Nihimaya 9:29 - DAWAN BÎLA AISKA

²⁹ Bara man bui witin nani ra kupia kraukram, lâmka bîla wali kli man ra tawbia wiram, ani uplika lâmka ba alki daukbia kaka, witin nani raya kabia, ban sakuna witin nani ai kupia karna pali kan, bara man adarkam nani ba wali daukras pali takan, ban sin man lâ wapni yaram ba mapara saura daukan.

Nihimaya 9:29 ပူးပေါင်းရင်းမြစ်များ

2 King Nani 17:13

Pat Dawan mita prapit nani bara baku sin diara kakaira nani bâk, Israel uplika ra kupia kraukan witin nani ai yabalka saura ba wina tawi bal witin lâka bîla yaban ba alki daukbia, bara ai adarka nani witin nani damika nani ra smalki yaban ba ai dukia dadaukra prapit nani bâk.

2 King Nani 17:14

Ban sakuna, witin nani ai kupia ba karna pali daukan, kaina piua ra ai damika nani daukan ba baku, bara sin witin nani Dawan ai Gâd ra kasak lukras kan.

2 Kronikas 24:19

Ban sakuna, Dawan ai dahra aisasarika nani blikan, kli witin ra tawbia wisi. Sakuna upla nani ba prapit nani smalkan ba walras kata.

2 Kronikas 33:10

Dawan bui Manasés ra bara ai uplika nani ra sin aisin, sakuna witin nani Dawan ra walras kan.

2 Kronikas 36:15

Dawan, ai almukka nani Gâdka ba, piu manis ra maisa paki bliki kan ai sturka twilki uplika nani ba wal, kan witin ai tawanka ra latwan kaiki kan, baha pliska witin nani ai iwaika kan ba.

Nihimaya 13:15

Bara baha yua nani ra Juda ra yang kaikri, tila upla nani wain mâ taibi laya saki kan, ris briaia yua ra wain daukaia. Baha purkara sin, plawar mâ nani sin twilki kan, bara muyul nani ba sin wain mâ wihta nani, kwah damni mâ nani bara diara sât sât nani karbanka sut pali twilki kan, ris briaia yua ra baha dukia nani ba Jerusalem ra brih wi kan. Yang bui witin nani ra lawi daukri baha yua ra witin nani diara bri si atki ba tâwan.

Nihimaya 9:10

Bara wark aihkakira pali sin daukram king fero mapara, ai warkka uplika nani mapara, ai tasbaya uplika nani aiska mapara sin, kan man kaiki kapram witin nani praut lâka ra uplikam nani ra taibi kan ba. Baku sika man mita pura lui ninam ba tara pali daukram, naiwa kat kulkanka ban brisma.

Nihimaya 9:16

“Sakuna witin nani bara wan damika nani sut kiamapara kan tâka mita, adarkam ba wali dauki banhras kan.

Nihimaya 9:26

“Sakuna witin nani man bîlam wali daukras kan, mampara buan, bara man lâmka ba bahki kulkan. Baha purkara, prapitkam nani ba witin nani mita ikan, kan baha nani witin nani ai mapara param aisi kan, bara win ai kupia lakbia, baha tâwan minam prukanka tara dauki kan.

Nihimaya 9:30

Witin nani wal man kasak pali kupiam alki takaskram mani nani ailal; bara man spiritkam ni prapitkam nani bâk, witin nani ra aisaram; sakuna witin nani man ra walras kan; baha mita man bui witin nani ba baha tasbaika uplika nani mihta ra mangkram.

Impakan Sturka 10:3

Moses bara Eran wal king fero kaikaia wan, bara witin ra win: —Dawan Hibru nani Gâdka ba naku wisa: ‘¿Man ahkia kat yang ra ban ai wi kaisma, yang bui man ra bawaia apia? Upliki nani ba swis taki wabia bara yang ra nini mayunbia.

Jirimaya 17:23

Witin nani lika yang ra walras bîli wali daukras kan, sakuna kau lal karna takan wali lan taki wapni takan daukras.

Jirimaya 19:15

“Karnika sut bri Dawanka, Israel Gâdka ba, aisisa: ‘Naha tawanka tara ra yang klala yabia aisari ba daukaia, tawan nani witin ai lamara nani ba sut blikaisna klala yabia, kan witin nani lal karna takan yang aisari ba wali daukras kan bamna.’ ”

Jirimaya 42:19

Man nani Idsip ra waras ban Juda ra takaskuma ba, Dawan mai wisa man nani Idsip ra wapara. Pain tânka bris, nanara yang mai wisna.

Jirimaya 43:2

Azarías Hosaías luhpia, Johanán Caréah luhpia, waitna wala nani sin praut lâka bri nani ba, Jirimaya ra win: “¡Man aisisma ba kunin! Dawan wan Gâdka mai wiras ai wiaia yang nani Idsip ra wih iwaia apia.

Jirimaya 44:10

Nanara kat lukankam saura ba man nani kau swiras sma, sibrin sin mai daukras, smalkanka nani lâ maikri ba damikam nani ra yabri ba sut man nani daukras.

Jirimaya 7:26

Sakuna man nani bui yang bîli wali daukaia apia wiram, uni sin kahbras, almukkam nani ba wal man nani kau kiamam karna takan.

Isikiel 20:11

bahara lâika nani bara dîa daukaia lâka ba yabri; ya baha daukuya ba, rayaka yabi ba.

Daniel 5:20

Sakuna ai kupia ra pura luan lâka ni banhwan, ai kupia karna daukan, ai wîna kulkanka lâka sin brin. Bamna karnika bara prana kulkan lâka king bri kan ba, witin wina sakan.

Oseas 6:5

Baha mita prapit nani aisin ba baku, yang bui man nani ra yuya baman mai daukri; yang bîli smalkanka ba ni, man nani mai ikri. Kasakki lâka ba ingni baku ingwisa.

Libait Lâka 18:5

“Lâ nani maikri lâka nani ba alki dauki bas, ani uplika lâika nani alki daukbia ba, raya kabia. Yang sika Dawan.

Matiu 19:17

Jisas pana witin ra win: —¿Dîa kan yang ra yamni ba dukiara makabi walisma? Yamni ba kumi baman bâra sa. Sakuna raya ban kaia ra diman mai daukisa kaka, lâ nani ba wali dauks.

Luk 10:28

Bara Jisas pana win: —Man pain wiram. Naha na dauks, bara raya ban kaia ba brima.

Roman 10:5

Moses lâka bâk Gâd mita pâtkas kulkisa kaka, Moses mita naku ulban: “Ani uplika lâ ba kat pain daukisa kaka, witin lâ ba mita raya kabia.”

Galesha 3:12

Bamna Moses lâka ba lika kasak lukan lâka tânka apia sa, kuna dîa aisi ba wals: “Ya naha diara nani na sut daukisa kaka, witin baha dukia nani ba mita raya kabia.”

Kli Smalkanka 31:21

Sakuna pât saura nani bara sari lâka ai purara balbia piua ra, bara naha lawana na ai mapara witnis baku aiwanbia, kan ai kiamka nani ba kupia krawbia bara aiwanbia. Kan kau naha kuntrika yabaia wîri ba ra dimras kainara, pat kaikri ai lukanka nani anira tniwi ba.”

Kli Smalkanka 31:27

Kan yang lika man nani kiamam karnika bara kupiam karnika ba sin kaikisni; naiwa bâra ban man nani tilamra raya sni, bara Dawan mapara buram, ¿nahki banhwi kama yang pruamna ningkara?

Kli Smalkanka 4:26

Yang naiwa kasbrika purara bara tasba ra sin witniski brisni, Jordan baila wala kuntrika ra dimma ba ra man nani pat pali pruma. Baha tasbaya ra piua wihka raya kama apia, sakuna âpu pali mai daukbia.

Wihta Nani 6:10

Bara yang bui man nani ra mai wîri, yang sika man nani Dawan Gâdkam. Bara man nani amorreo nani gâdka ba sîa briaia apia sma, witin nani ai tasbaya ba ra man nani iwaia sma; sakuna man nani bui yang bîli walras sma.’ ”