Nihimaya 8:16 - DAWAN BÎLA AISKA

¹⁶ Bara upla nani ba taki wih, dus wahia nani bri balan, bara utla papakni nani ba sin mâkan, upla nani ai pliska kat, ai latka nani bani ra, tempel latka ra luaika nani ra, lî watla getka lamara, pulaia pliska ra bara Efraín watla latka durka lama kat.

Nihimaya 8:16 ပူးပေါင်းရင်းမြစ်များ

2 Samuil 11:2

Tutni kum, Debit ai krikrika ra yapi si buan ba ra, king watla bahna purara wapi taukaia pliska ba ra wapi tauki kan, baha wina mairin painkira kum kaikan, ai katka siknis wina klin taki si bal aihtabi kan. Debit upla saki blikan, wih mairka ba tânka pliki kaikaia. Tânka pliki kaikan ba ra witin ra win baha sika Betsabé, Eliam luhpia mairin, Urías hitita ba maya. Debit bîla twatwilkra nani saki blikan mairka ba bri balaia, bara witin wal krikri ra aitnikan, baha ningkara kli ai watla ra wan.

2 King Nani 14:13

Joás Israel kingka ba mita Amasías Juda kingka ra silak mangki bri kan Bet-semes ra, bara baha ningkara Jerusalem ra wan, bara kutbanka ra unta kum kwâkan 200 ‘‘mita’’ prais, Efraín Durka dimaika wina Un wala Durka dimaika ba kat.

2 Kronikas 20:5

Josafat buan upla nani tilara, Jerusalem ra asla takan bara tempel watla mawanra, Dawan watla raya paskan ba ra,

2 Kronikas 33:5

Altar wala nani wâl paskan Dawan watla latka ra, baha nani ba slilma nani ra mayunaia.

Nihimaya 12:37

Bara witin nani Lî Watla ra waia durka lama bâk wih Debit Tawanka mina mangka nani bâk uli banhwan, baha tawan kutbanka ulaika bâk, Debit Watla ba wina laih Lî Watla durka lalma tani kat wan.

Nihimaya 12:39

bara Efraín watla getka ra dimaia ba kaina wina, get almuk Jesaná dukia ba kat, baha wina Inska getka dimaika kat, Hananel tawerka bara Handat tawerka purara paskanka watla laih Sîp nani getka kat bal, bara Silak Watla getka kat takaski banhri.

Nihimaya 3:26

ban Lî watla getka ba kat, lalma tani ra tawer laihura kaikaia watla ba lama kat. (Ófel ra iwi uplika nani ba lika tempel ra wark dauki kan.)

Nihimaya 8:1

Bara upla nani ba sut aidrubi asla takan baha katka pas yua ra, pulaia pliska kum ra, lî watla getka ba lamara. Bara smasmalkra Esdras ra win, Moses ulbanka lâka wauhkataya ba bri balbia, Dawan mita Israel luhpia nani ra yaban ba.

Nihimaya 8:3

Bara lâ wauhkataya ba aisi kaikan lî watla getka ba lamara, titan wina yu wan lal kat. Bara lâ aisi kaiki kan ba, upla sut aman pali wali kan.

Jirimaya 19:13

Jerusalem watla nani ba, king watla nani ba Juda ra, utla purara iwaia pliska nani ba, baha watla nani sut ra witin nani kîa pain nani angki kan slilma nani ra, ai gâdka nani ra yaia wain laiki kan, witin nani tânka ba luki kaikbia ba ra, Tófet wal baku tâski takan sa.’ ”

Jirimaya 32:29

Baha Caldea uplika nani latara bâra ba tawan ra dimbia bara pauta ni tawan ba angkbia; utla nani utla bahna ra mâkan nani ba sin angkbia yang ra kupi baikbia, witin nani Baal ra, kakaira apia gâdka nani ra sakripais kîa pain nani angki, wain yabi dauki kan.

Kli Smalkanka 22:8

“Upla kum kra utla raya kum paskaisa kaka, barandika mawan ba kutbi lakbia, baku lika sip sa tamya ba pâtkas kaia upla kum baha kauhi prubia kaka.