka lâka bara kasakkam lâka ba wal.

Lawana Nani 95:10

Baha kiamka nani ba wal 40 mani kupi sauhki katna, bara wîri: ‘Naha uplika nani sut tiwi wataukisa; yang lâika bîla nani wali daukras.’

Aiseya 28:10

bara aisi kaikaia namika ra lan taki ba; a i u aisi kaiki ba baku!”

Aiseya 42:24

¿Ya mita yan Jekob dukia nani ba dakbi brih waia, bara Israel ba taibi muni, dukia impliki waihla mihta ra mangkaia? Baha sika Dawan kata ba, yawan bui witin ai mapara saura dauki na. Witin nani ai yabalka nani ra impakaia brin wan daukras kan, ai lâka ba sin yawan nani walras kan.

Aiseya 48:9

“Yang nini latwanka ba tâwan, kupi baiwanka ba alki takaskri, yang maiyunra ba dukiara ban mai sauhki tikaia lukri.

Aiseya 63:10

Sakuna witin nani Dawan mapara babura nani takan, Dawan holikira lâka ba witin nani mita kupia baikaia daukan; baha mita witin baha nani ba waihla takan bara witin nani ra aiklaban.

Jirimaya 25:4

Baha sut ban sakuna, Dawan ba aima kum kli aima wâl ra sin, ai dukia dadaukra, ai prapitka nani ba man nani ra blikan, man nani bui witin nani ra walras, aisi ba sin walan mai daukras bara bîla wali sin daukras.

Jirimaya 44:22

Man nani daukankam saura nani daukisma ba mita, Dawan lilia apia kan witin kau sip ai kupia alki takaskras kan. Baha mita naiwa man nani kuntrikam ba sauhki swin sa, upla bahara iwras; lahtuban nani, upla sirang ikaika takan.

Jirimaya 44:4

Prapitki duki dadaukra nani ba pat pat blikri man nani ra mai wiaia, baha diara saura misbara kaikisna ba man nani daukaia apia.

Jirimaya 44:5

Sakuna man bîli walras, aisisna ba sin walras. Watawikam nani swiaia watlika ra kli gâd wala nani ra kîa pain nani angki yaram.

Jirimaya 7:25

Man nani damikam nani Idsip wina takan ba yua wina naiwa kat, prapitki nani duki dadaukra nani ba man nani ra kum blikri ba ninara wala nani bliki ban sna.

Inanka Nani 2:17

Dawan lika witin dîa daukaia lukan ba sut daukan, ai bîla aisan ba kat daukan sa. Umpira kaikras kira sauhki tikan sa, kaina piua wina sauhki tikaia luki kan ba, witin bui yan, waihla nani ba mita lamwaska kikisa, bara waihlam nani karnika ba sin purara bukan.

Daniel 9:6

Yang nani bui man nampakan prapit nani ra kulkras, baha nani man ninam brih aisi kan ba king nani ra, tâ uplika nani ra, wan almukka nani ra bara Israel luhpia nani sut ra sin.

Sakaraya 7:12

Witin nani ai kupia karna daukan, walpa karna pali ba baku. Dawan, karnika sut bri ba, ai spiritka ni lâ smalkanka nani patitara prapitka nani ra win aisin ba, walaia apia win. Bamna Dawan kasak pali ai kupia baikan, bara naku win:

Sakaraya 7:13

“Yang aisari, witin nani walan daukras bamna, witin nani ai pura sunbia bara yang sin walamna apia.

Kulki Kaikanka 11:26

Bara upla nani tilara waitna wâl takaskan kata, kumi ba nina Eldad kata, wala ba nina Medad. Witin nani purara sin spirit iwan. Witin nani tint watla ra lika waras kan, sakuna upla nani tilara dahra aisi kan.

Apastil Nani Sturka 13:18

Bamna Gâd bui witin nani ba mani 40 upla iwras tasbaya ra main kaiki brih tauki kan,

Apastil Nani Sturka 28:25

Witin nani ai tilara aikuki sip lukanka kumi sakras kan bamna, mahka taki aidruban. Bara Pal bila: —Spirit Holikira ba prapit Aiseya bâk pain aisin wan damika nani ra.

Apastil Nani Sturka 7:51

“Sakuna —Stiben lika ban aisi wi kan— man nani lika piua bani kupiam karna brisma. Man nani kiamam nani bara kupiam sin brisma, sim baha nani Gâd kakaira apia uplika nani ba baku, piua bani Spirit Holikira mapara. Man nani lika damikam nani wal baku pali sma.

Roman 2:4

Apia kaka, ¿man lika Gâd yamnika manis ba, bara wihka takaski lâka ba sin bahki kulkisma, bara damra sin walras pali sma, Gâd yamnika lâka ba lika kupiam lakaia dukiara sa?

1 Pita 1:11

Kraist Spiritka mita, patitara piua wina pât wahwaia kan ba prapit nani ra param mariki kan, bara baha ningkara prana balaia kan ba sin; bara witin nani baha uplika ba ya sapa pliki sakaia trai muni kan, bara baha Spiritka witin nani ra iwi kan ba mita piua mariki kan ba, ani sapa sin kaikaia pliki kan.

2 Pita 1:21

Kan prapit nani lika, aima kumi sin upla lâka kat ai kupia wina diara saki aisaras kan. Sakuna, witin nani lika upla nani kan, bara Spirit Holikira mita tâ bri kan ba mita, Gâd wina diara brih aisi kata.

2 Pita 3:9

Dawan ai pramiska ba, pat tnata alkaia brin daukras sa lika apia, upla tila nani luki ba baku; sakuna yawan wal witin ai kupia alki takaski brisa; kan witin brin daukras upla kumi kra tanis tiwbia, kuna upla sut ai daukanka saura wina ai kupia lakbia.